ಆರೋಗ್ಯ ಮತ್ತು ರುಚಿಯ ಮಿಶ್ರಣ ಕ್ಯಾಬೇಜ್ ಪರೋಟ

Breakfast

oi-Reena

By Hema S

Published: Monday, March 5, 2012, 12:44 [IST]

ಬೇಸಿಗೆಯಲ್ಲಿ ಸೊಪ್ಪು, ತರಕಾರಿಗಳನ್ನು ತಿಂದಷ್ಟು ಒಳ್ಳೆಯದು. ಪರೋಟ ತಿನ್ನಲು ಇಷ್ಟಪಡುವವರು ಹಾಗೇ ಪರೊಟ ಮಾಡವ ಬದಲು ಎಲೆಕೋಸಿನಿಂದ ( ಕ್ಯಾಬೇಜ್) ಪರೋಟ ಮಾಡಿದರೆ ರುಚಿ ಹೆಚ್ಚುವುದು ಆರೋಗ್ಯಕ್ಕೆ ಕೂಡ ಒಳ್ಳೆಯದು. ಇವತ್ತು ನಾವು ಎಲೆಕೋಸಿನ ಪರೋಟ ತಯಾರಿಸುವ ವಿಧಾನ ತಿಳಿಯೋಣ:

ಬೇಕಾಗುವ ಸಾಮಾಗ್ರಿಗಳು:

* 2-3 ಕಪ್ ಎಲೆಕೋಸು
* 1 ಚಮಚ ಕೆಂಪು ಮೆಣಸಿನ ಪುಡಿ
* ರುಚಿಗೆ ತಕ್ಕ ಉಪ್ಪು
* ಎಣ್ಣೆ
ಪರೋಟ:
* ಗೋಧಿ 2 ಕಪ್
* ರುಚಿಗೆ ತಕ್ಕ ಉಪ್ಪು
* ತುಪ್ಪ

ತಯಾರಿಸುವ ವಿಧಾನ:

1. ಎಣ್ಣೆಯನ್ನು ಬಿಸಿ ಮಾಡಿ ಅದರಲ್ಲಿ ಎಲೆಕೋಸು ಮತ್ತು ಕೆಂಪು ಮೆಣಸಿನ ಪುಡಿ, ರುಚಿಗೆ ತಕ್ಕ ಉಪ್ಪು ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು. ಎಲೆಕೋಸು ಬೇಯಲು ಸ್ವಲ್ಪ ನೀರು ಹಾಕಬಹುದು.

2. ಈಗ ಗೋಧಿ ಹಿಟ್ಟಿಗೆ ಸ್ವಲ್ಪ ನೀರು ಮತ್ತು ಉಪ್ಪು ಹಾಕಿ ಚೆನ್ನಾಗಿ ಕಲೆಸಬೇಕು.

3. ಈ ಮಿಶ್ರಣದಿಂದ ಪರೋಟಕ್ಕೆ ತಟ್ಟುವ ಹಾಗೆ ತಟ್ಟಿ ಅದರಲ್ಲಿ ಬೇಯಿಸಿದ ಎಲೆಕೋಸನ್ನು ಹರಡಬೇಕು.

4. ಈಗ ತೆಳುವಾದ ಮತ್ತೊಂದು ತೆಳುವಾದ ಪರೋಟ ಮಾಡಿ ಅದನ್ನು ಮತ್ತೊಂದು ಪರೋಟದ ಮೇಲೆ ಹಾಕಬೇಕು.

5. ಎಲೆಕೋಸು ಹೊರಗೆ ಪರದ ರೀತಿಯಲ್ಲಿ ಎರಡು ಪರೋಟವನ್ನು ಸೇರಿಸಬೇಕು ಅಂದರೆ ಅವುಗಳ ತುದಿಗಳನ್ನು ಕೈಯಿಂದ ಮುಚ್ಚಬೇಕು. ಆಗ ಪರೋಟಗಳು ಪರಸ್ಪರ ಅಂಟಿಕೊಳ್ಳುತ್ತವೆ.

6. ಈಗ ತವಾವನ್ನು ಬಿಸಿ ಮಾಡಿ ಅದರಲ್ಲಿ ತುಪ್ಪ ಹಾಕಿ ಪರೋಟದ ಎರಡು ಬದಿಯನ್ನು ಚೆನ್ನಾಗಿ ರೋಸ್ಟ್ ಮಾಡಬೇಕು.

ತಯಾರಾದ ಪರೋಟವನ್ನು ಗಟ್ಟಿಯಾದ ಮೊಸರಿನ ಜೊತೆ ನೆಚ್ಚಿಕೊಂಡು ತಿನ್ನಲು ರುಚಿಕರವಾಗಿರುತ್ತದೆ.