ಹೆರಿಗೆಯ ನಂತರವೂ ಆಕರ್ಷಕ ಮೈಕಟ್ಟು ಹೇಗೆ?

Post Natal

oi-Reena

By Hema S

Published: Monday, February 27, 2012, 16:36 [IST]

ಹೆರಿಗೆಯಾದ ಮೇಲೆ ದೇಹದ ಸೌಂದರ್ಯ ಕಡಿಮೆಯಾಯಿತು, ಶೇಪ್ ಹಾಳಾಗಿ ಹೋಗಿದೆ ಎಂದು ಗೊಣಗುವುದು ಸಾಮಾನ್ಯ. ಬಾಣಂತಿಯಲ್ಲಿ ಮಾಡುವ ಆರೈಕೆ, ದೈಹಿಕ ಶ್ರಮವಿಲ್ಲದಿರುವುದು, ಅಧಿಕ ಕೊಬ್ಬಿನಂಶ ಮತ್ತು ಪೋಷಕಾಂಶವಿರುವ ಆಹಾರ ಸೇವನೆ ಇವೆಲ್ಲವೂ ದೇಹದ ತೂಕವನ್ನು ಹೆಚ್ಚು ಮಾಡುತ್ತದೆ. ಆದರೆ ಹೆರಿಗೆಯಾಗಿ 2-3 ತಿಂಗಳು ವಿಶ್ರಾಂತಿ ಪಡೆದ ಬಳಿಕ ದೇಹವನ್ನು ಫಿಟ್ ಆಗಿಡಲು ಶ್ರಮಿಸಿದರೆ ಖಂಡಿತ ಸಾಧ್ಯವಿದೆ. ಅದಕ್ಕಾಗಿ ನೀವು ಮಾಡಬಹುದಾದ ಕೆಲ ಸರಳ ಉಪಾಯಗಳು ನೋಡಿ ಇಲ್ಲಿದೆ

ಆಕರ್ಷಕ ಮೈಕಟ್ಟನ್ನು ಮರಳಿ ಪಡೆಯಲು ಕೆಲ ಸಲಹೆಗಳು:

1. ಎದೆ ಹಾಲುಣಿಸುವುದು: ಎದೆ ಹಾಲು ಮಗು ಕುಡಿಸುವುದರಿಂದ ತಾಯಿ ಮತ್ತು ಮಗು ಇಬ್ಬರಿಗೂ ಸಮಾನ ಪ್ರಯೋಜನಗಳಿವೆ. ಎದೆ ಹಾಲು ಕುಡಿಯುವುದರಿಂದ ಮಗುವಿಗೆ ಅತ್ಯುತ್ತಮವಾದ ಪೋಷಕಾಂಶ ದೊರೆತರೆ, ತಾಯಿಗೆ 500 ಕ್ಯಾಲೋರಿ ಕಡಿಮೆಯಾಗುವುದರಿಂದ ತೂಕ ಇಳಿಕೆಯಲ್ಲಿ ಸಹಾಯ ಮಾಡುತ್ತದೆ.

2.ನೀರು ಕುಡಿಯುವುದು: ದಿನಕ್ಕೆ 10-12 ಗ್ಲಾಸ್ ನೀರು ಕುಡಿಯಬೇಕು. ಮೂತ್ರ ವಿಸರ್ಜನೆ ಮಾಡುವಾಗ ಹಳದಿ ಬಣ್ಣದಲ್ಲದ್ದರೆ ದೇಹದಲ್ಲಿ ನೀರಿನಂಶ ಕಡಿಮೆಯಿದೆ ಎಂದು ಅರ್ಥ. ಆದ್ದರಿಂದ ಸಾಕಷ್ಟು ನೀರು ಕುಡಿಯಬೇಕು.

3. ಕೆಲಸ: ಮಗುವಿನ ಜೊತೆ ಸ್ವಲ್ಪ ದೂರ ನಡೆಯುವುದು, ಮನೆಯಲ್ಲಿ ಸಣ್ಣಪುಟ್ಟ ಕೆಲಸವನ್ನು ಮಾಡುವುದು ಆರೋಗ್ಯಕ್ಕೆ ಒಳ್ಳೆಯದು.

4.ಆಹಾರ: ತಿನ್ನುವುದೇ ಕೆಲಸವಾಗಿ ಮಾಡುವ ಬದಲು ತುಂಬಾ ಹೊಟ್ಟೆ ಹಸಿದಾಗ ತಿನ್ನಬೇಕು. ಅಧಿಕ ಪ್ರೊಟೀನ್ ಇರುವ ಆಹಾರಗಳನ್ನು ಸೇವಿಸಿ.

5. ವ್ಯಾಯಾಮ: ಹೆರಿಗೆಯ ನಂತರ ಮಾಡಬಹುದಾದ ವ್ಯಾಯಾಮಗಳನ್ನು ಕಲಿಸಿಕೊಡುವ ಕ್ಲಾಸ್ ಗೆ ಸೇರುವುದರಿಂದ ದೇಹದ ತೂಕವನ್ನು ಬೇಗನೆ ಕಡಿಮೆ ಮಾಡಬಹುದು. ತಿನ್ನುವ ಆಹಾರಗಳ ಕ್ಯಾಲೋರಿ ಬಗ್ಗೆ ನಿಗಾವಹಿಸುವುದು ಅಗತ್ಯ.