ಅಕ್ಕಿ ನುಚ್ಚಿನ ಗರಿಗರಿ ದೋಸೆ

* ಸಕ್ಕರೆಪಟ್ಟಣ ನಳಿನಿ

ಬೇಕಾಗುವ ಸಾಮಗ್ರಿಗಳು

ಅಕ್ಕಿ 2 ಲೋಟ
ಅಕ್ಕಿ ನುಚ್ಚು 1/2 ಲೋಟ
ಒಂದು ಕಪ್ ಮೊಸರು

ವಿಧಾನ

ಅಕ್ಕಿಯನ್ನು ನೀರಿನಲ್ಲಿ ಮತ್ತು ನುಚ್ಚನ್ನು ಹುಳಿ ಮೊಸರಿನಲ್ಲಿ 4 ಗಂಟೆಕಾಲ ನೆನೆಸಿರಿ. ನೆನೆದ ನಂತರ ಎರಡನ್ನೂ ಒಟ್ಟಾಗಿ ರುಬ್ಬಿಕೊಂಡು, ಕಲಸಿರಿ ಮತ್ತು ಮಾರನೇ ದಿನದವರೆಗೆ ಚಿಟಿಕೆ ಅಡುಗೆಸೋಡಾ ಬೆರೆಸಿ ಹದಬರವುದಕ್ಕೆ ಬಿಡಿ.

ಈ ಹಿಟ್ಟಿಗೆ ಉಪ್ಪು, ಎರಡು ಚಮಚ ಸಕ್ಕರೆ ಬೆರೆಸಿ ಚೆನ್ನಾಗಿ ಕಲಸಿ ದೋಸೆ ಹುಯ್ಯುವುದಕ್ಕೆ ರೆಡಿಯಾಗಿ. ಈ ದೋಸೆಯ ವಿಶೇಷವೆಂದರೆ ಒಂದೇ ಕಡೆ ಬೇಯಿಸಬೇಕು, ದೋಸೆ ತಿರುವಿಹಾಕಬಾರದು, ಬೇಯಿಸುವಾಗ ಮುಚ್ಚಳ ಮುಚ್ಚಿರತಕ್ಕದ್ದು. ದೋಸೆಗಳು ಗರಿಗರಿಯಾಗಿಯೂ ಮತ್ತು ರುಚಿಯಾಗಿಯೂ ಇರತ್ವೆ.