ಕುಡಿಯಲು ರುಚಿಯಾದ ಅಣಬೆ ಸೂಪ್

Published: Monday, March 26, 2012, 17:41 [IST]

ಸೂಪ್ ಆರೋಗ್ಯಕ್ಕೆ ಒಳ್ಳೆಯದು, ಬಾಯಿಗೂ ರುಚಿ. ಅಣಬೆಯಿಂದ ಪಲ್ಯ, ಸಾರು, ಫ್ರೈ ಹೀಗೆ ತರಾವರಿ ಖಾದ್ಯ ತಯಾರಿಸುತ್ತೇವೆ. ಇವತ್ತು ನಾವು ಇದರಿಂದ ರುಚಿಕರವಾದ ಸೂಪ್ ತಯಾರಿಸುವ ವಿಧಾನ ತಿಳಿಯೋಣ:

ಬೇಕಾಗುವ ಸಾಮಾಗ್ರಿಗಳು:

* 2 ಕಪ್ ಅಣಬೆ
* 2 ಕಪ್ ತರಕಾರಿ (ಚಿಕನ್ ಬೇಕಾದರೆ ತರಕಾರಿ ಬದಲು ಬಳಸಬಹುದು)
* 3 ಮೊಟ್ಟೆಯ ಬಿಳಿ
* 1 ಕಪ್ ಹಾಲು
* 1/8 ಚಮಚ ಕರಿಮೆಣಸಿನ ಪುಡಿ
* 4 ಚಮಚ ಬೆಣ್ಣೆ
* ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನಗಳು:

1. ಬಾಣಲೆಯಲ್ಲಿ ಬೆಣ್ಣೆಯನ್ನು ಬಿಸಿಮಾಡಿ ಅದರಲ್ಲಿ ಅಣಬೆ ಹಾಕಿ ಸೌಟ್ ನಿಂದ ಆಡಿಸುತ್ತಾ 5 ನಿಮಿಷ ಬಿಸಿ ಮಾಡಬೇಕು.

2. ಈಗ ಇದಕ್ಕೆ ತರಕಾರಿ ಅಥವಾ ಚಿಕನ್ ಹಾಕಿ ಉರಿಯನ್ನು ಹೆಚ್ಚು ಮಾಡಿ ಸ್ವಲ್ಪ ನೀರು ಹಾಕಿ ಬೇಯಿಸಬೇಕು.

3. ಚೆನ್ನಾಗಿ ಬೆಂದ ಮೇಲೆ ಉರಿಯಿಂದ ತೆಗೆಯಬೇಕು.

4. ಈಗ ಮೊಟ್ಟೆಯ ಬಿಳಿಯನ್ನು ಪಾತ್ರೆಗೆ ಹಾಕಿ ಚೆನ್ನಾಗಿ ಕದಡಬೇಕು.

5. ನಂತರ ನಿಧಾನಕ್ಕೆ ಕದಡಿದ ಮೊಟ್ಟೆಯನ್ನು ಅಣಬೆ ಮಿಶ್ರಣಕ್ಕೆ ಸೇರಿಸಿ.

6. ಈಗ ಬಾಣಲೆಯನ್ನು ಪುನಃ ಬಿಸಿ ಮಾಡಲಿ ಇಟ್ಟು ಅದಕ್ಕೆ ಹಾಲು, ರುಚಿಗೆ ತಕ್ಕ ಉಪ್ಪು ಮತ್ತು ಕರಿಮೆಣಸನ್ನು ಸೇರಿಸಿ ಸೂಪ್ ಬಿಸಿ ಮಾಡಬೇಕು. ಸೂಪ್ ಕುದಿಸಬಾರದು.

7. ಈಗ ಸೂಪ್ ಬಿಸಿಯಾಗಿರುವಾಗಲೆ ಕುಡಿಯಲು ಕೊಡಿ.