ಬಾಳು ಬಂಗಾರಗೊಳಿಸೋ ಬಾಳೆಮೂತಿ ಪಲ್ಯ

ಮಾಡುವ ವಿಧಾನ-

.ಬಾಳೆಮೂತಿ ಹೆಚ್ಚಿಕೊಂಡು ನೀರಿಗೆ ಹಾಕಿಕೊಳ್ಳಿ( ನೀರಿಗೆ ಹಾಕಿಕೊಳ್ಳುವುದರಿಂದ ಕಪ್ಪಾಗುವುದಿಲ್ಲ ಮತ್ತು ಒಗರಿನ ಅಂಶ ಕಡಿಮೆ ಮಾಡಲು ಸಹಕಾರಿಯಾಗುತ್ತದೆ)

. ಕುಕ್ಕರ್ ನಲ್ಲಿ ಹೆಚ್ಚಿಕೊಂಡ ಬಾಳೆಮೂತಿ,ಚಿಟಿಕೆ ಅರಿಶಿನ, ಉಪ್ಪು, ಹುಣಸೆ ಹುಳಿ, ಬೆಲ್ಲ ಸೇರಿಸಿ ಮೂರರಿಂದ ನಾಲ್ಕು ವಿಷಿಲ್ ಕೂಗಿಸಿಕೊಳ್ಳಿ.

. ತೆಂಗಿನ ತುರಿ, ಬ್ಯಾಡಗಿ ಮೆಣಸು, ಜೀರಿಗೆ ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಿ.

. ಅಡುಗೆ ಎಣ್ಣೆಗೆ ಸಾಸಿವೆಕಾಳು, ಉದ್ದಿನಬೇಳೆ ಹಾಕಿ ಒಗ್ಗರಣೆ ಮಾಡಿ. ಸಾಸಿವೆಕಾಳು ಚಟಿಪಟಿ ಅಂದಾಗ ಕುಕ್ಕರ್ ನಲ್ಲಿ ಬೇಯಿಸಿದ ಮಿಶ್ರಣವನ್ನು ಸೇರಿಸಿ.

. ನಂತರ ರುಬ್ಬಿಕೊಂಡ ಮಿಶ್ರಣವನ್ನು ಸೇರಿಸಿ. ಬೇಯಿಸಿದ ಬಾಳೆಹೂವು ಮತ್ತು ರುಬ್ಬಿದ ಮಿಶ್ರಣ ಹೊಂದಿಕೊಳ್ಳುವಂತೆ ಎರಡನ್ನೂ ಕೈಯಾಡಿಸಿ. ಎರಡು ಬಾರಿ ಕುದಿ ಬಂದ ನಂತರ ಬೇವಿನ ಎಸಳನ್ನು ಸೇರಿಸಿ.

. ಗ್ಯಾಸ್ ಆಫ್ ಮಾಡಿದ ನಂತರ ಬೆಳ್ಳುಳ್ಳಿಯನ್ನು ಜಜ್ಜಿ ಪಲ್ಯಕ್ಕೆ ಸೇರಿಸಿ. ಬಿಸಿಬಿಸಿ ಪಲ್ಯದಲ್ಲಿ ಹಸಿಬೆಳ್ಳುಳ್ಳಿಯು ವಿಶೇಷ ಘಮವನ್ನು ನೀಡುತ್ತದೆ. ರೊಟ್ಟಿಯ ಜೊತೆ, ಚಪಾತಿಯ ಜೊತೆ ಅಥವಾ ಊಟಕ್ಕೆ ಈ ಪಲ್ಯವು ಅಧ್ಬುತವಾಗಿರುತ್ತದೆ.