ಇಂತಹ ದುರಭ್ಯಾಸಗಳೇ ಬಂಜೆತನಕ್ಕೆ ಮೂಲ ಕಾರಣ!

ಅಪರೂಪದ ಧೂಮಪಾನ

ಯಾವಾಗಲೊಮ್ಮೆ ಒಂದೆರಡು ಸಿಗರೇಟ್ ಸೇದಿದರೆ ಯಾವುದೇ ತೊಂದರೆಯಿಲ್ಲವೆಂದು ಹೆಚ್ಚಿನವರು ಭಾವಿಸುತ್ತಾರೆ. ಅಧ್ಯಯನಗಳ ಪ್ರಕಾರ ಅಪರೂಪಕ್ಕೆ ಒಮ್ಮೆ ಮಾಡುವ ಧೂಮಪಾನದಿಂದ ಪುರುಷರು ಹಾಗೂ ಮಹಿಳೆಯರಲ್ಲಿ ಬಂಜೆತನ ಕಾಣಿಸಿಕೊಳ್ಳುತ್ತದೆ.

ಅತಿಯಾಗಿ ತಿನ್ನುವುದು

ಅತಿಯಾಗಿ ತಿನ್ನುವುದರಿಂದ ಕೂಡ ಬಂಜೆತನ ಕಾಣಿಸಬಹುದು. ಅತಿಯಾಗಿ ತಿನ್ನುವುದರಿಂದ ಬೊಜ್ಜು ಬರುತ್ತದೆ. ಮಹಿಳೆಯರಲ್ಲಿ ಬಂಜೆತನ ಕಾಣಿಸಿಕೊಳ್ಳಲು ಪ್ರಮುಖ ಕಾರಣವೇ ಬೊಜ್ಜು.

ಉಷ್ಣತೆಯ ಯೋಗ ತರಬೇತಿ

ತೂಕ ಕಳೆದುಕೊಳ್ಳಲು ಇಂದಿನ ದಿನಗಳಲ್ಲಿ ಕಂಡುಕೊಂಡಿರುವ ಹೊಸ ಯೋಗ ವಿಧಾನವಿದು. ಗರಿಷ್ಠ ತಾಪಮಾನವಿರುವ ಕೋಣೆಯಲ್ಲಿ ಯೋಗ ಮಾಡುವುದು. ಇಂತಹ ಯೋಗವು ಬಂಜೆತನಕ್ಕೆ ಕಾರಣವಾಗಬಹುದು. ಅತಿಯಾದ ಉಷ್ಣತೆಯು ಅಂಡಾಣು ಮತ್ತು ವೀರ್ಯದ ಮೇಲೆ ಪರಿಣಾಮ ಬೀರಬಹುದು.

ಖಿನ್ನತೆಗೆ ಮಾತ್ರೆ

ಖಿನ್ನತೆಯನ್ನು ನಿವಾರಿಸಲು ತೆಗೆದುಕೊಳ್ಳುವಂತಹ ಮಾತ್ರೆಗಳಿಂದ ಬಂಜೆತನ ಕಾಣಿಸಿಕೊಳ್ಳುತ್ತದೆ. ಇದು ಎರಡು ಲಿಂಗದವರ ಲೈಂಗಿಕ ಆಸಕ್ತಿ ಮೇಲೆ ಪರಿಣಾಮ ಬೀರಬಹುದು. ವೀರ್ಯದ ಗುಣಮಟ್ಟಕ್ಕೆ ಇದರಿಂದ ಹಾನಿಯಾಗಬಹುದು.

ಸುರಕ್ಷಿತವಲ್ಲದ ಲೈಂಗಿಕ ಕ್ರಿಯೆ

ಸುರಕ್ಷತವಲ್ಲದೆ ಇರುವಂತಹ ಲೈಂಗಿಕ ಕ್ರಿಯೆಯಿಂದಾಗಿ ಪುರುಷರು ಹಾಗೂ ಮಹಿಳೆಯರಲ್ಲಿ ಲೈಂಗಿಕ ರೋಗಗಳು ಕಾಣಿಸಿ ಕೊಳ್ಳಬಹುದು. ಕೆಲವೊಂದು ಲೈಂಗಿಕ ರೋಗಗಳು ಪುರುಷರು ಹಾಗೂ ಮಹಿಳೆಯರಲ್ಲಿ ಬಂಜೆತನ ಉಂಟುಮಾಡುವುದು.

ಅತಿಯಾದ ಮದ್ಯಪಾನ

ದಿನಾಲೂ ಅತಿಯಾಗಿ ಆಲ್ಕೋಹಾಲ್ ಸೇವನೆ ಮಾಡುವುದರಿಂದ ಬಂಜೆತನ ಕಾಣಿಸಬಹುದು. ಈ ಅಭ್ಯಾಸದಿಂದ ದೀರ್ಘ ಕಾಲಕ್ಕೆ ವೀರ್ಯ ಹಾಗೂ ಅಂಡಾಣುಗಳ ಉತ್ಪಾದನೆಯ ಮೇಲೆ ಪರಿಣಾಮ ಬೀರಬಹುದು.

ಪ್ಲಾಸ್ಟಿಕ್ ಬಾಟಲಿಯಿಂದ ನೀರು ಕುಡಿಯುವುದು

ಹೌದು, ನಿಯಮಿತವಾಗಿ ಪ್ಲಾಸ್ಟಿಕ್ ಬಾಟಲಿಯಲ್ಲಿ ನೀರನ್ನು ತುಂಬಿ ಕುಡಿಯುವುದರಿಂದ ಬಂಜೆತನ ಕಾಣಿಸಿಕೊಳ್ಳಬಹುದು. ಯಾಕೆಂದರೆ ಪ್ಲಾಸ್ಟಿಕ್ ಬಾಟಲಿಯಲ್ಲಿರುವ ಪ್ಲಾಸ್ಟಿಕ್ ನ ವಿಷಗಳು ಹಾರ್ಮೋನುಗಳ ಮೇಲೆ ದುಷ್ಪರಿಣಾಮ ಉಂಟುಮಾಡಬಹುದು.