ಮಕ್ಕಳ ಅಚ್ಚುಮೆಚ್ಚಿನ ಸಾಫ್ಟ್ ಫ್ರೈಡ್ ನೂಡಲ್ಸ್

Breakfast

oi-Prasad P Naik

By Prasad

Published: Tuesday, June 8, 2010, 12:38 [IST]

ಏಕತಾನದಿಂದ ಬೇಸತ್ತ ನಾಲಿಗೆ ಆಗಾಗ ವಿಭಿನ್ನಬಗೆಯ ತಿಂಡಿ ತಿನಿಸುಗಳನ್ನು ಬೇಡುತ್ತಿರುತ್ತದೆ. ಯಾರು ಬೇಕಾದರೂ ಯಾರ ಸಹಾಯವಿಲ್ಲದೆತಯಾರಿಸಿಕೊಳ್ಳಬಹುದಾದ ಇನ್ಟಂಟ್ ಸಾಫ್ಟ್ ಫ್ರೈಡ್ ನೂಡಲ್ಸ್. ಇದು ಮಕ್ಕಳಿಗಂತೂ ಅಚ್ಚುಮೆಚ್ಚು.

ಬೇಕಾಗುವ ಪದಾರ್ಥಗಳು : ವೆಜ್ ನೂಡಲ್ಸ್ 250 ಗ್ರಾಂ | ಈರುಳ್ಳಿ ಹೂವು ಸಣ್ಣ ಹಿಡಿಯಷ್ಟು | ಸೋಯಾ ಸಾಸ್ | ಚಿಲ್ಲಿ ಸಾಸ್ | ಮಸಾಲಾ ಪುಡಿ | ಎಣ್ಣೆ

ಮಾಡುವ ವಿಧಾನ :

* ವೆಜ್ ನೂಡಲ್ಸನ್ನು ಒಂದು ನಾನ್ ಸ್ಟಿಕ್ ಪಾತ್ರೆಯಲ್ಲಿ ಮೂರು ಲೋಟದಷ್ಟು ನೀರಿನಲ್ಲಿ ಚೆನ್ನಾಗಿ ಬೇಯಿಸಿರಿ. ಬೇಯಿಸುವಾಗ ಕಟ್ಟಿಗೆಯ ಮುಚ್ಚುಗದಿಂದ ಅಂಟಿಕೊಂಡಿರುವ ನೂಡಲ್ಸನ್ನು ಬಿಡಿಸಿಕೊಳ್ಳಿ.

* ಒಂದು ಅಗಲ ತಳದ ಪಾತ್ರೆಯಲ್ಲಿ ಎರಡು ಚಮಚದಷ್ಟು ಎಣ್ಣೆ ಹಾಕಿ ಹೆಚ್ಚಿಟ್ಟುಕೊಂಡ ಈರುಳ್ಳಿ ಹೂವುಗಳನ್ನು ಹಾಕಿ ಬಾಡಿಸಿರಿ. ನಂತರ ಇದಕ್ಕೆ ಬೇಯಿಸಿಟ್ಟುಕೊಂಡ ನೂಡಲ್ಸನ್ನು ಸುರಿದುಕೊಳ್ಳಿ.

* ಎರಡು ನಿಮಿಷದ ನಂತರ ಸೋಯಾ ಸಾಸ್, ಚಿಲ್ಲಿ ಸಾಸ್, ಮಸಾಲಾ ಪುಡಿ ಹಾಕಿ ಮತ್ತೆ ಐದು ನಿಮಿಷ ಬೇಯಲು ಬಿಟ್ಟು ಪಾತ್ರೆಯನ್ನು ಕೆಳಗಿಳಿಸಿ. ತಟ್ಟೆಗೆ ಟೊಮೇಟೊ ಚಿಲ್ಲಿ ಸಾಸ್ ಹಾಕಿಕೊಂಡು ಫೋರ್ಕ್ ಸಹಾಯದಿಂದ ಬಿಸಿಯಿರುವಾಗಲೇ ಸಾಫ್ಟ್ ಫ್ರೈಡ್ ನೂಡಲ್ಸ್ ಜಮಾಯಿಸಿ.