ಕಂದನ ನಿರೀಕ್ಷೆಯಲ್ಲಿ ಮಿಡಿಯುವ ಜೀವಕ್ಕೆ ಆಗದಿರಲಿ ನಿರಾಸೆ

Pre Natal

oi-Reena

By Hema S

Published: Tuesday, October 11, 2011, 16:25 [IST]

ಬದಲಾದ ಜೀವನ ಶೈಲಿ ಅನೇಕ ಸಮಸ್ಯೆಗಳನ್ನು ತಂದೊಡ್ಡಿದೆ. ಈಗ ದಂಪತಿಗಳಲ್ಲಿ ಸಾಕಷ್ಟು ಜನರು ಮಕ್ಕಳಿಲ್ಲದ ಸಮಸ್ಯೆ ಕೂಡ ಜೀವನ ಶೈಲಿಯ ಕೊಡುಗೆಯಾಗಿದೆ. ಗರ್ಭಿಣಿಯಾದರೂ ಸಹ ಗರ್ಭಪಾತವಾಗಬಹುದಾ ಎಂಬ ಭಯ ಕಾಡುವುದು ಸಹಜವಾಗಿದೆ.

ಏಕೆಂದರೆ ಜೀವನ ಶೈಲಿ, ವಯಸ್ಸು, ಒತ್ತಡ, ಆಹಾರ ಕ್ರಮ, ಪ್ರಯಾಣ , ಮಿತಿ ಮೀರಿದ ಕೆಲಸ ಇವುಗಳಿಂದಾಗಿ ಈ ಗರ್ಭಪಾತದ ಸಮಸ್ಯೆ ಹೆಚ್ಚಾಗಿ ಕಾಣುತ್ತಿದೆ . ಅಲ್ಲದೆ ತಾಯಿ ಬೇರೆ ರೀತಿಯ ಆರೋಗ್ಯ ಸಮಸ್ಯೆ ಅಂದರೆ ಕಿಡ್ನಿ ತೊಂದರೆ ಇವುಗಳಿಂದ ಸಹ ಗರ್ಭಪಾತವಾಗುತ್ತದೆ.

ಆದರೆ ಕೆಲವು ಎಚ್ಚರಿಕೆಯ ಕ್ರಮಗಳನ್ನು ಪಾಲಿಸುವುದರಿಂದ ಗರ್ಭಪಾತವಾಗುವುದನ್ನು ತಪ್ಪಿಸಬಹುದಾಗಿದೆ.

1. 35 ವರ್ಷಗಳ ಒಳಗೆ ಗರ್ಭ ಧರಿಸುವುದು ಸೂಕ್ತ.

2. ಮದ್ಯ, ಧೂಮಪಾನ ಅಭ್ಯಾಸವಿರುವರು ಈ ಚಟ ಬಿಡದಿದ್ದರೆ ಗರ್ಭದ ಮೇಲೆ ಕೆಟ್ಟ ಪರಿಣಾಮ ಬೀರುವುದು.

3. ಅತ್ಯಧಿಕ ತೂಕವಿದ್ದರೆ ತೂಕವನ್ನು ಕಡಿಮೆ ಮಾಡಿಕೊಂಡು ಗರ್ಭ ಧರಿಸಿದರೆ ಈ ರೀತಿಯ ಸಮಸ್ಯೆಯನ್ನು ತಪ್ಪಿಸ ಬಹುದಾಗಿದೆ.

4. ಡಾಕ್ಟರ್ ಗರ್ಭಿಣಿಯರಿಗೆ ವಿಶ್ರಾಂತಿ ತೆಗೆಯಲು ಹೇಳಿದ್ದರೆ ಅದನ್ನು ಪಾಲಿಸುವುದು ಮತ್ತು ವ್ಯಾಯಾಮಗಳನ್ನು ಮಾಡದೆ ಇರುವುದರಿಂದ ಈ ರೀತಿಯ ಸಮಸ್ಯೆಯನ್ನು ತಡೆಯಬಹುದು.

5. ಡಾಕ್ಟರ್ ಕೊಡುವ ಮಾತ್ರೆ, ಟಾನಿಕ್ ಗಳು ಸಹ ಮಗು ಆರೋಗ್ಯವಾಗಿ ಬೆಳೆಯಲು ಸಹಾಯ ಮಾಡುತ್ತದೆ.

6. ಹೋಮಿಯೋಪತಿ, ಹರ್ಬಲ್ ಔಷಧಿಗಳು ಸಹ ಈ ರೀತಿಯ ಗರ್ಭಪಾತವನ್ನು ತಡೆಗಟ್ಟುತ್ತದೆ.

7. ಆರೋಗ್ಯಕರವಾದ ಆಹಾರ ಸೇವನೆ, ವಿಶ್ರಾಂತಿ, ಡಾಕ್ಟರ್ ಸಲಹೆಗಳನ್ನು ಪಾಲಿಸುವುದು ಇವುಗಳಿಂದ ಆರೋಗ್ಯ ಪೂರ್ಣ ಮಗುವನ್ನು ಪಡೆಯಬಹುದಾಗಿದೆ.