ಗರ್ಭಿಣಿಯರು ತುಂಬಾ ಹೊತ್ತು ನಿಲ್ಲಬಾರದು!

Pre Natal

oi-Reena

By Hema S

Updated: Friday, July 6, 2012, 15:43 [IST]

ಮಹಿಳೆಯರು ಗರ್ಭಿಣಿಯಾಗಿದ್ದಾಗ ವಾರದಲ್ಲಿ 25 ಗಂಟೆಗಳಿಗಿಂತ ಅಧಿಕ ಹೊತ್ತು ಕೆಲಸ ಮಾಡುವುದು ಮತ್ತು ತುಂಬಾ ಹೊತ್ತು ನಿಂತು ಕೊಂಡು ಕೆಲಸ ಮಾಡುವುದು ಒಳ್ಳೆಯದಲ್ಲ. ಏಕೆಂದರೆ ಈ ರೀತಿ ಕೆಲಸ ಮಾಡಿದರೆ ಕಡಿಮೆ ತೂಕದ ಮಕ್ಕಳು ಹುಟ್ಟುತ್ತದೆ ಎಂದು ಇತ್ತೀಚಿಗೆ ನೆದರ್ ಲ್ಯಾಂಡ್ ನ ವಿಶ್ವವಿಧ್ಯಾನಿಲಯೊಂದರಲ್ಲಿ ನಡೆಸಿದ ಅಧ್ಯಯದಿಂದ ತಿಳಿದು ಬಂದಿದೆ.

ಗರ್ಭಿಣಿಯಾಗಿದ್ದಾಗ ಹೀಗೆ ತುಂಬಾ ಗೊತ್ತು ನಿಂತು ಕೆಲಸ ಮಾಡಿದರೆ ಹುಟ್ಟುವ ಮಗುವಿನ ತೂಕ ಸುಮಾರು 200ಗ್ರಾಂ ಮಾತ್ರ ಇರುತ್ತದೆ ಎಂದು ಈ ಅಧ್ಯಯನವು ಹೇಳುತ್ತದೆ.

ಗರ್ಭಾವತಿಯಾಗಿದ್ದಾಗ ತುಂಬಾ ಹೊತ್ತು ನಿಂತು ಕೆಲಸ ಮಾಡಿದರೆ ಕೆಲಸದ ಒತ್ತಡದಿಂದ ರಕ್ತ ಸಂಚಲವನ್ನು ಕಡಿಮೆಯಾಗುತ್ತದೆ. ಇದರಿಂದದಾಗಿ ಭ್ರೂಣಕ್ಕೆ ಸರಿಯಾದ ಪೋಷಕಾಂಶ ಮತ್ತು ಆಮ್ಲಜನಕ ಪೂರೈಕೆ ಆಗುವುದಿಲ್ಲ, ಇದರಿಂದ ಕಡಿಮೆ ತೂಕದ ಮಗುವಿನ ಜನನವಾಗುತ್ತದೆ.

ಆಫೀಸ್ ಕೆಲಸದಲ್ಲಿ ಒತ್ತಡ ಜಾಸ್ತಿ ಇದ್ದೇ ಇರುತ್ತದೆ. ಮಾನಸಿಕ ಒತ್ತಡ ಹೆಚ್ಚಿದರೆ ಅದು ಭ್ರೂಣದ ಮೇಲೆ ಪ್ರಭಾವ ಬೀರುತ್ತದೆ, ಇದರಿಂದ ಕಡಿಮೆ ತೂಕದ ಮಗು ಹುಟ್ಟುವ ಸಾಧ್ಯತೆ ಹೆಚ್ಚು. ಕಡಿಮೆ ತೂಕದ ಮಗು ಜನಿಸಿದರೆ ಅದಕ್ಕೆ ಆಗಾಗ ಅನಾರೋಗ್ಯ ಸಮಸ್ಯೆ ಕಾಡುವುದು, ಕಡಿಮೆ ತೂಕದ ಮಕ್ಕಳಲ್ಲಿ ಉಸಿರಾಟದ ತೊಂದರೆ, ಅಜೀರ್ಣ ಸಮಸ್ಯೆ, ಹೃದಯಕ್ಕೆ ಸಂಬಂಧಿಸಿದ ಸಮಸ್ಯೆಗಳು ಹೆಚ್ಚಾಗಿ ಕಂಡುಬರುತ್ತದೆ.

ಮುಂದೆ ಇಂತಹ ಮಕ್ಕಳು ಬೆಳೆದಾಗ ಅವರಿಗೆ ಗ್ರಹಿಸುವ ಮತ್ತು ಕಲಿಕೆಯ ಸಾಮರ್ಥ್ಯ ಕಡಿಮೆ ಇರುವ ಸಾಧ್ಯತೆ ಹೆಚ್ಚು ಎಂದು ಈ ಅಧ್ಯಯನದಲ್ಲಿ ಹೇಳಲಾಗಿದೆ.