ಟೊಮ್ಯಾಟೊ ಸಾಸಿವೆ

* ಲಕ್ಷ್ಮಿ ನಾಡಿಗ್, ಬಹರೇನ್

ತೊಗೋಳಿ :

1 ದೊಡ್ಡ ಟೊಮ್ಯಾಟೊ
1/2 ಚಮಚೆ ಸಾಸಿವೆ ಕಾಳು
2-3 ಹಸಿ ಮೆಣಸಿನ ಕಾಯಿ
1/2 ಕಪ್ ತೆಂಗಿನ ಕಾಯಿ ತುರಿ
1/2 ಕಪ್ ಮೊಸರು (ಐಚ್ಛಿಕ)
ಸ್ವಲ್ಪ ಬೆಲ್ಲ, ರುಚಿಗೆ ತಕ್ಕಷ್ಟು ಉಪ್ಪು
ಒಗ್ಗರಣೆಗೆ 1 ಚಮಚೆ ಎಣ್ಣೆ ಅಥವಾ ಇಷ್ಟ ಅಗೋದಾದ್ರೆ ತುಪ್ಪ, ಸಾಸಿವೆ, ಜೀರಿಗೆ

ಹೀಗೆ ಮಾಡಿ:

ಟೊಮ್ಯಾಟೊ, ಸಾಸಿವೆ ಕಾಳು, ಹಸಿ ಮೆಣಸಿನ ಕಾಯಿ, ಬೆಲ್ಲ, ಉಪ್ಪು ಮತ್ತು ತೆಂಗಿನ ಕಾಯಿ ತುರಿ ಎಲ್ಲವನ್ನು ಮಿಕ್ಸಿಗೆ ಹಾಕಿ ರುಬ್ಬಿಕೊಳ್ಳಿ. ಆನಂತರ ಅದಕ್ಕೆ ಒಗ್ಗರಣೆ ಹಾಕಿ. ಇದಕ್ಕೆ ಮೊಸರನ್ನು ಹಾಕಿದರೆ, ಟೊಮ್ಯಾಟೊ ಸಾಸಿವೆ ರೆಡಿ. ಸುಮಾರು 10 ನಿಮಿಷದಲ್ಲಿ ಈ ಸಾಸಿವೆಯನ್ನು ತಯಾರಿಸಬಹುದು. ಅನ್ನ, ದೊಸೆ, ರೊಟ್ಟಿ, ಚಪಾತಿ ಜೊತೆ ತಿನ್ನಬಹುದು. ಒಮ್ಮೆ ನೀವು ಮಾಡಿ, ಹೇಗೆ ಆಯಿತು ಅಂತ ನಂಗೂ ಹೇಳಿ; ನಿಮ್ಮ ಹೊಸ ರುಚಿಗಳನ್ನು ತಿಳಿಸಿ. ಕಲಿಯುವ ಆಸೆ ನನ್ನದು.