Just In
- 1 hr ago 5 ನಿಮಿಷದಲ್ಲಿ ಪಾತ್ರೆಯನ್ನು ಹೊಳೆಯುವಂತೆ ಮಾಡಿ..! ಸುಲಭದ ಟಿಪ್ಸ್ ಇಲ್ಲಿದೆ
- 2 hrs ago ಮಸಾಲ ಭರಿತ ಬಿಸಿ ಬಿಸಿ ಪೊಂಗಲ್ ಮಾಡೋದು ಹೇಗೆ..? ಏನಿದರ ರೆಸಿಪಿ?
- 2 hrs ago ವೃಷಭ ರಾಶಿಗೆ ಗುರು ಸಂಚಾರ: 11ನೇ ಮನೆಯಲ್ಲಿ ಗುರು ಕರ್ಕ ರಾಶಿಯವರಿಗೆ ಅದೃಷ್ಟವೋ ಅದೃಷ್ಟ
- 5 hrs ago ವೃಷಭ ರಾಶಿಗೆ ಗುರು ಸಂಚಾರ: 12ನೇ ಮನೆಯಲ್ಲಿ ಗುರು ಮಿಥುನ ರಾಶಿಯ ಮೇಲೆ ಬೀರುವ ಪ್ರಭಾವ ಹೇಗಿರಲಿದೆ?
Don't Miss
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- News Mandya: ಏಪ್ರಿಲ್ 24 ರಿಂದ 26ರ ವರೆಗೆ ಮಂಡ್ಯದಲ್ಲಿ ಪ್ರತಿಬಂಧಕಾಜ್ಞೆ ಜಾರಿ
- Movies ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ನಟ ದರ್ಶನ್ ಪ್ರಚಾರ; ಸುಮಲತಾ ಅಂಬರೀಶ್ ಪ್ರತಿಕ್ರಿಯೆ
- Automobiles ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
- Sports LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಗರ್ಭಿಣಿಯರೇ ಫೇಸ್-ಕ್ರೀಮ್, ಶಾಂಪೂಗಳಿಂದ ಆದಷ್ಟು ದೂರವಿರಿ!
ಗರ್ಭಿಣಿ ಮಹಿಳೆಯರು ಮೇಕಪ್ ಮಾಡಿಕೊಳ್ಳುವಾಗ ಮತ್ತು ಯಾವುದೇ ಕ್ರೀಮ್ ಅಥವಾ ಲೋಷನ್ ಅನ್ನು ಮುಖಕ್ಕೆ ಹಚ್ಚಿಕೊಳ್ಳುವಾಗ, ವೈದ್ಯರ ಸಲಹೆ ಪಡೆದೇ ಮುಂದುವರಿಯಬೇಕು....
ಗರ್ಭಧಾರಣೆಯ ಸಂದರ್ಭದಲ್ಲಿ ಮಹಿಳೆಯರ ದೇಹವು ತುಂಬಾ ಸೂಕ್ಷ್ಮವಾಗಿರುತ್ತದೆ. ಇದರಿಂದ ದೇಹದ ಬಗ್ಗೆ ತುಂಬಾ ಎಚ್ಚರಿಕೆ ವಹಿಸಿಕೊಳ್ಳಬೇಕಾಗುವುದು ಅತೀ ಅಗತ್ಯ. ಗರ್ಭಿಣಿ ಮಹಿಳೆಯರು ಮೇಕಪ್ ಮಾಡಿಕೊಳ್ಳುವಾಗ ಮತ್ತು ಯಾವುದೇ ಕ್ರೀಮ್ ಅಥವಾ ಲೋಷನ್ ಅನ್ನು ಮುಖಕ್ಕೆ ಹಚ್ಚಿಕೊಳ್ಳುವಾಗ ಇದರ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ಪಡೆಯಬೇಕು.
ಯಾಕೆಂದರೆ ಕೆಲವೊಂದು ಕ್ರೀಮ್ ಗಳಲ್ಲಿ ಇರುವಂತಹ ರಾಸಾಯನಿಕಗಳು ಚರ್ಮಕ್ಕೆ ಹಾನಿ ಉಂಟು ಮಾಡಬಹುದು. ಇದರಿಂದ ಮುಂದೆ ದೊಡ್ಡ ಸಮಸ್ಯೆಯಾಗಬಹುದು. ಕೆಲವೊಂದು ಕ್ರೀಮ್ಗಳಲ್ಲಿ ಇರುವಂತಹ ಹಾನಿಕಾರಕ ಪದಾರ್ಥಗಳು ಚರ್ಮದ ಮೂಲಕ ರಕ್ತವನ್ನು ಸೇರಿಕೊಂಡು ದೇಹದ ಕೆಲವೊಂದು ಅಂಗಾಂಗಗಳ ಮೇಲೆ ಕೆಟ್ಟ ಪರಿಣಾಮವನ್ನು ಬೀರುತ್ತದೆ. ತಾಯ್ತನದ ಅವಧಿಯಲ್ಲಿ ಆರೋಗ್ಯದ ಆರೈಕೆ ಹೀಗಿರಲಿ
ಕ್ರೀಮ್ ಮತ್ತು ಶಾಂಪೂಗಳಲ್ಲಿ ಇರುಂತಹ ಹಾನಿಕಾರಕ ರಾಸಾಯನಿಕಗಳು ದೇಹದೊಳಗೆ ಸೇರಿಕೊಂಡು ಮಗುವಿನ ಮೇಲೂ ಕೆಟ್ಟ ಪರಿಣಾಮ ಬೀರಬಹುದು. ಯಾವೆಲ್ಲಾ ಉತ್ಪನ್ನಗಳನ್ನು ಗರ್ಭಿಣಿ ಮಹಿಳೆಯರು ಕಡೆಗಣಿಸಬೇಕು ಎನ್ನುವ ಬಗ್ಗೆ ಬೋಲ್ಟ್ ಸ್ಕೈ ಈ ಲೇಖನದ ಮೂಲಕ ನಿಮಗೆ ಹೇಳಿಕೊಡಲಿದೆ... ಮುಂದೆ ಓದಿ...
ದುಬಾರಿ ಸ್ನಾನದ ಉತ್ಪನ್ನಗಳು ಮತ್ತು ತ್ವಚೆಯ ಉತ್ಪನ್ನಗಳು
ಗರ್ಭಿಣಿ ಮಹಿಳೆಯರು ಕೆಲವೊಂದು ದುಬಾರಿ ಸ್ನಾನದ ಉತ್ಪನ್ನಗಳನ್ನು ದೂರವಿರಿಸಬೇಕು. ಇದರಲ್ಲಿ ಹಾನಿಕಾರಕ ರಾಸಾಯನಿಕಗಳು ಇವೆ ಮತ್ತು ಇದನ್ನು ಕಡೆಗಣಿಸಲೇಬೇಕು. ಸ್ವಲ್ಪ ಅಗ್ಗದ ಅಥವಾ ಮಧ್ಯಮ ಬೆಲೆಯ ಸ್ನಾನದ ಉತ್ಪನ್ನಗಳಲ್ಲಿ ಸುರಕ್ಷಿತ ರಾಸಾಯನಿಕಗಳಿರುತ್ತದೆ. ಸುರಕ್ಷಿತ ಸ್ನಾನದ ಸೋಪವನ್ನು ಬಳಸುವುದು ತುಂಬಾ ಒಳ್ಳೆಯದು.
ಚರ್ಮ ಬಿಳಿಯಾಗಿರುವ ಉತ್ಪನ್ನಗಳು
ಇವುಗಳಲ್ಲಿ ಅನೇಕ ರಾಸಾಯನಿಕ ಪದಾರ್ಥಗಳಿದ್ದು, ಇವು ನಿಮ್ಮ ಶಿಶುವನ್ನು ಹಾನಿಗೀಡು ಮಾಡಬಲ್ಲವು. ಅ೦ತಹ ಕ್ರೀಮ್ಗಳಿಗೆ ಒ೦ದು ಉದಾಹರಣೆಯೆ೦ದರೆ ಹೈಡ್ರೊಕ್ವಿನೋನ್ ಕ್ರೀಮ್ಗಳು.ಈ ಕ್ರೀಮ್ಗಳನ್ನು ತ್ವಚೆಯ ಕಲೆಗಳ ನಿವಾರಣೆಗೆ ಹಾಗೂ ತನ್ಮೂಲಕ ತ್ವಚೆಯನ್ನು ತಿಳಿಗೊಳಿಸಿಕೊಳ್ಳುವುದಕ್ಕಾಗಿ ಬಳಸಿಕೊಳ್ಳಲಾಗುತ್ತದೆ. ಗರ್ಭಿಣಿಯರು ಬಳಸಬಾರದ ತ್ವಚೆಗೆ ಸ೦ಬ೦ಧಿಸಿದ ಕ್ರೀಮ್ಗಳ ಪೈಕಿ ಇದೂ ಕೂಡಾ ಒ೦ದು.
ಹೇರ್ ರಿಮೂವರ್(ಕೂದಲು ತೆಗೆಯುವ) ರಾಸಾಯನಿಕ
ಗರ್ಭಿಣಿ ಮಹಿಳೆಯರು ಪದೇ ಪದೇ ರಾಸಾಯನಿಕಯುಕ್ತ ಹೇರ್ ರಿಮೂವರ್ ಕ್ರೀಮ್ನ್ನು ಬಳಸಿಕೊಳ್ಳುವುದು ಮಗುವಿನ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು.
ಶಾಂಪೂಗಳು
ತಲೆಹೊಟ್ಟು ಮತ್ತು ಫಂಗಲ್ ಅನ್ನು ನಿವಾರಿಸುವಂತಹ ಕೆಲವೊಂದು ಶಾಂಪೂಗಳಲ್ಲಿ ಇರುವಂತಹ ರಾಸಾಯನಿಕವು ಗರ್ಭಿಣಿ ಮಹಿಳೆಯರಿಗೆ ತುಂಬಾ ಹಾನಿಕಾರವಾಗಿರುವ ಕಾರಣದಿಂದಾಗಿ ಇದನ್ನು ಕಡೆಗಣಿಸಿ. ಇದರಲ್ಲಿನ ರಾಸಾಯನಿಕವು ತಲೆಬುರುಡೆಯ ಮೂಲಕ ರಕ್ತವನ್ನು ಸೇರಿಕೊಳ್ಳಬಹುದು.
ಸುಗಂಧದ್ರವ್ಯ ಮತ್ತು ಡಿಯೋ
ಸುಗಂಧದ್ರವ್ಯ ಮತ್ತು ಡಿಯೋದಲ್ಲಿರುವ ಆಲ್ಕೋಹಾಲ್ ಮತ್ತು ರಾಸಾಯನಿಕಗಳು ನಿಮ್ಮ ಚರ್ಮದ ಮೂಲಕವಾಗಿ ರಕ್ತವನ್ನು ಸೇರಿಕೊಳ್ಳುವುದು. ಅತಿಯಾಗಿ ಇದನ್ನು ಬಳಸಿದರೆ ಅದರಿಂದ ಗರ್ಭಿಣಿ ಮಹಿಳೆಯರ ಮೇಲೆ ಕೆಟ್ಟ ಪರಿಣಾಮ ಬೀರಬಹುದು.
ಸನ್ ಸ್ಕ್ರೀನ್
ಸತುವನ್ನು ಒಳಗೊಂಡಿರುವಂತಹ ಸನ್ ಸ್ಕ್ರೀನ್ ಬಳಸಿದರೆ ಅದು ಗರ್ಭಿಣಿ ಮಹಿಳೆರಿಗೆ ತುಂಬಾ ಸುರಕ್ಷಿತ. ಸನ್ ಸ್ಕ್ರೀನ್ ಗಳಲ್ಲಿ ಇರುವಂತಹ ರಾಸಾಯನಿಕಗಳು ಮಗುವಿಗೆ ಹಾನಿಯುಂಟು ಮಾಡಬಹುದು. ಇಂತಹ ಕ್ರೀಮ್ ಗಳನ್ನು ಗರ್ಭಿಣಿ ಮಹಿಳೆಯರು ದೂರವಿರಿಸಿ. 'ಸನ್ ಸ್ಕ್ರೀನ್' ಹಚ್ಚಿಕೊಳ್ಳುವ ಸರಿಯಾದ ವಿಧಾನ-ತಪ್ಪದೇ ಅನುಸರಿಸಿ
ಸೆಲಿಸೈಕ್ಲಿಕ್ ಆಮ್ಲವನ್ನೊಳಗೊ೦ಡಿರುವ ಉತ್ಪನ್ನಗಳು
ಸಾಮಾನ್ಯವಾಗಿ ತ್ವಚೆಯ ಸೋ೦ಕುಗಳ ಆರೈಕೆಗೆ ಇವುಗಳನ್ನು ಬಳಸಿಕೊಳ್ಳುತ್ತಾರೆ. ಇ೦ತಹ ಉತ್ಪನ್ನಗಳ ಅಥವಾ ಕ್ರೀಮ್ಗಳ ವಿಪರೀತ ಬಳಕೆಯು ಶಿಶುವಿನಲ್ಲಿ ಜನನ ಸ೦ಬ೦ಧೀ ಊನಗಳನ್ನು ಉ೦ಟುಮಾಡುವ ಸಾಧ್ಯತೆ ಇದೆ.