ನಿಮ್ಮ ಮಕ್ಕಳು ತರಕಾರಿ ತಿನ್ನುತ್ತಿಲ್ವಾ? ಹೀಗೆ ಮಾಡಿ

1. ಫೇವರೆಟ್ ತಿಂಡಿ ಜೊತೆ ತರಕಾರಿ ಸೇರಿಸಿ: ಮಕ್ಕಳಿಗೆ ಅವರ ಫೇವರೆಟ್ ತಿಂಡಿಯೊಂದಿಗೆ ತರಕಾರಿಗಳನ್ನೂ ಹಾಕಿಕೊಡಿ. ಸಮೋಸ, ಬ್ರೆಡ್, ಬನ್ ಮುಂತಾದುವುದರೊಂದಿಗೆ ತರಕಾರಿ ಸೇರಿಸಿ ಕೊಡುವುದರಿಂದ ಮಕ್ಕಳು ತಿನ್ನುವುದನ್ನು ರೂಢಿಸಿಕೊಳ್ಳುತ್ತಾರೆ.

2. ತರಕಾರಿ ಪಲ್ಯ ಅಥವಾ ಕರ್ರಿ: ತರಕಾರಿಗಳು ಪೋಷಕಾಂಶಯುಕ್ತವಾಗಿರುವುದರಿಂದ ಮಕ್ಕಳಿಗೆ ಹೆಚ್ಚು ಅವಶ್ಯಕ. ಆದ್ದರಿಂದ ಮಕ್ಕಳಿಗೆ ಇಷ್ಟವಾಗುವ ರೀತಿ ವಿಭಿನ್ನವಾಗಿ ತರಕಾರಿ ಕರ್ರಿ ಮಾಡಿ ಅವರನ್ನು ರಮಿಸಿ ತಿನ್ನಿಸಬಹುದು. ಮಕ್ಕಳಿಗೆ ಸಾಮಾನ್ಯವಾಗಿ ಆಲೂಗಡ್ಡೆ ತುಂಬಾ ಇಷ್ಟವಾಗುತ್ತೆ. ಆದ್ದರಿಂದ ಆಲೂಗಡ್ಡೆಯೊಂದಿಗೆ ಇನ್ನಿತರ ತರಕಾರಿಗಳನ್ನು ಮಸೆದು ಬೆರೆಸಿದರೆ ಮಕ್ಕಳಿಗೆ ಅರಿವಿಲ್ಲದಂತೇ ರುಚಿಯನ್ನು ಅನುಭವಿಸಿ ತಿನ್ನುತ್ತವೆ.

3. ಕಲರ್ ಫುಲ್ ಆಗಿರಲಿ: ಮಕ್ಕಳು ತರಕಾರಿ ತಿನ್ನುವಂತೆ ಮಾಡುವ ಇನ್ನೊಂದು ವಿಧಾನವೆಂದರೆ ತಿಂಡಿಯನ್ನು ಕಲರ್ ಫುಲ್ ಆಗಿ ಮಾಡುವುದು. ಕಲರ್ ಫುಲ್ ಆಗಿದ್ದರೆ ಮಕ್ಕಳು ತಿನ್ನುವುದಕ್ಕೆ ತುಂಬಾ ಇಷ್ಟ ಪಡುತ್ತಾರೆ. ವಿವಿಧ ಬಗೆಯ ತರಕಾರಿಗಳನ್ನು ಬಳಸಿದರೆ ಮಕ್ಕಳು ಆಕರ್ಷಿತರಾಗಿ ಬಯಸಿ ತಿನ್ನುತ್ತಾರೆ.

4. ತರಕಾರಿ ಸೂಪ್ ಮಕ್ಕಳಿಗೆ ಇಷ್ಟ: ಸೂಪ್ ಎಂದರೆ ಮಕ್ಕಳು ಇಷ್ಟಪಟ್ಟು ಕುಡಿಯುತ್ತಾರೆ. ಶಾಲೆಯಿಂದ ಬಂದ ನಂತರ ಮಕ್ಕಳಿಗೆ ವಿವಿಧ ತರಕಾರಿ ಬಳಸಿ ಮಾಡಿದ ಸೂಪ್ ಅನ್ನು ಕುಡಿಯಲು ಕೊಟ್ಟರೆ ಖುಷಿಯಿಂದ ಕುಡಿಯುತ್ತಾರೆ. ಅಲ್ಲಿಗೆ ನಿಮ್ಮ ಪ್ರಯತ್ನವೂ ಫಲ ನೀಡುತ್ತದೆ.