ಬ್ರೇಕ್ ಫಾಸ್ಟ್ ಗಿರಲಿ ಕಡಿಮೆ ಕ್ಯಾಲೊರಿ ರವೆ ದೋಸೆ

Breakfast

oi-Sumalatha

By Sumalatha

Published: Wednesday, November 30, 2011, 17:13 [IST]

ದೋಸೆ ಕರ್ನಾಟಕದ ಪ್ರಸಿದ್ಧ ಬ್ರೇಕ್ ಫಾಸ್ಟ್. ಆದರೆ ಸಾಮಾನ್ಯ ದೋಸೆಗಳನ್ನು ಮಾಡಿ ನಿಮಗೆ ಬೇಜಾರೆನಿಸಿದ್ದರೆ ರವೆ ರಾಗಿ ದೋಸೆ ಟ್ರೈ ಮಾಡಿ. ಕ್ಯಾಲೊರಿಯಲ್ಲೂ ಕಡಿಮೆಯಿದ್ದು, ಹೃದಯದ ಸ್ವಾಸ್ಥ್ಯಕ್ಕೂ ಸಹಾಯ ಮಾಡುವ ಈ ದೋಸೆಯನ್ನು ರುಚಿಕರವಾಗಿ ತಯಾರಿಸುವುದು ಹೇಗೆ ಎಂದು ಇಲ್ಲಿ ತಿಳಿದುಕೊಳ್ಳಿ.

ರವೆ ದೋಸೆಗೆ ಏನೇನು ಬೇಕು?
* 2 ಕಪ್ ಚಿರೋಟಿ ರವೆ
* 1/4 ಚಮಚ ಅಡುಗೆ ಸೋಡಾ
* ಸ್ವಲ್ಪ ಇಂಗು
* 10-12 ಕರಿಬೇವು ಎಲೆ (ಚಿಕ್ಕದಾಗಿ ಕತ್ತರಿಸಿರಬೇಕು)
* ಅಗತ್ಯಕ್ಕೆ ತಕ್ಕಷ್ಟು ಈರುಳ್ಳಿ, ಹಸಿರು ಮೆಣಸಿನಕಾಯಿ ಪೇಸ್ಟ್
* 2 ಕಪ್ ಮಜ್ಜಿಗೆ ಅಥವಾ ಲಸ್ಸಿ
* ರುಚಿಗೆ ತಕ್ಕಷ್ಟು ಉಪ್ಪು
* 1/2 ಕಪ್ ಅಕ್ಕಿ ಹಿಟ್ಟು
* 1/2 ಕಪ್ ರಾಗಿ ಹಿಟ್ಟು
* ಎಣ್ಣೆ

ರವೆ ದೋಸೆ ಮಾಡುವ ವಿಧಾನ:
1. ರವೆ, ಸೋಡಾ, ಇಂಗು, ಈರುಳ್ಳಿ, ಕರಿಬೇವು, ರಾಗಿ ಹಿಟ್ಟು, ಅಕ್ಕಿ ಹಿಟ್ಟು, ಉಪ್ಪು, ಹಸಿರು ಮೆಣಸಿನ ಕಾಯಿ ಪೇಸ್ಟ್ ಎಲ್ಲವನ್ನೂ ಒಂದು ಬಟ್ಟಲಿನಲ್ಲಿ ಹಾಕಿ ಅದಕ್ಕೆ ಮಜ್ಜಿಗೆ ಅಥವಾ ಲಸ್ಸಿ ಬೆರೆಸಬೇಕು.

2. ಈ ಮಿಶ್ರಣವನ್ನು ಒಂದು ಗಂಟೆ ಹಾಗೇ ಇಡಬೇಕು.

3. ತವೆಯನ್ನು ಬಿಸಿ ಮಾಡಿ ಅದರ ಮೇಲೆ ಎಣ್ಣೆ ಸವರಿ ಮಾಮೂಲಿಯಂತೆ ದೋಸೆ ಹಾಕಿದರೆ ರುಚಿಕರವಾದ ರವೆ ದೋಸೆ ತಿನ್ನಲು ಸಿದ್ಧ.