ನಿಮ್ಮ ಮಕ್ಕಳಿಗೆ ಯಾವ ತಿಂಡಿ ತಿನ್ನಿಸಬಹುದು?

Kids

oi-Sumalatha

By Sumalatha

Published: Saturday, October 1, 2011, 17:43 [IST]

ಮಕ್ಕಳಿಗೆ ಯಾವ ತಿಂಡಿ ನೀಡಿದರೆ ಆರೋಗ್ಯಕ್ಕೆ ಒಳ್ಳೆಯದು ಅನ್ನೋದು ಎಲ್ಲ ಪೋಷಕರ ಪ್ರಶ್ನೆ. ಮಕ್ಕಳಿಗೆ ಇಷ್ಟವಾಗುವಂತೆ, ಜೊತೆಗೆ ಆರೋಗ್ಯಕರವಾಗಿರುವಂತೆ ಯಾವ ಸ್ನಾಕ್ಸ್ ಅವರಿಗೆ ಹೇಗೆ ನೀಡಬಹುದು ಎಂದು ಕೆಲವು ಸಲಹೆಗಳನ್ನು ಇಲ್ಲಿ ನೀಡಲಾಗಿದೆ.

ಮಕ್ಕಳಿಗೆ ಆರೋಗ್ಯಕರ ತಿಂಡಿ ಹೇಗಿರಬೇಕು?

* ವಿವಿಧ ಬಗೆ: ನಿಮ್ಮ ಮಕ್ಕಳು ಯಾವ ತಿಂಡಿ ಇಷ್ಟ ಪಡುತ್ತಾರೆ ಎಂದು ಮೊದಲು ತಿಳಿದುಕೊಳ್ಳಿ. ಯಾವಾಗಲೂ ಒಂದೇ ತಿಂಡಿ ಕೊಡದೆ, ಅನೇಕ ತರಹದ ಆಹಾರವನ್ನು ಅವರಿಗೆ ರೂಢಿ ಮಾಡಿ.

* ಸಕ್ಕರೆ ಅಂಶ: ಅತಿ ಹೆಚ್ಚು ಸಕ್ಕರೆ ಅಂಶವಿರುವ ತಿಂಡಿಯನ್ನು ಹೆಚ್ಚು ತಿನ್ನಿಸಬೇಡಿ. ಇದು ಮಕ್ಕಳ ಹಲ್ಲುಗಳಿಗೆ ಸಮಸ್ಯೆ ಉಂಟುಮಾಡುತ್ತದೆ.

* ತರಕಾರಿ, ಚೀಸ್: ತಾಜಾ ಹಣ್ಣು ಮತ್ತು ತರಕಾರಿಯನ್ನು ಚೀಸ್ ನೊಂದಿಗೆ ಬೆರೆಸಿಕೊಟ್ಟರೆ ಮಕ್ಕಳಿಗೆ ಒಳ್ಳೆಯ ಆಹಾರವಾಗುತ್ತದೆ. ಕ್ಯಾರೆಟ್ ಮತ್ತು ಸೌತೆಕಾಯಿ ನೀಡಿದರೆ ಇನ್ನೂ ಉತ್ತಮ.

* ದೋಸೆ, ಇಡ್ಲಿ: ದೋಸೆ, ಇಡ್ಲಿ, ವೆಜಿಟೆಬಲ್ ಸ್ಯಾಂಡ್ ವಿಚ್ ನಂತಹ ಲಘು ಆಹಾರ ಮಕ್ಕಳಿಗೆ ತುಂಬಾ ಪ್ರಿಯವೆನಿಸುತ್ತೆ ಮತ್ತು ಆರೋಗ್ಯಕ್ಕೂ ಒಳ್ಳೆಯದು.

* ಹಣ್ಣುಗಳ ಸಲಾಡ್: ಹಣ್ಣುಗಳನ್ನು ಸಲಾಡ್ ರೂಪದಲ್ಲಿ ನೀಡಿದರೆ ಮಕ್ಕಳಿಗೆ ತುಂಬಾ ಇಷ್ಟವಾಗುತ್ತದೆ. ಮಕ್ಕಳು ಅನುಭವಿಸಿ ತಿನ್ನಬೇಕೆಂದರೆ ಮಕ್ಕಳಿಗೆ ಇಷ್ಟವಾದ ಹಣ್ಣುಗಳನ್ನು ಸಲಾಡ್ ರೂಪದಲ್ಲಿ ನೀಡಬಹುದು.

* ಕಪ್ಪು ದ್ರಾಕ್ಷಿ: ಕಪ್ಪು ದ್ರಾಕ್ಷಿ ಮಕ್ಕಳ ಆರೋಗ್ಯಕ್ಕೆ ತುಂಬಾ ಉತ್ತಮ. ಇದನ್ನು ನಿಮ್ಮ ಮಕ್ಕಳ ಆಹಾರದಲ್ಲಿ ಆಗಾಗ್ಗೆ ಬಳಸಿ.

* ಸ್ವೀಟ್ ನಂತರ ಹಾಲಿರಲಿ: ನಿಮ್ಮ ಮಕ್ಕಳಿಗೆ ಯಾವುದಾದರೂ ಸ್ವೀಟ್ ನೀಡಿದರೆ, ಅದರ ನಂತರ ಅವರಿಗೆ ಕುಡಿಯಲು ಹಾಲನ್ನೂ ನೀಡಿ.

* ಹಣ್ಣು ಮತ್ತು ಕ್ರೀಂ: ಮಾವು, ಬಾಳೆಹಣ್ಣು, ಸೇಬು, ದ್ರಾಕ್ಷಿ ಇದೆಲ್ಲವನ್ನೂ ಕತ್ತರಿಸಿ ಕ್ರೀಂನೊಂದಿಗೆ ಬೆರೆಸಿ ನೀಡಿದರೆ ಮಕ್ಕಳಿಗೆ ಪೌಷ್ಟಿಕತೆಯೂ ದೊರೆಯುತ್ತೆ, ಇಷ್ಟವೂ ಆಗುತ್ತೆ.

* ಬೇಯಿಸಿದ ಮೊಟ್ಟೆ ಮತ್ತು ಜೋಳ: ಬೇಯಿಸಿದ ಮೊಟ್ಟೆ ಮಕ್ಕಳಿಗೆ ಒಳ್ಳೆಯದು. ಬೇಯಿಸಿದ ಜೋಳ, ಎಲ್ಲ ರೀತಿಯ ದವಸ ಧಾನ್ಯವನ್ನು ಮಕ್ಕಳಿಗೆ ಅಭ್ಯಾಸ ಮಾಡಿಸಿ.