ನಾಲಗೆ ಬಯಸುವುದು ಈರುಳ್ಳಿ ಚಟ್ನಿ ಟೇಸ್ಟ್

Chutney

oi-Sumalatha

By Sumalatha

Published: Thursday, September 15, 2011, 13:11 [IST]

ದೋಸೆ ಅಥವಾ ಇಡ್ಲಿಯನ್ನು ಚಟ್ನಿ ಜೊತೆ ತಿಂದು ಬೋರ್ ಹಿಡಿದಿದ್ದರೆ, ಈ ಸ್ಟೆಷಲ್ ಚಟ್ನಿಯನ್ನು ಈ ದಿನ ಟ್ರೈ ಮಾಡಿ. ಹೃದಯದ ಸ್ವಾಸ್ಥ್ಯಕ್ಕೆ ಪೂರಕವಾಗಿರುವ ರುಚಿಕರವಾದ ಈರುಳ್ಳಿ ಚಟ್ನಿ ಮಾಡೋದು ಹೇಗೆ ಎಂದು ತಿಳಿದುಕೊಳ್ಳೋಣ.

ಬೇಕಾಗುವ ಪದಾರ್ಥ:
* ಕತ್ತರಿಸಿದ ಈರುಳ್ಳಿ (2 ಈರುಳ್ಳಿ)
* 2-3 ಹಸಿ ಮೆಣಸಿನಕಾಯಿ
* 2 ಒಣಮೆಣಸಿನಕಾಯಿ
* 1 ಚಮಚ ಸಾಸಿವೆ
* 2 ಚಮಚ ಉದ್ದಿನ ಬೇಳೆ
* 1 ಚಮಚ ಹುಣಸೆಹಣ್ಣಿನ ರಸ
* ಉಪ್ಪು, 1/2 ಚಮಚ ಸಕ್ಕರೆ, ಎಣ್ಣೆ

ಈರುಳ್ಳಿ ಚಟ್ನಿ ಮಾಡುವ ವಿಧಾನ:
1. ಬಾಣಲೆಯಲ್ಲಿ ಎಣ್ಣೆ ಹಾಕಿ ಕಾದ ನಂತರ ಉದ್ದಿನ ಬೇಳೆ, ಹಸಿರು ಮೆಣಸಿನಕಾಯಿ ಹಾಕಿ ಒಂದು ನಿಮಿಷ ಹುರಿದುಕೊಳ್ಳಬೇಕು. ನಂತರ ಕತ್ತರಿಸಿದ ಈರುಳ್ಳಿ ಹಾಕಿ ರುಚಿಗೆ ತಕ್ಕಂತೆ ಉಪ್ಪು ಬೆರೆಸಬೇಕು. ಈರುಳ್ಳಿಯ ಹಸಿ ವಾಸನೆ ಹೋಗುವವರೆಗೂ ಹುರಿದು ತಣ್ಣಗಾಗಲು ಒಂದೆಡೆ ಇಡಬೇಕು.
2. ಈಗ ಈ ಈರುಳ್ಳಿಯ ಮಿಶ್ರಣಕ್ಕೆ ಹುಣಸೆ ರಸ ಮತ್ತು ಸಕ್ಕರೆ ಬೆರೆಸಿ ನುಣ್ಣಗೆ ರುಬ್ಬಿಕೊಳ್ಳಬೇಕು.
3. ರುಬ್ಬಿಕೊಂಡ ಮಿಶ್ರಣಕ್ಕೆ ಕೊನೆಗೆ ಸಾಸಿವೆ, ಒಣಮೆಣಸಿನ ಕಾಯಿಯ ಒಗ್ಗರಣೆ ನೀಡಿದರೆ ಆಯಿತು, ಈರುಳ್ಳಿ ಚಟ್ನಿ ತಿನ್ನಲು ತಯಾರಾಗಿರುತ್ತೆ.