ಸವಿಯಲು ತುಂಬಾ ರುಚಿ ಈ ಮಸಾಲ ಪೂರಿ

Breakfast

oi-Reena

By Hema S

Updated: Thursday, August 2, 2012, 17:17 [IST]

ಪೂರಿ ಸಾಮಾನ್ಯವಾಗಿ ತಯಾರಿಸುತ್ತೇವೆ. ಆದರೆ ಇದೇ ಪೂರಿ ಮಾಡುವ ಹಿಟ್ಟಿಗೆ ಸ್ವಲ್ಪ ಮಸಾಲ ಸಾಮಾಗ್ರಿಗಳನ್ನು ಹಾಕಿದರೆ ಸಾಕು ತುಂಬಾ ರುಚಿಕರವಾದ ಮಸಾಲ ಪೂರಿ ತಯಾರಿಸಬಹುದು. ಈ ರೀತಿ ಪೂರಿ ತಯಾರಿಸಿ ಇದನ್ನು ಆಲೂಗೆಡ್ಡೆ ಹಾಕಿರುವ ಚಟ್ನಿ ಪುಡಿ ಜೊತೆ ತಿಂದರೆ ಟೇಸ್ಟ್ ಸೂಪರ್ ಆಗಿರುತ್ತದೆ!

ಆಲೂಗೆಡ್ಡೆ ಹಾಕಿದ ಚಟ್ನಿ ಪುಡಿ ರೆಸಿಪಿ: ಒಂದು ಆಲೂಗೆಡ್ಡೆ ಬೇಯಿಸಿ ಅದನ್ನು ಚೆನ್ನಾಗಿ ಹಿಸುಕಿ ಅದಕ್ಕೆ ಸ್ವಲ್ಪ ಖಾರವಾಗಿ ಮಾಡಿದ ಕಡಲೆ ಚಟ್ನಿ ಪುಡಿಯನ್ನು ಹಾಕಿ, ಒಂದು ಈರುಳ್ಳಿ ಕತ್ತರಿಸಿ ಹಾಕಬೇಕು, ನಂತರ ಇವುಗಳನ್ನು ಚೆನ್ನಾಗಿ ಮಿಶ್ರ ಮಾಡಿದರೆ ಮಸಾಲ ಪೂರಿಯ ರುಚಿ ಹೆಚ್ಚಿಸುವ ಚಟ್ನಿ ಮಿಶ್ರಣ ರೆಡಿ).

ಬೇಕಾಗುವ ಸಾಮಾಗ್ರಿಗಳು:

1. ಮೈದಾ 1 ಕಪ್
2. ಕೆಂಪು ಮೆಣಸಿನ ಪುಡಿ ಒಂದೂವರೆ ಚಮಚ
3. ಜೀರಿಗೆ ಪುಡಿ 1/2 ಚಮಚ
4. ಏಲಕ್ಕಿ 1
5. ಚಿಟಿಕೆಯಷ್ಟು ಇಂಗು ಮತ್ತು 1/2 ಚಮಚ ಗರಂ ಮಸಾಲ
6. ಬೆಳ್ಳುಳ್ಳಿ ಪೇಸ್ಟ್ 1/2 ಚಮಚ
7. ಎಣ್ಣೆ
8. ರುಚಿಗೆ ತಕ್ಕ ಉಪ್ಪು
9. ಚಿಟಿಕೆಯಷ್ಟು ಅಜ್ವೈನ್
10. ಪಾಲಾಕ್ ಸೊಪ್ಪು
11. ಅರಿಶಿಣ ಪುಡಿ 1/4 ಚಮಚ

ಮಾಡುವ ವಿಧಾನ:

1. ಮೈದಾ ಹಿಟ್ಟನ್ನು ರುಚಿಗೆ ತಕ್ಕ ಉಪ್ಪು ಮತ್ತು ನೀರು ಹಾಕಿ ಪೂರಿಗೆ ಕಲೆಸುವ ರೀತಿಯಲ್ಲಿ ಕಲೆಸಿ ಅದಕ್ಕೆ ಈ ಮೇಲಿನ ಎಲ್ಲಾ ಮಿಶ್ರಣವನ್ನು ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು.

2. ನಂತರ ಪೂರಿಗೆ ಉಂಡೆ ಕಟ್ಟುವ ರೀತಿಯಲ್ಲಿ ಕಟ್ಟಿ, ಅದನ್ನು ಪೂರಿಗೆ ಲಟ್ಟಿಸುವ ರೀತಿಯಲ್ಲಿ ಲಟ್ಟಿಸಿ.

3. ಹೀಗೆ ಲಟ್ಟಿಸುವ ಮೊದಲು ಬಾಣಲೆಯಲ್ಲಿ ಅರ್ಧದಷ್ಟು ಎಣ್ಣೆ ಹಾಕಿ ಕಾಯಿಸಿ, ನಂತರ ಲಟ್ಟಿಸಿದ ಪೂರಿಯನ್ನು ಎಣ್ಣೆಗೆ ಹಾಕಿ ಪೂರಿಯ ಹದಕ್ಕೆ ಬೇಯಿಸಿ. ಈ ರೀತಿ ಮಾಡಿದರೆ ರುಚಿಕರವಾದ ಮಸಾಲ ಪೂರಿ ರೆಡಿ.