ಕೆಲಸಕ್ಕೆ ಹೋಗುವ ಗರ್ಭಿಣಿಯರಿಗೆ ಆಪ್ತ ಸಲಹೆಗಳು

Pre Natal

oi-Reena

By Hema S

Updated: Thursday, August 23, 2012, 17:10 [IST]

ಈಗ ದುಡಿಯುವ ಮಹಿಳೆಯರ ಸಂಖ್ಯೆ ಹೆಚ್ಚಾಗುತ್ತಿದೆ. ಗಾರೆ ಹೊರುವ ಕೆಲಸದಿಂದ ಹಿಡಿದು, ಸಾಫ್ಟ್ ವೇರ್ ಲೋಕ, ನಾಸಾ ಹೀಗೆ ಎಲ್ಲಾ ಕ್ಷೇತ್ರದಲ್ಲಿ ಮಹಿಳೆಯರು ಮಿಂಚುತ್ತಿದ್ದಾರೆ. ಕೆಲಸ ಅಂದ ಮೇಲೆ ಒತ್ತಡವಿದ್ದೇ ಇರುತ್ತದೆ. ಈ ಸಮಯದಲ್ಲಿ ಗರ್ಭಿಣಿಯಾದರೆ ಕೆಲಸ ಬಿಟ್ಟು ಮನೆಯಲ್ಲಿ ಕೂರಲು ಸಾಧ್ಯವಿಲ್ಲ. 9ನೇ ತಿಗಳಿನಲ್ಲಿ ಅಥವಾ ಹೆರಿಗೆಯಾದ ಮೇಲೆ ರಜೆ ಸಿಗಬಹುದೇ ಹೊರತು ಗರ್ಭಾವಸ್ಥೆಯಲ್ಲಿ ರಜೆ ಸಿಗುವುದಿಲ್ಲ.

ಆದ್ದರಿಂದ ಕೆಲಸದಲ್ಲಿರುವ ಮಹಿಳೆಯರು ಗರ್ಭಾವಸ್ಥೆಯಲ್ಲಿರುವಾಗ ಈ ಕೆಳಗಿನ ಸಲಹೆಗಳನ್ನು ಪಾಲಿಸುವುದು ಒಳ್ಳೆಯದು:

ಮೆಟ್ಟಿಲುಗಳನ್ನು ಹತ್ತಬೇಡಿ: ಆಫೀಸ್ ನಲ್ಲಿ ತುಂಬಾ ಮೆಟ್ಟಿಲುಗಳಿದ್ದರೆ ಮೆಟ್ಟಿಲು ಬಳಸಬೇಡಿ, ಲಿಫ್ಟ್ ಬಳಸಿ. ತುಂಬಾ ಎತ್ತರದ ಚಪ್ಪಲಿಯನ್ನು ಧರಿಸಬಾರದು ಮತ್ತು ಟೈಲ್ಸ್ ನಲ್ಲಿ ಮೆಟ್ಟಿದಾಗ ಜಾರುವಂತಹ ಚಪ್ಪಲಿಗಳನ್ನು ಬಳಸಬಾರದು.

ಭಾರ ಹೊರಬೇಡಿ: ಕೈಯಲ್ಲಿ ಭಾರವಾದ ವಸ್ತುಗಳನ್ನು ಹಿಡಿಯುವುದು ಮತ್ತು ಭಾರವಾದ ವಸ್ತುಗಳನ್ನು ಎತ್ತವುದು ಮಾಡಬಾರದು.

ಆರೋಗ್ಯಕರ ಆಹಾರ: ಆಫೀಸ್ ನಲ್ಲಿ ಕುರುಕಲು ತಿಂಡಿ ತಿನ್ನುವ ಬದಲು ನಟ್ಸ್ ನತ್ತು ಹಣ್ಣುಗಳನ್ನು ಹೆಚ್ಚಾಗಿ ತಿನ್ನಬೇಕು. ಪ್ರೊಟೀನ್ ಮತ್ತು ಕ್ಯಾಲ್ಸಿಯಂ ಇರುವ ಆಹಾರಗಳನ್ನು ಹೆಚ್ಚಾಗಿ ತಿನ್ನುವ ಅಭ್ಯಾಸ ತಾಯಿ ಮತ್ತು ಮಗುವಿನ ಆರೋಗ್ಯಕ್ಕೆ ಒಳ್ಳೆಯದು.

ಕಾಫಿ ಕುಡಿಯಬೇಡಿ: ಗರ್ಭಾವಸ್ಥೆಯಲ್ಲಿ ಕಾಫಿ ಕುಡಿಯುವುದು ಒಳ್ಳೆಯದಲ್ಲ, ಅದರ ಬದಲು ಹಾಲಿಗೆ ಪ್ರೊಟೀನ್ ಪೌಡರ್ ಅಥವಾ ಹಾರ್ಲಿಕ್ಸ್ ಹಾಕಿ ಕುಡಿಯಿರಿ. ಸಿಗರೇಟ್ ಸೇವನೆಯ ಅಭ್ಯಾಸ ಇರುವವರು ಹೊಟ್ಟೆಯಲ್ಲಿರುವ ಮುದ್ದು ಕಂದ ಆರೋಗ್ಯಕರವಾಗಿ ಹುಟ್ಟಬೇಕೆಂದರೆ ಸಿಒಗರೇಟ್ ತ್ಯಜಿಸಲೇಬೇಕು.

ಕೂರುವ ಭಂಗಿ ಸರಿಯಿರಬೇಕು: ಕುಷನ್ ಚೇರ್ ಅಥವಾ ಆರಾಮದಾಯಕ ಅನಿಸುವ ಕುರ್ಚಿ ಬಳಸಿ. ಬೆನ್ನು ನೋವನ್ನು ತಡೆಯಲು ಏರ್ ಪಿಲ್ಲೊ (ಗಾಳಿ ತುಂಬಿದ ದಿಂಬು ಬಳಸಬಹುದು).

ವಿರಾಮ: ನಿರಂತರವಾಗಿ ಕುಳಿತು ಕೆಲಸ ಮಾಡಬಾರದು. ನಡು-ನಡುವೆ ಸ್ವಲ್ಪ ವಿರಾಮ ತೆಗೆದುಕೊಳ್ಳಬೇಕು. ತುಂಬಾ ನೀರು ಕುಡಿಯಬೇಕು. ಬೆಳಗ್ಗೆ ಎದ್ದು ಪ್ರಾಣಯಾಮ ಮಾಡುವುದು ಒಳ್ಳೆಯದು.

ತುಂಬಾ ಮಾನಸಿಕ ಒತ್ತಡದಿಂದ ಕೆಲಸ ಮಾಡುವುದು ಆರೋಗ್ಯಕ್ಕೆ ಒಳ್ಳೆಯದಲ್ಲ.