ಸ್ವಾದಿಷ್ಟವಾದ ಏಲಕ್ಕಿ ಮಿಲ್ಕ್ ಶೇಕ್

Drinks

oi-Reena

By Hema S

Published: Tuesday, March 13, 2012, 13:11 [IST]

ಉಪ್ಪಿನ ಕಾಯಿ ನೋಡಿದಾಗ ಬಾಯಲ್ಲಿ ನೀರೂರುವಂತೆ, ಏಲಕ್ಕಿ ಹಾಕಿರುವ ಆಹಾರಗಳ ಘಮ್ಮೆನ್ನುವ ವಾಸನೆ ಕೇಳಿದರೆ ಆ ಅಡುಗೆಯ ರುಚಿ ನೋಡಲು ನಾಲಗೆ ಬಯಸುವುದು ಸಹಜ. ಏಲಕ್ಕಿ ಟೀ ರುಚಿ ಗೊತ್ತಿರಬಹುದು. ಆದರೆ ಸೆಕೆಯಲ್ಲಿ ಟೀಗಿಂತ ತಂಪಾದ ಪಾನೀಯಗಳಿಗೆ ಹೆಚ್ಚಿನ ಮಹತ್ವವನ್ನು ಕೊಡುತ್ತೇವೆ. ಆದ್ದರಿಂದ ಇವತ್ತು ನಾವು ರುಚಿಕರವಾದ ಮಿಲ್ಕ್ ಶೇಕ್ ತಯಾರಿಸುವ ವಿಧಾನದ ಬಗ್ಗೆ ತಿಳಿಯೋಣ.

ಬೇಕಾಗುವ ಸಾಮಾಗ್ರಿಗಳು:
* 3 ಕಪ್ ಹಾಲು
* 1 ಗ್ಲಾಸ್ ನೀರು
* ಗಸೆಗಸೆ 3 ಚಮಚ
* ಚೆನ್ನಾಗಿ ಪುಡಿ ಮಾಡಿದ ಬಾದಾಮಿ ಅಥವಾ ಗೋಡಂಬಿ 2 ಚಮಚ
* ತುರಿದ ಕೊಬ್ಬರಿ ತೆಂಗಿನಕಾಯಿ 3 ಚಮಚ
* ಸಕ್ಕರೆ
* 1/2 ಚಮಚ ಏಲಕ್ಕಿ ಪುಡಿ

ತಯಾರಿಸುವ ವಿಧಾನ:
1. ಬಾಣಲೆಯನ್ನು ಬಿಸಿ ಮಾಡಿ ಅದರಲ್ಲಿ ಗಸೆಗಸೆ ಹಾಕಿ 5 ನಿಮಿಷ ಹುರಿಯಬೇಕು.
2. ಒಂದು ಲೋಟ ನೀರಿನಲ್ಲಿ ಗಸೆಗಸೆ, ತುರಿದ ಕೊಬ್ಬರಿ, ಬಾದಾಮಿ ಹಾಕಿ 2-3 ನಿಮಿಷ ಮಿಕ್ಸಿಯಲ್ಲಿ ಅರೆಯಬೇಕು.
3. ಈಗ ಮೇಲಿನ ಮಿಶ್ರಣಕ್ಕೆ ಹಾಲನ್ನು ಸೇರಿಸಿ ಮತ್ತೆ 5 ನಿಮಿಷ ಮಿಕ್ಸಿಯಲ್ಲಿ ಅರೆಯಬೇಕು.
4. ಈಗ ಈ ದ್ರಾವಣವನ್ನು ಪಾತ್ರೆಯಲ್ಲಿ ಸುರಿಯಬೇಕು. ನಂತರ ಏಲಕ್ಕಿ ಸೇರಿಸಿ ಸ್ವಲ್ಪ ಹೊತ್ತು ಕುದಿಸಿ. ನಂತರ ಉರಿಯಿಂದ ಅದನ್ನು ತೆಗೆಯಬೇಕು.
5. ಬಿಸಿಯಾಗಿ ಕುಡಿಯಲು ಇಷ್ಟ ಪಡುವವರು ಸ್ವಲ್ಪ ಆರಿದ ಮೇಲೆ ಕುಡಿಯಬಹುದು. ಇಲ್ಲದಿದ್ದರೆ ಈ ಪಾನೀಯವನ್ನು ಮತ್ತೊಂದು ಪಾತ್ರೆಗೆ ಸುರಿದು ಒಂದು ಗಂಟೆ ಫ್ರಿಜ್ ನಲ್ಲಿ ಇಡಬೇಕು. ಇಷ್ಟು ಮಾಡಿದರೆ ಸ್ವಾದಿಷ್ಟವಾದ ಏಲಕ್ಕಿ ಮಿಲ್ಕ್ ಶೇಕ್ ರೆಡಿ.