ಗರ್ಭಪಾತದಿಂದ ಪಾರಾಗಲು ಈ 8 ಆಹಾರಗಳಿಂದ ದೂರವಿರಿ!

ತೊಳೆಯದ ತರಕಾರಿಗಳು ಮತ್ತು ಹಣ್ಣುಗಳು

ತರಕಾರಿಗಳು ಮತ್ತು ಹಣ್ಣುಗಳನ್ನು ಸ್ವಚ್ಛಗೊಳಿಸದೇ ಬಳಸುವುದರಿಂದ ಹಾನಿಕಾರಕ ಸೂಕ್ಷ್ಮಜೀವಿಗಳು ದೇಹದೊಳಗೆ ಸೇರಿ ಸೋಂಕುಗಳನ್ನು ಹರಡುತ್ತವೆ ಹಾಗೂ ಕೊನೆಗೆ ಇದು ಅಪಾಯಕಾರಿ ಮಟ್ಟಕ್ಕೆ ತಲುಪಿ ಗರ್ಭಪಾತಕ್ಕೆ ಎಡೆಮಾಡಿ ಕೊಡುತ್ತದೆ.

ಅತಿಯಾದ ಕಾಫಿ ಸೇವನೆ

ಅತಿಯಾದ ಕಾಫಿ ಸೇವನೆಯಿಂದ ,ಕಾಫಿಯಲ್ಲಿರುವ ಕೆಫೀನ್ ಅಂಶವು ದೇಹಕ್ಕೆ ಸೇರಿ, ದೇಹವು ಅತಿಯಾದ ಉಷ್ಣತೆಗೊಳಗಾಗುತ್ತದೆ. ಹಾಗೂ ಇದು ಗರ್ಭಪಾತಕ್ಕೆ ಅನುವು ಮಾಡಿಕೊಡುತ್ತದೆ.

ಗ್ರೀನ್ ಟೀ ಸೇವನೆ

ಗ್ರೀನ್ ಟೀನಲ್ಲೂ ಸಹ ಕೆಫಿನ್ ಅಂಶ ಸೇರಿರುವುದರಿಂದ, ದಿನಕ್ಕೆ ಒಂದು ಲೋಟಕ್ಕಿಂತ ಹೆಚ್ಚು ಟೀ ಸೇವಿಸುವುದರಿಂದ ಗರ್ಭಪಾತವಾಗುವ ಸಾಧ್ಯತೆಗಳು ಹೆಚ್ಚು.

ಲಿಚಿ ಹಣ್ಣುಗಳು

ಗರ್ಭಿಣಿಯರು ಲಿಚಿ ಹಣ್ಣುಗಳಿಂದ ದೂರವಿದ್ದರೆ ಒಳ್ಳೆಯದು. ಇದೂ ಸಹ ಅತಿಯಾದ ಉಷ್ಣತೆಯನ್ನು ಬಿಡುಗಡೆ ಮಾಡುವುದರಿಂದ , ಯೋನಿಸ್ರಾವದಂತಹ ಗಂಭೀರ ಪರಿಣಾಮಗಳಿಗೆ ಎಡೆಮಾಡಿಕೊಟ್ಟು, ಗರ್ಭಪಾತಕ್ಕೆ ಕಾರಣವಾಗುತ್ತದೆ.

ಮೊಳಕೆಯೊಡೆದ ಆಲೂಗಡ್ಡೆ

ವೈಜ್ಞಾನಿಕ ಸಂಶೋದನೆಗಳು ಹೇಳುವ ಪ್ರಕಾರ ಮೊಳಕೆಯೊಡೆದ ಆಲೂಗಡ್ಡೆಗಳಿಂದ ಸೋಲನಿನ್ ಎಂಬ ವಿಷಯುಕ್ತ ಪದಾರ್ಥ ಬಿಡುಗಡೆಯಾಗುವುದರಿಂದ ಇದು ಭ್ರೂಣದ ಮೇಲೆ ಗಂಭೀರ ಪರಿಣಾಮ ಬೀಳುತ್ತದೆ.

ಎಳ್ಳು

ಎಳ್ಳು ಸಹ ಅತಿಯಾದ ಉಷ್ಣಕ್ಕೆ ಕಾರಣವಾಗುತ್ತದೆ. ಅದರಲ್ಲೂ ಎಳ್ಳನ್ನು ಜೇನುತುಪ್ಪದ ಜೊತೆ ಸೇವಿಸುವುದರಿಂದ ಗರ್ಭಪಾತಕ್ಕೆ ದಾರಿಮಾಡಿಕೊಟ್ಟಂತಾಗುತ್ತದೆ.

ಲಿವರ್

ನೀವು ಮಾಂಸಾಹಾರಿಗಳಾಗಿದ್ದಲ್ಲಿ, ಪ್ರಾಣಿಗಳ ಲಿವರ್(ಯಕೃತ್ತು) ಸೇವಿಸುವುದನ್ನು ಖಡಾಖಂಡಿತವಾಗಿ ನಿಲ್ಲಿಸಬೇಕು. ಲಿವರ್‌ನಲ್ಲಿ ವಿಟಮಿನ್ 'ಎ' ಹೆಚ್ಚು ಇರುತ್ತದೆ.ಇದು ಬ್ರೂಣವನ್ನು ವಿಕಾರಗೊಳಿಸುತ್ತದೆ ಹಾಗು ಗರ್ಭಪಾತಕ್ಕೆ ಕಾರಣವಾಗುತ್ತದೆ.

ಮೀನು

ಕೆಲವು ಜಾತಿಯ ಮೀನುಗಳು ಪಾದರಸದಂತಹ ರಾಸಾಯನಿಕವನ್ನು ಹೆಚ್ಚು ಬಿಡುಗಡೆ ಮಾಡುವುದರಿಂದ ಗರ್ಭಪಾತದಂತಹ ಗಂಭೀರ ಸಮಸ್ಯೆಗೆ ಕಾರಣವಾಗುತ್ತದೆ.