ಓಣಂ ಹಬ್ಬಕ್ಕೆ ಪಾಯಸ ಮೇಳದ ಮೆರುಗು

ಗುರುವಾರದಿಂದ ಶನಿವಾರದವರೆಗೆ (ಸೆಪ್ಟೆಂಬರ್ 8 ರಿಂದ 10 2011 ರವರೆಗೆ) ನಡೆಯಲಿರುವ ಓಣಂ ಹಬ್ಬಕ್ಕೆ ಎಲ್ಲೆಲ್ಲೂ ವಿಶೇಷ ತಯಾರಿ ನಡೆಯುತ್ತಿದೆ. ವಿವಿಧ ಭಾಷೆ, ಸಂಸ್ಕ್ರತಿಗಳ ಗೂಡಾದ ಬೆಂಗಳೂರು ಕೂಡ ಓಣಂಗೆ ಸಜ್ಜಾಗಿದೆ.

ಸಾಂಪ್ರದಾಯಿಕ ಉಡುಗೆ, ಹೂವಿನಿಂದ ಅಲಂಕರಿಸಿದ ರಂಗೋಲಿ (ಪೂಕಲಂ), ಅಲಂಕೃತಗೊಂಡ ಆನೆಗಳು, ಕಥಕ್ಕಳಿ, ದೋಣಿ ಸ್ಪರ್ಧೆ (ವಲ್ಲಂಕಲಿ) ಕೇರಳದಲ್ಲಿನ ಓಣಂನ ವಿಶೇಷ. ಆದರೆ ಪಾಯಸವಿಲ್ಲದೆ ಓಣಂಗೆ ಅರ್ಥ ಎಲ್ಲಿದೆ? ಹೌದು ಓಣಂ ಹಬ್ಬಕ್ಕೆ ವಿಧವಿಧವಾದ ಪಾಯಸಗಳ ಔತಣವೇ ಮೆರುಗು.

ಕೇರಳ ಸರ್ಕಾರ ಓಣಂ ಹಬ್ಬದ ಅವಧಿಯಲ್ಲಿ ಪ್ರತಿ ವರ್ಷ ವಿಶೇಷ ಮೇಳವನ್ನು ಆಯೋಜಿಸುತ್ತದೆ. ಅಂತೆಯೇ ಈ ಬಾರಿ ಕೂಡ ಬಗೆಬಗೆಯ ಪಾಯಸದ ಮೇಳವನ್ನು ಆಯೋಜಿಸಿದೆ.

ಕೇರಳ ಪ್ರವಾಸೋದ್ಯಮ ಅಭಿವೃದ್ಧಿ ಮಂಡಳಿ ಈ ಬಾರಿ ಕೇರಳದ ತಿರುವನಂತಪುರಂನ ತಂಪನೂರಿನಲ್ಲಿ ಪಾಯಸದ ಮೇಳವನ್ನು ಆಯೋಜಿಸಿದೆ. ಸೆಪ್ಟೆಂಬರ್ 7 ರಿಂದ 9ರವರೆಗೆ ಪಾಯಸದ ಮೇಳ ನಡೆಯಲಿದ್ದು, ಅನೇಕ ಬಗೆಯ ಪಾಯಸಗಳನ್ನು ಇಲ್ಲಿ ಮಾಡಲಾಗುತ್ತೆ. ಕ್ಯಾರೆಟ್ ನಿಂದ ಹಿಡಿದು ಹಲಸಿನ ಹಣ್ಣಿನ ಪಾಯಸದವರೆಗೂ ಇಲ್ಲಿ ಲಭ್ಯ. ಪಾಯಸ ಪ್ರಿಯರಿಗೆ ಇಲ್ಲಿದೆ ಪಾಯಸ ಸವಿಯುವ ಹೇರಳ ಅವಕಾಶ.

ಓಣಂಗೆ ಹಾಲಿನ ಪಾಯಸ ಮಾಡುವುದು ಹೇಗೆಂದು ಮುಂದೆ ತಿಳಿದುಕೊಳ್ಳಿ.