ಕೈಲ್ ಪೋದ್ ಸ್ಪೆಷೆಲ್-ಪೋರ್ಕ್ ಕರಿ

Non Vegetarian

oi-Reena

By Hema S

Updated: Saturday, September 1, 2012, 14:42 [IST]

ಕೊಡಗಿನ ಪ್ರಮುಖ ಹಬ್ಬವಾದ ಕೈಲ್ ಪೋದ್ ಗೆ ಪೋರ್ಕ್ ಕರಿಯನ್ನು ಮಾಡಲಾಗುತ್ತದೆ. ಈ ಪೋರ್ಕ್ ಕರಿಯನ್ನು ಸ್ವಲ್ಪ ಡ್ರೈಯಾಗಿ ಮಾಡಿದರೆ ರುಚಿ ಅಧಿಕವಾಗಿರುತ್ತದೆ. ಪೋರ್ಕ್ ಕರಿಯನ್ನು ರುಚಿಕರವಾಗಿ ಮಾಡಬೇಕೆಂದರೆ ಈ ಕೆಳಗಿನ ವಿಧಾನ ಬಳಸಬಹುದು.

ಬೇಕಾಗುವ ಸಾಮಾಗ್ರಿಗಳು:

* ಒಂದು ಕೆಜಿ ಪೋರ್ಕ್
* ಒಂದು ಚಮಚ ಅರಿಶಿಣ ಪುಡಿ
* 2 ಚಮಚ ಕೆಂಪು ಮೆಣಸಿನ ಪುಡಿ
* 2 ಚಮಚ ಕೊತ್ತಂಬರಿ ಪುಡಿ
* 10 ಬೆಳ್ಳುಳ್ಳಿ ಎಸಳು
* ಒಂದು ಚಿಕ್ಕ ಈರುಳ್ಳಿ
* ಹಸಿ ಮೆಣಸಿನ ಕಾಯಿ
* ಅರ್ಧ ಚಮಚ ಕಾಳು ಮೆಣಸಿನ ಪುಡಿ
* 1ಚಮಚ ಜೀರಿಗೆ
* ಒಂದು ಇಂಚಿನಷ್ಟು ದೊಡ್ಡದ ಶುಂಠಿ
* ಕಾಚಮ್ ಪುಳಿ ಅಥವಾ ನಿಂಬೆ ಹಣ್ಣು
* ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

1. ಮೆಣಸಿನ ಪುಡಿ, ಅರಿಶಿಣ ಪುಡಿ, ಜೀರಿಗೆ ಹಾಕಿ ಚೆನ್ನಾಗಿ ಹುರಿಯಬೇಕು.

2. ನಂತರ ಈ ಮಸಾಲೆ ಪುಡಿಗೆ ಬೆಳ್ಳುಳ್ಳಿ, ಈರುಳ್ಳಿ, ಶುಂಠಿ, ಜೀರಿಗೆ ಹಾಕಿ ನುಣ್ಣನೆ ಅರೆಯಬೇಕು.

3. ಮಾಂಸವನ್ನು ತೊಳೆದು ಪೋರ್ಕ್ ನ ಚುಟ್ಟಿಯನ್ನು ಬಿಸಿ ಮಾಡಿ ಅದರಿಂದ ತುಪ್ಪ ತೆಗೆಯಬೇಕು.

4. ನಂತರ ತುಪ್ಪ ತೆಗೆದ ಚುಟ್ಟಿ ಮತ್ತು ಮಾಂಸಕ್ಕೆ ಅರೆದ ಮಸಾಲೆ ಮಿಶ್ರಣವನ್ನು ಹಾಕಿ, ಹಸಿಮೆಣಸಿ ಕಾಯಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ ಅರ್ಧ ಗಂಟೆ ಕಾಲ ಇಡಬೇಕು.

5. ನಂತರ ಪಾತ್ರೆಯನ್ನು ಬಿಸಿ ಮಾಡಿ ಅದರಲ್ಲಿ ಮಾಂಸ ಹಾಕಿ ಅರ್ಧ ಚಮಚ ಕಾಳು ಮೆಣಸಿನ ಪುಡಿ ಹಾಕಿ, ಕಾಲು ಗ್ಲಾಸ್ ನೀರು ಹಾಕಿ 25-30 ನಿಮಿಷ ಬೇಯಿಸಬೇಕು. ಹೀಗೆ ಬೇಯಿಸುವಾಗ ಆಗಾಗ ಸೌಟ್ ನಿಂದ ಆಡಿಸುತ್ತಾ ಇರಬೇಕು. (ಕುಕ್ಕರ್ ನಲ್ಲಿ ಬೇಯಿಸುವುದಕ್ಕಿಂತ ಪಾತ್ರೆಯಲ್ಲಿ ಬೇಯಿಸಿದರೆ ರುಚಿ ಹೆಚ್ಚು).

6. ನಂತರ ಕಾಲು ಚಮಚ ಕಾಚಂ ಪುಳಿ ಅಥವಾ ಒಂದು ನಿಂಬೆ ಹಣ್ಣಿನ ರಸ ಹಿಂಡಿ 2 ನಿಮಿಷ ಬಿಸಿ ಮಾಡಿದರೆ ಪೋರ್ಕ್ ಕರಿ ರೆಡಿ. ಇದನ್ನು ಕಡುಬು ಜೊತೆ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ.

ಪೋರ್ಕ್ ಕರಿಯನ್ನು ಬಿಸಿ ಮಾಡಿಟ್ಟರೆ ಒಂದು ವಾರಕ್ಕಿಂತ ಹೆಚ್ಚು ಕಾಲ ಇಡಬಹುದು.