ವಿಟಮಿನ್ ಹೆಚ್ಚಿರುವ ರಾಗಿ ಇಡ್ಲಿ

Breakfast

oi-Prasad P Naik

By * ವಾಸಂತಿ ಕೃಷ್ಣ, ಮೈಸೂರು

Published: Friday, June 11, 2010, 14:43 [IST]

ಬೆಳೆಯುತ್ತಿರುವ ಮಕ್ಕಳಿಗೆ ಅತ್ಯಂತ ಪೌಷ್ಟಿಕರ ಆಹಾರ ರಾಗಿ ಇಡ್ಲಿ. ಮಕ್ಕಳು ಚಿಕ್ಕವರಾಗಿದ್ದಾಗೆಯೇ ಇದನ್ನು ತಿನ್ನಿಸಲು ಪ್ರಾರಂಭಿಸಿ. ಇದರಲ್ಲಿ ವಿಟಮಿನ್ ಪ್ರಮಾಣ ಹೆಚ್ಚಿರುವುದರಿಂದ ಬೇರೆಯ ವಿಟಮಿನ್ ಯುಕ್ತ ಟಾನಿಕ್ ಗಳನ್ನು ಮಕ್ಕಳಿಗೆ ನೀಡುವ ಅಗತ್ಯವೇ ಇಲ್ಲ.

ಬೇಕಾಗುವ ಸಾಮಗ್ರಿಗಳು : ರಾಗಿ 1 ಬಟ್ಟಲು | ಉದ್ದಿನ ಕಾಳು 5 ಚಮಚ | ಉಪ್ಪು | ಎಣ್ಣೆ | ತಿನ್ನವ ಸೋಡಾ.

ತಯಾರಿಸುವ ವಿಧಾನ

ರಾಗಿ ಮತ್ತು ಉದ್ದಿನ ಬೇಳೆಯನ್ನು ಇಡ್ಲಿ ಮಾಡುವ ಹಿಂದಿನ ಮಧ್ಯಾಹ್ನ ನೆನೆಸಿಡಿ. ಮೊಳಕೆ ಬಂದ ಕಾಳುಗಳನ್ನು ಸಾಯಂಕಾಲ ಅಥವಾ ರಾತ್ರಿ ರುಬ್ಬಿಕೊಂಡು ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಚಿಟಿಕೆಯಷ್ಟು ತಿನ್ನುವ ಸೋಡಾ ಬೆರೆಸಿ ಮುಚ್ಚಿಟ್ಟುಬಿಡಿ.

ಉಬ್ಬಿಬಂದ ಹಿಟ್ಟನ್ನು ಬೆಳಿಗ್ಗೆ ಇಡ್ಲಿ ಮಾಡುವ ರೀತಿ ಇಡ್ಲಿ ಕುಕ್ಕರಿನಲ್ಲಿ ಬೇಯಿಸಿ. ಶೇಂಗಾ ಚಟ್ನಿ ಅಥವಾ ಮಕ್ಕಳಿಗೆ ಇಷ್ಟವಾಗುವ ಯಾವುದೇ ಬಗೆಯ ಚಟ್ನಿಯೊಂದಿಗೆ ತಿನ್ನಲು ನೀಡಿ. ಜೊತೆಗೆ ಸಾಂಬಾರ್ ಇದ್ದರಂತೂ ಸರಾಗವಾಗಿ ಹೊಟ್ಟೆಗಿಳಿಯುತ್ತವೆ.

ಆರೋಗ್ಯಕರ ತಿನಿಸು : ಇಡ್ಲಿ ಯಾವತ್ತಿದ್ದರೂ ಆರೋಗ್ಯಕ್ಕೆ ಒಳ್ಳೆಯದೇ. ಅದರಲ್ಲೂ ರಾಗಿ ಇಡ್ಲಿಯಲ್ಲಿ ವಿಟಮಿನ್ ಹೆಚ್ಚಿನ ಪ್ರಮಾಣದಲ್ಲಿ ದೊರೆಯುವುದರಿಂದ ಮಕ್ಕಳ ಬೆಳವಣಿಗೆಗೆ ಸಹಾಯಕಾರಿ. ಮೊಳಕೆ ಬಂದಿರುವುದರಿಂದ ಅವುಗಳಲ್ಲಿ ಆಮ್ಲಜನಕದ ಪ್ರಮಾಣವೂ ಹೆಚ್ಚಾಗಿರುತ್ತದೆ.