ಆನಿಯನ್ ಚೀಸ್ ಪರೋಟದ ರೆಸಿಪಿ

ಪರೋಟವನ್ನು ಪ್ಲೇನ್ ಆಗಿ ಮಾಡುವ ಬದಲು ಅದಕ್ಕೆ ಸ್ವಲ್ಪ ಅಧಿಕ ಸಾಮಾಗ್ರಿಗಳನ್ನು ಸೇರಿಸಿದರೆ ಸಾಕು, ಭಿನ್ನವಾದ ರುಚಿಯ ಪರೋಟ ತಯಾರಿಸಬಹುದು ಅಲ್ಲದೆ ಇದನ್ನು ತಯಾರಿಸಲು ಮಾಮೂಲಿ ಪರೋಟಕ್ಕೆ ಹಿಡಿಯುವಷ್ಟೇ ಸಮಯ ಹಿಡಿಯುವುದರಿಂದ ಇದಕ್ಕಾಗಿ ಹೆಚ್ಚಿನ ಶ್ರಮ ಕೂಡ ಪಡಬೇಕಾಗಿಲ್ಲ.

ಇವತ್ತು ನಾವು ಈರುಳ್ಳಿ ಮತ್ತು ಚೀಸ್ ಹಾಕಿ ತಯಾರಿಸುವ ಪರೋಟದ ರೆಸಿಪಿ ನೋಡೋಣ:

ಬೇಕಾಗುವ ಸಾಮಾಗ್ರಿಗಳು:
* ಗೋಧಿ ಹಿಟ್ಟು 2 ಕಪ್
* ಮೈದಾ 1 ಕಪ್
* ಈರುಳ್ಳಿ 3
* ಕರಿಮೆಣಸಿನ ಪುಡಿ 1 ಚಮಚ
* ಚೀಸ್ ಅರ್ಧ ಕಪ್
* ತುಪ್ಪ
* ರುಚಿಗೆ ತಕ್ಕ ಉಪ್ಪು
* ನೀರು ಎರಡು ಕಪ್

ತಯಾರಿಸುವ ವಿಧಾನ:

* ಈರುಳ್ಳಿಯನ್ನು ಬಾಣಲೆಯಲ್ಲಿ ಹಾಕಿ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಬೇಕು.

* ಈಗ ಬಟ್ಟಲಿನಲ್ಲಿ ಗೋಧಿ ಹಿಟ್ಟು, ಮೈದಾ ರುಚಿಗೆ ತಕ್ಕ ಉಪ್ಪು, ಕರಿಮೆಣಸಿನ ಪುಡಿ ನಂತರ 1 ಚಮಚ ಬಿಸಿ ತುಪ್ಪ, ಸ್ವಲ್ಪ ನೀರು ಹಾಕಿ ಚೆನ್ನಾಗಿ ಕಲೆಸಿ ಅದಕ್ಕೆ ಚೀಸ್ ಮತ್ತು ಈರುಳ್ಳಿ ಹಾಕಿ ಹಿಟ್ಟು ತಯಾರಿಸಿ ಸ್ವಲ್ಪ ಹೊತ್ತು ಇಡಬೇಕು.

* ನಂತರ ಹಿಟ್ಟಿನಿಂದ ಪರೋಟಕ್ಕೆ ತಟ್ಟುವ ರೀತಿಯಲ್ಲಿ ತಟ್ಟಿ ತವಾವನ್ನು ಬಿಸಿ ಮಾಡಿ ತವಾಕ್ಕೆ ತುಪ್ಪ ಹಾಕಿ, ನಂತರ ತಟ್ಟಿದ ಪರೋಟ ಹಾಕಿ ಕಂದು ಬಣ್ಣ ಬರುವವರೆಗೆ ಬೇಯಿಸಿದರೆ ಆನಿಯನ್ ಚೀಸ್ ಪರೋಟ ರೆಡಿ. ಇದನ್ನು ಚಟ್ನಿ ಅಥವಾ ಗ್ರೇವಿ ಜೊತೆ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ.