ನವರಾತ್ರಿಗೆ ನೆಚ್ಚಿಕೊಂಡು ತಿನ್ನಲು ಇರಲಿ ನುಚ್ಚಿನುಂಡೆ

ನವರಾತ್ರಿಗೆ ಉಪವಾಸ ಮಾಡುವವರು ಈ ತಿಂಡಿಯನ್ನು ಮಾಡಿ ತಿಂದರೆ ಹೊಟ್ಟೆಯು ತುಂಬುತ್ತದೆ, ಆರೋಗ್ಯಕ್ಕೂ ಒಳ್ಳೆಯದು.

ಬೇಕಾಗುವ ಸಾಮಾಗ್ರಿಗಳು:

1. ಕಡಲೆ ಬೇಲೆ 1/2 ಕಪ್ (4 ಗಂಟೆ ನೀರಿನಲ್ಲಿ ನೆನೆ ಹಾಕಿದ್ದು)
2.ತುರಿದ ತೆಂಗಿನ ಕಾಯಿ 1/2 ಕಪ್
3. ಈರುಳ್ಳಿ 1/2 ಕಪ್
4. ಇಂಗು 1/4 ಚಮಚ
5. 2-3 ಕತ್ತರಿಸಿದ ಹಸಿ ಮೆಣಸು
6. 1/2 ಚಮಚ ಜೀರಿಗೆ ಪುಡಿ
7. ಪ್ರೆಶ್ ಶುಂಠಿ ಪೇಸ್ಟ್ 1 ಚಮಚ
8. ಕೊತ್ತಂಬರಿ ಸೊಪ್ಪು 2-3
9. ಕರಿ ಬೇವು
10. ಉಪ್ಪು ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ:

1.ಕೊತ್ತಂಬರಿ ಮತ್ತು ಈರುಳ್ಳಿ ಬಿಟ್ಟು ಉಳಿದೆಲ್ಲಾ ಸಾಮಾಗ್ರಿಗಳನ್ನು ಅರಿಯಿರಿ, ಅರೆಯುವಾಗ ಹೆಚ್ಚು ನೀರು ಹಾಕಬೇಡಿ, ಉಂಡೆ ಕಟ್ಟುವ ಹಾಗೆ ಸ್ವಲ್ಪ ಗಟ್ಟಿಯಾಗಿ ಅರಿಯಿರಿ.

2. ಆ ಮಿಶ್ರಣಕ್ಕೆ ರುಚಿಗೆ ತಕ್ಕ ಉಪ್ಪು ಮತ್ತು ಕೊತ್ತಂಬರಿ ಸೊಪ್ಪು ಹಾಗೂ ಈರುಳ್ಳಿಯನ್ನು ಬೆರೆಸಿ ಕಡುಬಿನಷ್ಟು ಆಕಾರದ ಉಂಡೆ ಕಟ್ಟಿ.

3. ಅದನ್ನು ಕಡಮು ಬೇಯಿಸುವ ಹಾಗೆ 15-20 ನಿಮಿಷ ಬೇಯಿಸಿ.ನಂತರ ನುಚ್ಚನುಂಡೆ ಚಟ್ನಿಯೊಂದಿಗೆ ನೆಚ್ಚಿ ತಿನ್ನಲು ಬಲು ರುಚಿಕರವಾಗಿರುತ್ತದೆ.