ಭ್ರೂಣಕ್ಕೆ ಮಗುವಿನ ಆಕಾರ ಬರುವುದು 3ನೇ ತಿಂಗಳಿನಲ್ಲಿ

Pre Natal

oi-Reena

By Hema S

Published: Tuesday, February 7, 2012, 15:48 [IST]

ಗರ್ಭಿಣಿಯಾದಾಗ ತಿಂಗಳಿನಿಂದ-ತಿಂಗಳಿಗೆ ಭ್ರೂಣವು ಬೆಳೆಯಲಾರಂಭಿಸುತ್ತದೆ. ಅದರಲ್ಲೂ 3ನೇ ತಿಂಗಳಿನಲ್ಲಿ ಭ್ರೂಣಕ್ಕೆ ಮಗುವಿನ ಆಕಾರ ಬರಲಾರಂಭಿಸುತ್ತದೆ. ಆದರೆ ಈ ತಿಂಗಳಿನಲ್ಲಿ ಭ್ರೂಣವನ್ನು ಹೆಣ್ಣು ಅಥವಾ ಗಂಡು ಎಂದು ಪತ್ತೆ ಹಚ್ಚುವಷ್ಟು ಆಕಾರವನ್ನು ಹೊಂದಿರುವುದಿಲ್ಲ. 3ನೇ ತಿಂಗಳಿನಲ್ಲಿ ಗರ್ಭಿಣಿಯರಲ್ಲಿ ಈ ಕೆಳಗಿನ ಪ್ರಮುಖ ಲಕ್ಷಣಗಳು ಕಂಡು ಬರುತ್ತವೆ.

1. 3ನೇ ತಿಂಗಳ ಗರ್ಭಾವಸ್ಥೆಯಲ್ಲಿ ಎರಡನೇ ತಿಂಗಳಿನಲ್ಲಿ ಕಾಣಿಸಿಕೊಂಡ ಲಕ್ಷಣಗಳಿರುತ್ತವೆ (ಎರಡನೇ ತಿಂಗಳು ಗರ್ಭಿಣಿಯರಿಗೆ ಡಯಟ್ ಟಿಪ್ಸ್). ದೇಹದಲ್ಲಿ ಅನೇಕ ಬದಲಾವಣೆಗಳು ಕಾಣಿಸಿಕೊಳ್ಳಲಾರಂಭಿಸುತ್ತದೆ.

2. ಈ ಸಂದರ್ಭದಲ್ಲಿ ದೇಹಕ್ಕೆ ಅಧಿಕ ಕ್ಯಾಲ್ಸಿಯಂ ಅಂಶ ಬೇಕಾಗುತ್ತದೆ. ಆದ್ದರಿಂದ ಸೊಪ್ಪು ತರಕಾರಿಗಳನ್ನು ಹೆಚ್ಚಾಗಿ ಸೇವಿಸಬೇಕು.

3. ಹೊಟ್ಟೆ ಬೆಳೆಯಲಾರಂಬಿಸುತ್ತದೆ. ಸಡಿಲವಾದ ಬಟ್ಟೆಗಳನ್ನು ಧರಿಸಬೇಕಾಗುತ್ತದೆ.

4. ಕೂದಲಿನ ಬೆಳವಣಿಗೆಯಲ್ಲಿ ಹಾಗೂ ಕೈ ಮತ್ತು ಕಾಲಿನ ಬೆರಳುಗಳಲ್ಲಿ ವ್ಯತ್ಯಾಸ ಕಂಡುಬರುತ್ತದೆ.ಈ ಸಂದರ್ಭದಲ್ಲಿ ಹಲ್ಲುಗಳ ಸ್ವಚ್ಛತೆಗೆ ಹೆಚ್ಚಿನ ಒತ್ತು ನೀಡಬೇಕು. ಆಗಾಗ ವಾಂತಿ ಮಾಡುವುದರಿಂದ ಬಾಯಿ ವಾಸನೆ ಅನಿಸುವುದು, ಆದ್ದರಿಂದ ಬಾಯಿಗೆ ಜೀರಿಗೆ ಅಥವಾ ಮಿಂಟ್ ಹಾಕಿದರೆ ಬಾಯಿಯ ದುರ್ವಾಸನೆಯನ್ನು ಹೋಗಲಾಡಿಸಬಹುದು.

5. ಹೊಟ್ಟೆಯಲ್ಲಿ, ಸ್ತನದಲ್ಲಿ, ತೊಡೆಯ ಹತ್ತಿರ ಗೆರೆಗಳು (ಸ್ಟ್ರೆಚ್ ಮಾರ್ಕ್ಸ್ ) ಕಂಡುಬರುತ್ತವೆ.

6. ಈ ಸಂದರ್ಭದಲ್ಲಿ ದೇಹ ತೂಕದ ಬಗ್ಗೆ ಎಚ್ಚರದಿಂದ ಇರಬೇಕು. ತುಂಬಾ ದಪ್ಪ ಅಥವಾ ತೆಳ್ಳಗಾದರೆ ವೈದ್ಯರ ಸಲಹೆಯನ್ನು ಪಡೆಯಬೇಕು.