ದಣಿವು ನಿವಾರಿಸುವ ಬಾಳೆಹಣ್ಣಿನ ಸ್ಮೂತಿ ರೆಸಿಪಿ

Drinks

oi-Reena

By Hema S

Published: Monday, January 23, 2012, 10:25 [IST]

ದಣಿವು ಆದಾಗ ಜ್ಯೂಸ್, ಮಿಲ್ಕ್ ಶೇಕ್ ನಂತೆ ಸ್ಮೂತಿ ಕೂಡ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಇದನ್ನು ಅನೇಕ ರುಚಿಯಲ್ಲಿ ತಯಾರಿಸಲಾಗುತ್ತದೆ. ಹಣ್ಣುಗಳಿಂದ ತಯಾರಿಸುವ ಸ್ಮೂತಿಯನ್ನು ಐಸ್ ಕ್ರೀಮ್ ಜೊತೆ ಸೇರಿಸಿ ತಿಂದರೆ ಅದರ ರುಚಿ ಮತ್ತಷ್ಟು ಹೆಚ್ಚುವುದು. ಇವತ್ತು ಅಧಿಕ ಪೋಷಕಾಂಶಗಳನ್ನು ಹೊಂದಿರುವ ಬಾಳೆಹಣ್ಣಿನಿಂದ ಸ್ಮೂತಿ ತಯಾರಿಸುವುದು ಹೇಗೆ ಎಂದು ತಿಳಿಯೋಣ.

ಬೇಕಾಗುವ ಸಾಮಾಗ್ರಿಗಳು:

* 2 ಬಾಳೆಹಣ್ಣು
* 1/3 ಕಪ್ ಕಿತ್ತಳೆ ಜ್ಯೂಸ್
* 1/2 ಚಮಚ ವೆನಿಲ್ಲಾ ರಸ
* 1 ಕಪ್ ಹಾಲು
* ಐಸ್ ಕ್ಯೂಬ್
* ಐಸ್ ಕ್ರೀಮ್ (ನಿಮಗೆ ಇಷ್ಟವಾದ)

ಮಾಡುವ ವಿಧಾನ:

1. ಬಾಳೆಹಣ್ಣನ್ನು ಸಣ್ಣ ತುಂಡುಗಳಾಗಿ ಕತ್ತರಿಸಬೇಕು.

2. ಬಾಳೆಹಣ್ಣನ್ನು ಐಸ್ ಕ್ರೀಮ್ ಮತ್ತು ಹಾಲಿನ ಹಾಕಿ ಅರೆಯಬೇಕು. ಅದಕ್ಕೆ ಕಿತ್ತಳೆ ಜ್ಯೂಸ್, ವೆನಿಲ್ಲಾ ರಸ ಮತ್ತು ಐಸ್ ಕ್ಯೂಬ್ ಹಾಕಿ ಮತ್ತೊಮ್ಮೆ ಅರೆಯಬೇಕು. ಆಗ ಗಟ್ಟಿಯಾದ ಸ್ಮೂತಿ ರೆಡಿಯಾಗುತ್ತದೆ.

3. ಅದನ್ನು ತಣ್ಣಗೆ ಇರುವಾಗಲೆ ಲೋಟಕ್ಕೆ ಸುರಿದು ಕುಡಿಯ ಬೇಕು.

ಬಾಳೆಹಣ್ಣಿನ ಸ್ಮೂತಿ ಬಾಯಿಗೆ ರುಚಿಯ ಜೊತೆ ದಣಿವನ್ನು ನಿವಾರಿಸುತ್ತದೆ.