3ನೇ ತಿಂಗಳಿನಿಂದಲೇ ಮಾಡಬೇಕಾದ ಕಸರತ್ತುಗಳು

Pre Natal

oi-Reena

By Hema S

Published: Wednesday, February 8, 2012, 14:51 [IST]

ಗರ್ಭಿಣಿಯಾಗಿ 3 ತಿಂಗಳ ನಂತರ ಗರ್ಭಪಾತವಾಗುವ ಅಪಾಯ ಕಡಿಮೆ. 3ನೇ ತಿಂಗಳಿನಲ್ಲಿ ಭ್ರೂಣಕ್ಕೆ ಅಂಗಾಂಗಳು ಬೆಳೆಯಲಾರಂಭಿಸುತ್ತದೆ. ಈ ಸಂದರ್ಭದಲ್ಲಿ ವ್ಯಾಯಾಮವನ್ನು ಮಾಡಲು ಪ್ರಾರಂಭಿಸಿದರೆ ತಾಯಿ ಮತ್ತು ಮಗುವಿನ ಆರೋಗ್ಯಕ್ಕೆ ಒಳ್ಳೆಯದು. ಈ ಕೆಳಗೆ ತಿಳಿಸಿದಂತಹ ವ್ಯಾಯಾಮಗಳನ್ನು ಮಾಡಿದರೆ ಗರ್ಭಿಣಿಯರ ಆರೋಗ್ಯ ಹೆಚ್ಚಿಸುವುದಷ್ಟೇ ಅಲ್ಲ ಹೆರಿಗೆಗೂ ಸುಲಭವಾಗುತ್ತದೆ.

ವ್ಯಾಯಾಮಗಳು:

1. ನಡೆಯುವುದು: ಬೆಳಗ್ಗೆ ತಲೆ ಸುತ್ತುವುದು, ವಾಂತಿ, ಸುಸ್ತು ಇವುಗಳಿಂದ ಮುಕ್ತಿಯನ್ನು ಪಡೆಯಲು ಮುಂಜಾನೆ ಎದ್ದು ನಡೆಯುವ ವ್ಯಾಯಾಮ ಒಳ್ಳೆಯದು. ನಡೆಯುವುದರಿಂದ ರಕ್ತ ಸಂಚಲನ ಹೆಚ್ಚಾಗುತ್ತದೆ. ದೇಹಕ್ಕೂ ಚೈತನ್ಯ ಬರುತ್ತದೆ. ಕೆಲವರಿಗೆ ಗರ್ಭಿಣಿಯಾದಾಗ ಮಣಿಗಂಟಿನ ನೋವು ಮತ್ತು ಹಿಮ್ಮಡಿ ನೋವು ಕಾಣಿಸಿಕೊಳ್ಳುತ್ತದೆ. ಅಂತಹವರಿಗೆ ನಡೆಯುವ ವ್ಯಾಯಾಮ ತುಂಬಾ ಪರಿಣಾಮಕಾರಿ. ನಡೆಯುವಾಗ ನಿಧಾನಕ್ಕೆ ನಡೆಯಿರಿ.

2. ಈಜುವುದು: ಈಜುವುದು ಗರ್ಭಿಣಿಯರ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಇದರಿಂದ ರಕ್ತ ಸಂಚಲನ ಸರಿಯಾದ ರೀತಿಯಲ್ಲಿ ಆಗುವುದು. ಈಜುವುದರಿಂದ ಸ್ನಾಯುಗಳಲ್ಲಿ ಉಂಟಾಗುವ ನೋವುಗಳನ್ನು ಹೋಗಲಾಡಿಸಬಹುದು.

3.ಸೈಕ್ಲಿಂಗ್: ದೇಹದ ತೂಕವನ್ನು ನಿಯಂತ್ರಣದಲ್ಲಿಡಲು ಸೈಕ್ಲಿಂಗ್ ಅತ್ಯುತ್ತಮವಾದ ವ್ಯಾಯಾಮವಾಗಿದೆ. ಸೈಕಲ್ ಅನ್ನು ನಿಲ್ಲಿಸಿ ತುಳಿಯುವುದು ತುಂಬಾ ಒಳ್ಳೆಯದು. ಇದರಿಂದ ಬೀಳುತ್ತೇವೆ ಎಂಬ ಭಯವಿರುವುದಿಲ್ಲ.

ಒಳ್ಳೆಯ ಸಂಗೀತವನ್ನು ಕೇಳುವುದು, ಉತ್ತಮ ಪುಸ್ತಕಗಳನ್ನು ಓದುವುದು, ಪ್ರಾರ್ಥನೆ ಇವೆಲ್ಲವೂ ಮಗುವಿನ ತಾಯಿ ಮತ್ತು ಮಗುವಿನ ಆರೋಗ್ಯಕ್ಕೆ ಒಳ್ಳೆಯದು.