ಪುಟ್ಟ ಕಂದಮ್ಮನಿಗೆ ನೀಡಬಾರದ ಆಹಾರಗಳಿವು!

Baby

oi-Reena

By Hema S

Updated: Tuesday, August 21, 2012, 16:34 [IST]

ಒಂದು ವರ್ಷಕ್ಕಿಂತ ಕೆಳಗಿನ ಮಕ್ಕಳಿಗೆ ತಾಯಿಯ ಹಾಲನ್ನು ಮಾತ್ರ ಕೊಡುವುದು ಒಳ್ಳೆಯದು. ಆದರೆ ಮಗುವಿಗೆ 3-4 ತಿಂಗಳು ಆಗುವಾಗ ತಾಯಿ ಹಾಲು ಸಾಕಾಗುವುದಿಲ್ಲ ಎಂದು ಇತರ ಆಹಾರ ಪದಾರ್ಥಗಳನ್ನು ಕೊಡಲು ಪ್ರಾರಂಭಿಸುತ್ತೇವೆ. ಆದರಲ್ಲೂ ಹಸುವಿನ ಹಾಲು, ಜೇನು, ಮೊಟ್ಟೆಯ ಬಿಳಿ, ಕಿತ್ತಳೆ ಹಣ್ಣು ಇವುಗಳನ್ನು ಕೊಡಬಾರದು. ಈ ವಸ್ತುಗಳನ್ನು ಏಕೆ ಕೊಡಬಾರದು ಎಂದು ತಿಳಿಯಲು ಮುಂದೆ ಓದಿ:

ಹಸುವಿನ ಹಾಲು: ಹಸುವಿನ ಹಾಲಿನಲ್ಲಿ ಅಧಿಕ ಪ್ರೊಟೀನ್ ಅಂಶವಿದ್ದು, ಒಂದು ವರ್ಷಕ್ಕಿಂತ ಚಿಕ್ಕ ಮಕ್ಕಳಿಗೆ ಈ ಹಾಲನ್ನು ಕರಗಿಸಿಕೊಳ್ಳುವ ಸಾಮರ್ಥ್ಯವಿರುವುದಿಲ್ಲ. ಆದ್ದರಿಂದ ಈ ಹಾಲನ್ನು ಕುಡಿದಾಗ ಅಜೀರ್ಣ, ಅಲರ್ಜಿ ಮುಂತಾದ ಸಮಸ್ಯೆಗಳು ಕಂಡುಬರುತ್ತದೆ. ಒಂದು ವೇಳೆ ಹಸುವಿನ ಹಾಲು ಕೊಡುವುದಾದರೂ ತುಂಬಾ ತೆಳ್ಳಗೆ ಮಾಡಿ ಕೊಡುವುದು ಒಳ್ಳೆಯುವುದು.

ಜೇನು: ಮಕ್ಕಳಿಗೆ ಕೆಮ್ಮು, ಶೀತ ಇರುವಾಗ ಮನೆಮದ್ದಾಗಿ ತುಳಸಿ ಕೊಡಬಹುದು, ಆದರೆ ಅದರ ಜೊತೆ ಜೇನು ಸೇರಿಸದಿರುವುದು ಒಳ್ಳೆಯದು. ಜೇನು ದೊಡ್ಡವರ ಆರೋಗ್ಯಕ್ಕೆ ಒಳ್ಳೆಯದಾದರೂ ಚಿಕ್ಕ ಮಗುವಿನ ಆರೋಗ್ಯಕ್ಕೆ ಒಳ್ಳೆಯದಲ್ಲ.

ಸಿಟ್ರಸ್ ಇರುವ ಆಹಾರ: ಸಿಟ್ರಸ್ ಇರುವ ಆಹಾರಗಳನ್ನು ತಿಂದರೆ ಅಜೀರ್ಣ ಸಮಸ್ಯೆ ಉಂಟಾಗುವುದು. ಆದ್ದರಿಂದ ಒಂದು ವರ್ಷಕ್ಕಿಂತ ಚಿಕ್ಕ ಮಕ್ಕಳಿಗೆ ಸಿಟ್ರಸ್ ಇರುವ ಆಹಾರವನ್ನು ಕೊಡದಿರುವುದು ಒಳ್ಳೆಯದು.

ಪೀನಟ್ ಬಟರ್ (Peanut butter): ಈ ಬೆಣ್ಣೆಯನ್ನು ಕೊಟ್ಟರೆ ಮಗುವಿಗೆ ಜೀರ್ಣ ಮಾಡಿಕೊಳ್ಳಲು ಕಷ್ಟವಾಗುತ್ತದೆ. ಇದರಿಂದ ವಾಂತಿ ಉಂಟಾಗಬಹುದು. ಆದ್ದರಿಂದ ಮಗುವಿನ ಈ ರೀತಿಯ ಆಹಾರ ಕೊಡಬೇಡಿ.

ಮೊಟ್ಟೆಯ ಬಿಳಿ: ಒಂದು ವರ್ಷಕ್ಕಿಂತ ಅಧಿಕ ವಯಸ್ಸಿನ ಮಕ್ಕಳಿಗೆ ಮೊಟ್ಟೆಯ ಬಿಳಿ ಕೊಡುವುದು ಆರೋಗ್ಯಕ್ಕೆ ಒಳ್ಳೆಯದು. ಆದರೆ ಒಂದು ವರ್ಷಕ್ಕಿಂತ ಚಿಕ್ಕ ಮಗುವಿಗೆ ಮೊಟ್ಟೆಯ ಬಿಳಿಯನ್ನು ಕರಗಿಸಿಕೊಳ್ಳುವ ಸಾಮರ್ಥ್ಯವಿರುವುದಿಲ್ಲ.

ಮಗುವಿಗೆ ತಾಯಿ ಹಾಲಿನಷ್ಟು ಪೌಷ್ಠಿಕ ಆಹಾರ ಮತ್ತೊಂದಿಲ್ಲ. ಒಂದು ವೇಳೆ ಹೊಟ್ಟೆ ತುಂಬದಿದ್ದರೆ ರಾಗಿಯಿಂದ ಹಿಟ್ಟು ಮಾಡಿ ಕೊಡಬಹುದು, ಯಾವುದೇ ಕಾರಣಕ್ಕೂ ಈ ಮೇಲಿನ ಆಹಾರವನ್ನು ಮಗುವಿಗೆ ಒಂದು ವರ್ಷ ತುಂಬುವವರೆಗೆ ಕೊಡದಿರುವುದು ಒಳ್ಳೆಯದು.