ಸಾರು ಜೊತೆ ಸವಿಯಲು ಚೆಂದ ಕಡುಬಿಟ್ಟು

Breakfast

oi-Reena

By Hema S

Updated: Saturday, September 1, 2012, 15:51 [IST]

ಕಡುಬಿಟ್ಟು ಬೆಳಗಿನ ತಿಂಡಿ. ಕೊಡಗಿನಲ್ಲಿ ಕಡುಬಿಟ್ಟು ತುಂಬಾ ಪ್ರಸಿದ್ಧವಾದ ಅಡುಗೆಯಾಗಿದೆ. ಕೊಡಗಿನ ಹಬ್ಬವಾದ ಕೈಲ್ ಮೂರ್ತಕ್ಕೆ ಕಡುಬಿಟ್ಟನ್ನು ತಯಾರಿಸಲಾಗುವುದು. ಈ ಕಡುಬಿಟ್ಟನ್ನು ವೆಜ್ ಕರಿ ಅಥವಾ ನಾನ್ ವೆಜ್ ಕರಿ ಜೊತೆ ತಿನ್ನಬಹುದಾಗಿದ್ದು ತಯಾರಿಸುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು
* 2 ಕಪ್ ಅಕ್ಕಿ
* ಜೀರಿಗೆ
* ರುಚಿಗೆ ತಕ್ಕ ತುಪ್ಪ
* ಸ್ವಲ್ಪ ಎಣ್ಣೆ

ತಯಾರಿಸುವ ವಿಧಾನ:

1. ಅಕ್ಕಿಯನ್ನು ತೊಳೆದು ಒಣಗಿಸಬೇಕು. ನಂತರ ಅದನ್ನು ಹುರಿದು ತರಿತರಿಯಾಗಿ ಪುಡಿ ಪುಡಿ ಮಾಡಬೇಕು.

2. ಒಂದು ಅಗಲವಿರುವ ಪಾತ್ರೆಯಲ್ಲಿ 4 ಕಪ್ ನೀರು ಸ್ವಲ್ಪ ಉಪ್ಪು ಹಾಕಿ ಕುದಿಸಬೇಕು. ನೀರು ಕುದಿಯುವಾಗ ಅಕ್ಕಿ ಹಿಟ್ಟನ್ನು ಉದುರಿಸಬೇಕು. ಹೀಗೆ ಉದುರಿಸುವಾಗ ಸೌಟ್ ನಿಂದ ಆಡಿಸುತ್ತಾ ಇರಬೇಕು, ಜೊತೆಗೆ ಜೀರಿಗೆ ಕೂಡ ಹಾಕಬೇಕು. ಅಕ್ಕಿ ಬೆಂದ ಮೇಲೆ ಉರಿಯಿಂದ ತೆಗೆದು ಸ್ವಲ್ಪ ತಣ್ಣಗಾಗಲು ಇಡಬೇಕು.

3. ನಂತರ ಒಂದು ಚಿಕ್ಕ ಬಟ್ಟಲಿನಲ್ಲಿ ಎಣ್ಣೆ ಮತ್ತು ಸ್ವಲ್ಪ ಬಿಸಿ ನೀರು ಹಾಕಿ ಅದರಿಂದ ಕೈ ಸವರಿ ಹಿಟ್ಟಿನಿಂದ ಉಂಡೆ ಕಟ್ಟಬೇಕು.

4. ನಂತರ ಇಡ್ಲಿ ಪಾತ್ರೆಯಲ್ಲಿ ಅರ್ಧದಷ್ಟು ನೀರು ಹಾಕಿ ಕುದಿಸಿ ಇಡ್ಲಿಯ ತಳ ಭಾಗದ ಪಾತ್ರೆಯನ್ನು ಇಟ್ಟು ಅದರ ಮೇಲೆ ಈ ಉಂಡೆಗಳನ್ನು ಇಟ್ಟು ಇಡ್ಲಿ ಪಾತ್ರೆಯ ಬಾಯಿ ಮುಚ್ಚಿ ಅರ್ಧ ಗಂಟೆ ಬೇಯಿಸಿದರೆ ಕಡುಬಿಟ್ಟು ರೆಡಿ.

ಇದನ್ನು ಗಟ್ಟಿಯಾದ ಸಾರಿನ ಜೊತೆ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ.

ಪಂದಿ ಕರಿ ಅಥವಾ ಪೋರ್ಕ್ ಕರಿಗೆ ಕಡುಬಿಟ್ಟು ಬೆಸ್ಟ್ ಕಾಂಬಿನೇಷನ್. ಪೋರ್ಕ್ ಕರಿ ರೆಸಿಪಿ ತಿಳಿಯಲು ಮುಂದೆ ಓದಿ.