ಹೀಗೂ ಉಂಟೇ? ಈ ಮಹಿಳೆಗೆ ಕೇವಲ ಪುರುಷರ ಧ್ವನಿ ಮಾತ್ರ ಕೇಳಿಸುವುದೇ ಇಲ್ಲವಂತೆ!

ಕೆಲವು ದಿನಗಳಿಂದ ಆಕೆ ಅನಾರೋಗ್ಯಕ್ಕೆ ತುತ್ತಾಗಿದ್ದಳು

ವರದಿಗಳು ಹೇಳುವ ಪ್ರಕಾರ, ಮಹಿಳೆ ಅಸ್ವಸ್ಥತೆಗೆ ಒಳಗಾದರು ಮತ್ತು ಆಕೆಗೆ ಕಳೆದ ಕೆಲವು ದಿನಗಳಿಂದ ತನ್ನ ಕಿವಿಯಲ್ಲಿ ಏನೋ ಒಂದು ರೀತಿಯ ಶಬ್ದ ಬರುತ್ತಿದೆ ಎಂದು ಅನಿಸುತ್ತಿತ್ತು. ಇದರ ಬಳಿಕ ಆಕೆಗೆ ಈ ಸಮಸ್ಯೆ ಕಾಡಿದೆ. ಆಕೆ ತೀರ ಒತ್ತಡಕ್ಕೆ ಒಳಗಾಗಿದ್ದರು ಮತ್ತು ತಡರಾತ್ರಿವರೆಗೆ ಕೆಲಸ ಮಾಡುತ್ತಲಿದ್ದರು ಹಾಗೂ ಸರಿಯಾಗಿ ನಿದ್ರೆ ಕೂಡ ಮಾಡುತ್ತಲಿರಲಿಲ್ಲ. ಒತ್ತಡದಿಂದಾಗಿ ಮುಂದಿನ ದಿನಗಳಲ್ಲಿ ತನ್ನ ದೇಹದ ಮೇಲೆ ಯಾವ ರೀತಿಯ ಪರಿಣಾಮವಾಗಬಹುದು ಎಂದು ಆಕೆಗೆ ಅನಿಸಿರಲೇ ಇಲ್ಲ.

ಆಕೆ ಬೆಳಗ್ಗೆ ನಿದ್ರೆಯಿಂದ ಎದ್ದಾಗ ಈ ಸ್ಥಿತಿ

ತುಂಬಾ ಒತ್ತಡಕ್ಕೆ ಒಳಗಾಗಿದ್ದ ಕಾರಣ ಮತ್ತು ನಿದ್ರೆ ಕೂಡ ಸರಿಯಾಗಿ ಮಾಡದೆ ಇರುವ ಕಾರಣದಿಂದಾಗಿ ಆಕೆಯ ಆರೋಗ್ಯದ ಮೇಲೆ ತೀವ್ರ ಪರಿಣಾಮ ಉಂಟಾಗಿತ್ತು ಮತ್ತು ಆಕೆಗೆ ತುಂಬಾ ಅಪರೂಪದ ಕಿವಿ ಕೇಳದ ಸಮಸ್ಯೆಯು ಕಾಡಿತ್ತು. ಆಕೆ ಬೆಳಗ್ಗೆ ಎದ್ದಳು ಮತ್ತು ತನ್ನ ಬಾಯ್ ಫ್ರೆಂಡ್ ಏನು ಮಾತನಾಡುತ್ತಿದ್ದಾನೆ ಎಂದು ಆಕೆಗೆ ಕೇಳಿಸುತ್ತಾ ಇರಲಿಲ್ಲ.

ವೈದ್ಯರಿಗೆ ಕೂಡ ಗೊಂದಲವಾಗಿತ್ತು

ಚೆನ್ ಇಎನ್ ಟಿ ತಜ್ಞರನ್ನು ಭೇಟಿಯಾದ ವೇಳೆ ಆಕೆಗೆ ವೈದ್ಯರ ಮಾತುಗಳು ಸರಿಯಾಗಿ ಕೇಳುತ್ತಲಿತ್ತು. ಆದರೆ ಪುರುಷ ರೋಗಿಗಳು ವೈದ್ಯರ ಕೋಣೆಗೆ ಪ್ರವೇಶ ಮಾಡಿದ ವೇಳೆ ಆಕೆಗೆ ಅವರು ಏನು ಮಾತನಾಡುತ್ತಿದ್ದರು ಎಂದು ಕೇಳುತ್ತಿರಲಿಲ್ಲ.

ಆಕೆಯ ಸ್ಥಿತಿ

ಮಹಿಳೆಯ ಪರಿಸ್ಥಿತಿ ಬಗ್ಗೆ ತುಂಬಾ ಗೊಂದಲಕ್ಕೆ ಒಳಗಾದ ವೈದ್ಯರು, ಆಕೆ `ರಿವರ್ಸ್ ಸ್ಲೊಪೆ ಹಿಯರಿಂಗ್ ಲಾಸ್' ಸಮಸ್ಯೆ ಎದುರಿಸುತ್ತಿದ್ದಾರೆ ಎಂದು ಕಂಡುಕೊಂಡರು. ಈ ಸಮಸ್ಯೆ ಇದ್ದರೆ ಆಕೆ ಕೇವಲ ಹೆಚ್ಚು ಆವರ್ತನದ ಶಬ್ದಗಳನ್ನು ಮಾತ್ರ ಕೇಳಬಲ್ಲರು. ಈ ಪರಿಸ್ಥಿತಿಯು 13 ಸಾವಿರದಲ್ಲಿ ಒಬ್ಬರಿಗೆ ಮಾತ್ರ ಬರುವುದು ಮತ್ತು ಇದರಿಂದ ಸಂಪೂರ್ಣವಾಗಿ ಚೇತರಿಸಿಕೊಳ್ಳಬಹುದಾಗಿದೆ. ಈ ಬಗ್ಗೆ ನಿಮ್ಮ ಅನಿಸಿಕೆ ಏನು? ನಿಮ್ಮ ಅಭಿಪ್ರಾಯಗಳನ್ನು ಕಮೆಂಟ್ ಬಾಕ್ಸ್ ಗೆ ಹಾಕಿ.