ಬ್ಯಾಗೇಜ್ ಸ್ಕ್ಯಾನರ್ ನೊಳಗೆ ಹೋದ ವ್ಯಕ್ತಿ-ವಿಡಿಯೋ ವೈರಲ್!

ಕೆಲವರಿಗೆ ಇಂದಿನ ದಿನಗಳಲ್ಲಿ ಬಂದಿರುವಂತಹ ಆಧುನಿಕ ಯಂತ್ರಗಳು ಹಾಗೂ ಇನ್ನಿತ ತಂತ್ರಜ್ಞಾನಗಳ ಬಗ್ಗೆ ತಿಳಿದಿರುವುದಿಲ್ಲ. ಹೀಗಾಗಿ ಕೆಲವರು ಇಂತಹ ಯಂತ್ರಗಳ ಮುಂದೆ ಪೇಚಿಗೆ ಸಿಲುಕುವರು. ಇದನ್ನು ಕಂಡು ಗೊಂದಲದಿಂದಾಗಿ ಏನೇನೋ ಮಾಡುವರು. ಕೆಲವೊಂದು ಸಲ ಇದರಿಂದ ಅನಾಹುತಗಳು ಕೂಡ ಸಂಭವಿಸಬಹುದು. ಆದರೆ ಈ ಲೇಖನದಲ್ಲಿ ನಾವು ನಿಮಗೆ ವ್ಯಕ್ತಿಯೊಬ್ಬ ಎಕ್ಸ್ ರೇ ಯಂತ್ರದ ಒಳಗೆ ಹೋಗಿ ಬಂದಿರುವ ಬಗ್ಗೆ ಹೇಳಲಿದ್ದೇವೆ.

ಈ ಘಟನೆಯು ನಿಮಗೆ ಅಚ್ಚರಿ ಉಂಟು ಮಾಡಬಹುದು. ಆದರೆ ಈ ಮುಗ್ದ ವ್ಯಕ್ತಿ ಏನೂ ತಿಳಿಯದೆ ವಿಮಾನ ನಿಲ್ದಾಣದಲ್ಲಿ ಎಕ್ಸ್ ರೇ ಯಂತ್ರದ ಒಳಗಡೆ ಹೋಗಿ ಬಂದಿದ್ದಾನೆ. ರಷ್ಯಾದ ಪ್ರವಾಸಿಗನೊಬ್ಬ ತನ್ನ ಬ್ಯಾಗ್ ಗಳ ಜತೆಗೆ ಎಕ್ಸ್ ರೇ ಸ್ಕ್ಯಾನರ್ ನ ಒಳಗಡೆ ಹೋಗಿದ್ದಾನೆ. ಈ ವಿಡಿಯೋದಲ್ಲಿ ಆತ ಎಷ್ಟರ ಮಟ್ಟಿಗೆ ಗೊಂದಲಕ್ಕೆ ಒಳಗಾಗಿದ್ದಾನೆ ಎಂದು ತಿಳಿಯಬಹುದು. ಯಾಕೆಂದರೆ ಈ ಸ್ಕ್ಯಾನರ್ ಹೇಗೆ ಕೆಲಸ ಮಾಡುತ್ತಿದೆ ಎಂದೇ ಆತನಿಗೆ ತಿಳಿದಿಲ್ಲ. ಮೆಟಲ್ ಡಿಟೆಕ್ಟರ್ ನಲ್ಲಿ ಹಾದು ಹೋದ ಬಳಿಕ ಆತನಿಗೆ ಸ್ವಲ್ಪ ಗೊಂದಲವಾಗಿದೆ.

ಯುವಕನು ಇದು ಕೂಡ ಮೆಟಲ್ ಡಿಟೆಕ್ಟರ್ ಎಂದು ಅನಿಸಿ ನೇರವಾಗಿ ಬ್ಯಾಗೇಜ್ ಸ್ಕ್ಯಾನರ್ ನ ಒಳಗಡೆ ಪ್ರವೇಶಿಸಿದ್ದಾನೆ. ಕೆಲವೇ ಸೆಕೆಂಡುಗಳಲ್ಲಿ ಆತ ಅದರಿಂದ ಹೊರಗೆ ಬಂದಿದ್ದಾನೆ. ಈ ವಿಡಿಯೋದಲ್ಲಿ ಕಾಣಿಸುತ್ತಿರುವಂತೆ ಅಲ್ಲಿನ ಭದ್ರತಾ ಅಧಿಕಾರಿಗಳು ವ್ಯಕ್ತಿಯು ಸ್ಕ್ಯಾನರ್ ನಿಂದ ಹೊರಗೆ ಬರುವುದನ್ನು ನೋಡಿ ಆಘಾತಕ್ಕೆ ಒಳಗಾಗಿದ್ದಾರೆ. ಈ ವಿಡಿಯೋ ಈಗ ತುಂಬಾ ವೈರಲ್ ಆಗಿದೆ. ಇದನ್ನು ನೀವು ಕೂಡ ನೋಡಿ.