ಹುಚ್ಚೆಳ್ ಚಟ್ನಿ ಇಲ್ಲದ ರಾಗಿರೊಟ್ಟಿ

* ಅಸೀಮಾ ನೂರ್, ಆನೇಕಲ್

ರಾಗಿರೊಟ್ಟಿಗೆ ಬೇಕಾದ ಸಾಮಗ್ರಿಗಳು

ರಾಗಿ ಹಿಟ್ಟು - 2 ಲೋಟ
ಸುಮಾರು ಗಾತ್ರದ ಈರುಳ್ಳಿ - 2
ಹಸಿರು ಮೆಣಸಿನಕಾಯಿ - 4
ಶುಂಠಿ - ಸಣ್ಣ ತುಂಡು
ಉಪ್ಪು - 1 ಚಮಚ
ಹಿಟ್ಟನ್ನು ಕಲಸಲು ಎಣ್ಣೆ - 4-5 ಚಮಚ
ಹಿಟ್ಟನ್ನು ಕಲಸಲು ಬಿಸಿನೀರು/ಮಜ್ಜಿಗೆ

ಸುಮಾರು 6-7 ರೊಟ್ಟಿಗಳನ್ನು ತಯಾರಿಸಬಹುದು. ಸೂಚನೆ : ಹಿಟ್ಟನ್ನು ಕಲಸಿದ ತಕ್ಷಣ ಉಪಯೋಗಿಸಿರಿ.

ತಯಾರಿಸುವ ವಿಧಾನ :

ಚೆನ್ನಾಗಿ ಜರಡಿಯಾಡಿದ ರಾಗಿ ಹಿಟ್ಟಿಗೆ ಉಪ್ಪು ಮತ್ತು ಚೂರುಎಣ್ಣೆ ಬೆರೆಸಿ ಕಲಸಬೇಕು. ಅದಕ್ಕೆ ಕತ್ತರಿಸಿದ ಈರುಳ್ಳಿ, ಅರೆದ ಶುಂಠಿ ಮತ್ತು ಸಣ್ಣಗೆ ಕೊಚ್ಚಿದ ಮೆಣಸಿನಕಾಯಿಯನ್ನು ಬೆರೆಸಬೇಕು. ಬಿಸಿನೀರನ್ನು ಬಳಸಿ ಹಿಟ್ಟನ್ನು ಕಲಸಿರಿ, ಯಾಕೆಂದರೆ ಒರಟಾದ ರಾಗಿ ಹಿಟ್ಟು ಮಿದುವಾಗಬೇಕು. ನೀರಿನ ಜತೆಗೆ ಸ್ವಲ್ಪ ಮಜ್ಜಿಗೆ ಹಾಕಿದರೆ ಇನ್ನೂ ಒಳ್ಳೆಯದೇ.

ಉಂಡೆ ಮಾಡಿಟ್ಟ ಹಿಟ್ಟನ್ನು ನಿಧಾನವಾಗಿ ಎಣ್ಣೆ ಸವರಿಕೊಂಡ ತವದ ಮೇಲೆ ತಟ್ಟಿರಿ. ಎಣ್ಣೆ ಸವರಿದ ಬಾಳೆಎಲೆ ಅಥವಾ ಪ್ಲಾಸ್ಟಿಕ್ ಹಾಳೆ ಮೇಲೆ ತಟ್ಟಿ ಆನಂತರ ತವದ ಮನೇಲೆ ಹಾಕಿ ನಿಧಾನವಾಗಿ ಎಲೆಯನ್ನು ಹಿಂದಕ್ಕೆ ಪಡೆಯಿರಿ. ನಂತರ ಚೆನ್ನಾಗಿ ಬೇಯಿಸಿ ಬಿಸಿಬಿಸಿಯಿರುವಾಗಲೇ ಹುಚ್ಚೆಳ್ ಚಟ್ನಿ..... ದಯಮಾಡಿ ಯಾರಾದರೂ ಹುಚ್ಚೆಳ್ ಚಟ್ನಿ ಮಾಡುವುದು ಹೇಗೆಂದು ತಿಳಿಸುವಿರಾ?