ಸಿಕ್ಸ್ ಪ್ಯಾಕ್ ಆಬ್ಸ್ ಬೇಕೇ? ಹಾಗಾದರೆ ಈ ಆಸ್ಪತ್ರೆಗೆ ಹೋಗಿ…

ಸಿನಿಮಾ ನಟರನ್ನು ನೋಡಿಕೊಂಡು ಅವರಂತೆ ನಮಗೂ ಕೂಡ ಸಿಕ್ಸ್ ಪ್ಯಾಕ್ ಆಬ್ಸ್ ಬರಬೇಕು ಎಂದು ಇಂದಿನ ಪ್ರತಿಯೊಬ್ಬ ಯುವಜನತೆಯ ಕನಸಾಗಿರುವುದು. ಇದರಲ್ಲಿ ಕೆಲವರು ಇದನ್ನು ಸಾಧಿಸಿ ತೋರಿಸುವರು. ತುಂಬಾ ಕಠಿಣ ಪರಿಶ್ರಮ ಹಾಗೂ ವ್ಯಾಯಾಮ, ಆಹಾರ ಕ್ರಮದಿಂದ ಸಿಕ್ಸ್ ಪ್ಯಾಕ್ ಆಬ್ಸ್ ಪಡೆಯಬಹುದು. ಆದರೆ ಇಲ್ಲೊಂದು ಆಸ್ಪತ್ರೆಯು ತನ್ನ ಗ್ರಾಹಕರಿಗೆ ತುಂಬಾ ಸುಲಭದಲ್ಲಿ ಸಿಕ್ಸ್ ಪ್ಯಾಕ್ ಆಬ್ಸ್ ತಯಾರಿಸಿ ಕೊಡುತ್ತಿದೆ. ಇದನ್ನು ನಂಬಲು ತುಂಬಾ ಕಷ್ಟ. ಎಷ್ಟೋ ತಿಂಗಳುಗಳ ಕಾಲ ಜಿಮ್ ನಲ್ಲಿ ಬೆವರಿಳಿಸಿದ ಬಳಿಕ ಸಿಕ್ಸ್ ಪ್ಯಾಕ್ ಆಬ್ಸ್ ಪಡೆಯಲು ಸಾಧ್ಯವಾಗುವುದು. ಆದರೆ ಆಸ್ಪತ್ರೆಯು ತಕ್ಷಣವೇ ಕೊಡುತ್ತಿದೆ ಎಂದರೆ ಆಗ ಖಂಡಿತವಾಗಿಯೂ ಅಚ್ಚರಿಯಾಗದೆ ಇರದು. ಈ ಬಗ್ಗೆ ನೀವು ತುಂಬಾ ವಿವರವಾಗಿ ತಿಳಿಯಿರಿ.

ಥಾಯ್ಲೆಂಡ್ ನ ಆಸ್ಪತ್ರೆಯಲ್ಲಿ ಈ ರೀತಿ ಸಿಕ್ಸ್ ಪ್ಯಾಕ್ ಆಬ್ಸ್ ನೀಡಲಾಗುತ್ತಿದೆ

ಥಾಯ್ಲೆಂಡ್ ನ ಬ್ಯಾಂಕಾಕ್ ಆಸ್ಪತ್ರೆಯಲ್ಲಿ ಈ ತುಂಬಾ ಅಪರೂಪದ ಸಿಕ್ಸ್ ಪ್ಯಾಕ್ ಆಬ್ಸ್ ನ್ನು ತಯಾರಿಸಿ ಕೊಡಲಾಗುತ್ತಿದೆ. ಪ್ಲಾಸ್ಟಿಕ್ ಸರ್ಜರಿ ಮೂಲಕವಾಗಿ ಇಲ್ಲಿ ಬೇಕಿರುವವರು ಸಿಕ್ಸ್ ಪ್ಯಾಕ್ ಆಬ್ಸ್ ಪಡೆದುಕೊಳ್ಳಬಹುದು.

ವಿಧಾನ

ವ್ಯಕ್ತಿಯ ದೇಹದಲ್ಲಿ ಇರುವಂತಹ ಸ್ವಲ್ಪ ಕೊಬ್ಬನ್ನು ತೆಗೆದು ಅದು ಸಿಕ್ಸ್ ಪ್ಯಾಕ್ ಆಬ್ಸ್ ನಂತೆ ಕಾಣುವಂತೆ ಮಾಡಲಾಗುವುದು. ಈ ಪ್ರಕ್ರಿಯೆಯಲ್ಲಿ ಯಾವುದೇ ರಿತಿಯ ಪ್ಲಾಸ್ಟಿಕ್ ಅಥವಾ ಸಿಲಿಕಾನ್ ನ್ನು ಬಳಸಲಾಗುವುದಿಲ್ಲ ಎಂದು ವೈದ್ಯರು ತಿಳಿಸಿದ್ದಾರೆ. ಲಿಪೊಸಕ್ಷನ್ ಶಸ್ತ್ರಚಿಕಿತ್ಸೆ ಮೂಲಕವಾಗಿ ಈ ಆಬ್ಸ್ ನ್ನು ತಯಾರಿಸಲಾಗುತ್ತದೆ ಎಂದು ವೈದ್ಯರು ಮಾಹಿತಿ ನೀಡಿದ್ದಾರೆ.

ಇದು ತುಂಬಾ ಜನಪ್ರಿಯವಾಗುತ್ತಲಿದೆ

ಈ ರೀತಿಯ ಶಸ್ತ್ರಚಿಕಿತ್ಸೆಯನ್ನು ಕಳೆದ 3-4 ವರ್ಷಗಳಿಂದ ಮಾಡಲಾಗುತ್ತದೆ ಎಂದು ವೈದ್ಯರು ತಿಳಿಸಿದ್ದಾರೆ. ಪ್ರತೀ ತಿಂಗಳು ಇಲ್ಲಿ ಸುಮಾರು 20-30 ಮಂದಿ ಬಂದು 6 ಪ್ಯಾಕ್ ಆಬ್ಸ್ ಮಾಡಿಕೊಂಡು ಹೋಗುತ್ತಾರಂತೆ ಮತ್ತು ಈಗ ಇದರ ಸಂಖ್ಯೆಯು ಹೆಚ್ಚಾಗುತ್ತಲಿದೆ.

ಇದು ತುಂಬಾ ಹಿಂದಿನ ವಿಧಾನ

ಈ ವಿಧಾನದ ಬಗ್ಗೆ ಮಾಹಿತಿ ನೀಡಿರುವಂತಹ ವೈದ್ಯರು, 1990ರಲ್ಲಿ ಇಂತಹ ಒಂದು ಶಸ್ತ್ರಚಿಕಿತ್ಸೆಯನ್ನು ಟೆಕ್ಸಾಸ್ ನ ಸರ್ಜನ್ ಗಳು ಮಾಡಿದ್ದರು. ತಮ್ಮದೇ ಆಗಿರುವಂತಹ ತಂತ್ರವನ್ನು ಪಾಲಿಸಿಕೊಂಡು ಹೋಗಲಾಗುತ್ತಿದೆ ಎಂದು ವೈದ್ಯರು ತಿಳಿಸಿರುವರು. ಎರಡರಿಂದ ನಾಲ್ಕು ಗಂಟೆಗಳ ಕಾಲ ನಡೆಯುವಂತಹ ಶಸ್ತ್ರಚಿಕಿತ್ಸೆಯು ಅಪಾಯಕಾರಿಯೂ ಅಲ್ಲ ಮತ್ತು ನೋವಿನಿಂದಲೂ ಕೂಡಿಲ್ಲ ಎಂದು ಹೇಳುತ್ತಾರೆ.ಇಂತಹ ಚಿಕಿತ್ಸೆಗೆ ಒಳಗಾಗಿ ನಿಮಗೆ ಕೂಡ ಸಿಕ್ಸ್ ಪ್ಯಾಕ್ ಆಬ್ಸ್ ಪಡೆಯಬೇಕೆಂದು ಆಸೆಯಾಗಿದೆಯಾ? ಹಾಗಾದರೆ ಕಮೆಂಟ್ ಬಾಕ್ಸ್ ನಲ್ಲಿ ಬರೆದು ತಿಳಿಸಿ.