ದಿನಾ ದೋಸೆ ಏಕೆ? ಅಮೆರಿಕನ್ ಪಾನ್ ಕೇಕ್ ಓಕೆ

Breakfast

oi-Reena

By Hema S

Published: Wednesday, January 25, 2012, 13:30 [IST]

ಸಿಹಿಗೆಣಸಿನಿಂದ ಅಮೆರಿಕನ್ ಪಾನ್ ಕೇಕ್ ಇವತ್ತು ನಾವು ತಿಳಿಸ ಹೊರಟಿರುವುದು ಅಮೆರಿಕನ್ ಪಾನ್ ಕೇಕ್ ಬಗ್ಗೆ. ಈ ಕೇಕ್ ಪಾರ್ಟಿಗಳಲ್ಲಿ, ಗೆಟ್ ಟುಗೆದರ್ ಫಂಕ್ಷನ್ ಗಳಲ್ಲಿ ಬಳಸುವುದು ಸಾಮಾನ್ಯ. ಇವತ್ತು ಸಿಹಿಗೆಣಸು ಮತ್ತು ಖಾರ ಬಳಸಿ ತಯಾರಿಸುವ ಅಮೆರಿಕನ್ ಪಾನ್ ಕೇಕ್ ಬಗ್ಗೆ ತಿಳಿಯೋಣ.

ಭಾರತದಲ್ಲಿ ದೋಸೆಯ ಹಾಗೆಯೆ ಅಮೆರಿಕದಲ್ಲಿ ಈ ತಿಂಡಿ ಪ್ರಸಿದ್ಧಿಯನ್ನು ಪಡೆದಿದೆ. ರುಚಿಕರವಾದ ಅಮೆರಿಕನ್ ಕೇಕ್ ಮಾಡುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* ಸಿಹಿ ಗೆಣಸು -2 ( ಸಿಪ್ಪೆ ಸುಲಿದು ಮೈಕ್ರೊವೇವ್ ನಲ್ಲಿ ಬೇಯಿಸಿದ್ದು)
* 2 ಚಮಚ ಬೆಣ್ಣೆ
* ಪುದೀನಾ ಸೊಪ್ಪು ಕತ್ತರಿಸಿದ್ದು 2 ಚಮಚ
* ರುಚಿಗೆ ತಕ್ಕ ಉಪ್ಪು
* ಕರಿಮೆಣಸು 1/2 ಚಮಚ
* ಮೈದಾ 1 ಕಪ್
* 1/2 ಕಪ್ ಬ್ರೆಡ್ ಚೂರು
* ಒಂದು ಚಮಚ ಅಡುಗೆ ಸೋಡಾ
* ವನಸ್ಪತಿ
* ಮೊಟ್ಟೆ (ಬೇಕಿದ್ದರೆ ಸೇರಿಸಬಹುದು)

ತಯಾರಿಸುವ ವಿಧಾನ:

1. ಒಂದು ಬಟ್ಟಲಿನಲ್ಲಿ ಕಿವುಚಿದ ಸಿಹಿಗೆಣಸು, ಬೆಣ್ಣೆ, ಪುದೀನಾ, ಕರಿಮೆಣಸಿನ ಪುಡಿ, ಉಪ್ಪು, ಮೈದಾ, ಬ್ರೆಡ್ ಚೂರು ಮತ್ತು ಅಡುಗೆ ಸೋಡಾ (ಬೇಕಿದ್ದರೆ ಮೊಟ್ಟೆ ಕೂಡ ಸೇರಿಸಬಹುದು) ಹಾಕಿ ಗಟ್ಟಿಯಾದ ಮಿಶ್ರಣವನ್ನು ಮಾಡಬೇಕು.

2. ಬಾಣಲೆಯಲ್ಲಿ ಎಣ್ಣೆಯನ್ನು ಬಿಸಿ ಮಾಡಿ, ಮೇಲಿನ ಮಿಶ್ರಣವನ್ನು ತೆಗೆದು ಚಿಕ್ಕ ಉಂಡೆಗಳಾಗಿ ಮಾಡಿ ಅದನ್ನು ಚಪ್ಪಟೆಯಾಗಿ ತಟ್ಟಿ ಎಣ್ಣೆಯಲ್ಲಿ ಕಾಕಬೇಕು.

3. ಅದು ಕಂದು ಬಣ್ಣ ಬರುವವರೆಗೆ ಹುರಿದರೆ ಸಿಹಿಗೆಣಸಿನಿಂದ ಮಾಡಿದ ಪಾನ್ ಕೇಕ್ ರೆಡಿ.

ತರಕಾರಿಯಿಂದ ತಯಾರಿಸಿದ ಗೊಜ್ಜು ಅಥವಾ ಸ್ವಲ್ಪ ಗಟ್ಟಿಯಾದ ಸಾರು ಜೊತೆ ಇದನ್ನು ಅದ್ದಿ ತಿನ್ನಲು ರುಚಿಕರವಾಗಿರುತ್ತದೆ.