‘ಕಾಫಿ ಹಬ್ಬ’ದಲ್ಲಿ ಒಳ್ಳೆ ಫಿಲ್ಟರ್‌ ಕಾಫಿ... ಕುಡಿಯೋಣ್ವಾ?

ಬೆಂಗಳೂರು : ಮುಂಜಾನೆ ಇರಲಿ, ಮುಸ್ಸಂಜೆ ಇರಲಿ ಮನಸ್ಸಿಗೆ ಮುದ ನೀಡುವ, ದೇಹಕ್ಕೆ ಹಿತ ನೀಡುವ ಫಿಲ್ಟರ್‌ ಕಾಫಿ ಮೆಚ್ಚದಿರುವವರು ಯಾರಿದ್ದಾರೆ ಹೇಳಿ? ಮೆಚ್ಚುವ ಮಂದಿಗಿಲ್ಲಿದೆ ಸಿಹಿಸುದ್ದಿ.

ಭಾರತೀಯರ ಕಾಫಿ ಕಲ್ಚರ್‌ನ್ನು ಪ್ರಚಾರ ಪಡಿಸುವ ಸಲುವಾಗಿ ‘ಭಾರತೀಯ ಫಿಲ್ಟರ್‌ ಕಾಫಿ ಹಬ್ಬ’ವನ್ನು ಫೆ.23ರಿಂದ 25ರವರೆಗೆ ಹಮ್ಮಿಕೊಳ್ಳಲಾಗಿದೆ. ಹೋಟೆಲ್‌ ಅಶೋಕದಲ್ಲಿ ಕಾಫಿ ಹಬ್ಬ ನಡೆಯಲಿದೆ. ನೀವು ಪಾಲ್ಗೊಳ್ಳಬೇಕಾದರೆ ಪ್ರವೇಶ ದರ ರೂ.500ರಿಂದ ರೂ. 1500ರವರೆಗೂ ತೆರಬೇಕು.

ಉತ್ತರ ಭಾರತಕ್ಕಿಂತ ದಕ್ಷಿಣದವರೇ ಹೆಚ್ಚು ಕಾಫಿ ಪ್ರಿಯರು. ಕಾಫಿಯ ಜನಪ್ರಿಯತೆಯನ್ನು ಹೆಚ್ಚಿಸಲು ಈ ಕಾಫಿ ಹಬ್ಬ ಸಹಕಾರಿ ಅಗಲಿದೆ ಎನ್ನುತ್ತಾರೆ ಇಂಡಿಯನ್‌ ಇಂಟರ್‌ ನ್ಯಾಷನಲ್‌ ಕಾಫಿ ಫೆಸ್ಟಿವಲ್‌(ಐಐಸಿಎಫ್‌)ನ ಅಯೋಜಕರಲ್ಲಿ ಒಬ್ಬರಾದ ಅನಿಲ್‌ ಭಂಡಾರಿ.

ಉತ್ತಮ ಫಿಲ್ಟರ್‌ ಕಾಫಿ ಮಾಡುವುದು ಒಂದು ಕಲೆ. ಅದರೆ ಈಗ ಫಿಲ್ಟರ್‌ ಕಾಫಿ ಮಾಯಾವಾಗುತ್ತಾ ಎಲ್ಲರೂ ಇನ್ಸ್‌ಟೆಂಟ್‌ ಕಾಫಿಗೆ ಮೊರೆ ಹೋಗುತ್ತಿದ್ದಾರೆ. ಫಿಲ್ಟರ್‌ ಕಾಫಿ ತಯಾರಿಕೆಗೆ ಬಳಸುವ ಸಾಮಾಗ್ರಿಗಳು, ಬೇಕಾದ ಪ್ರಮಾಣ, ಮಾಡುವ ವಿಧಾನವನ್ನು ಎಲ್ಲರಿಗೂ ತಿಳಿಸಲು ವಿಶೇಷ ಕಾರ್ಯಾಗಾರವನ್ನು ಕಾಫಿ ಹಬ್ಬದಲ್ಲಿ ಹಮ್ಮಿಕೊಳ್ಳಲಾಗಿದೆ.

ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ :
ಕಾರ್ಯದರ್ಶಿ,
ಕಾಫಿ ಬೋರ್ಡ್‌,
ನಂ.1, ಡಾ. ಬಿ.ಅರ್‌. ಅಂಬೇಡ್ಕರ್‌ ವೀಧಿ,
ಬೆಂಗಳೂರು- 560 001
ದೂರವಾಣಿ : 080- 6562 9164