ಅಚ್ಚರಿಯ ಜಗತ್ತು: ಸ್ಟ್ರಾಬೆರಿಯಂತೆ ಕಾಣಿಸುವ ಮಹಿಳೆಯ ಒಸಡುಗಳು!!

Add as a preferred source on Google

ಕೆಲವೊಂದು ರೋಗಗಳು ಹಾಗೂ ಕಾಯಿಲೆಗಳು ಅದು ತೀವ್ರ ಸ್ವರೂಪ ಪಡೆಯುವ ತನಕ ಯಾವುದೇ ರೀತಿಯ ಲಕ್ಷಣಗಳನ್ನು ತೋರಿಸುವುದಿಲ್ಲ. ಅದರಲ್ಲೂ ನಾವು ಹೆಚ್ಚಾಗಿ ಕಡೆಗಣಿಸುವಂತಹ ಬಾಯಿಯ ಆರೋಗ್ಯವು ದೊಡ್ಡ ಮಟ್ಟದ ಸಮಸ್ಯೆಯನ್ನು ಉಂಟು ಮಾಡಬಲ್ಲದು. ಇಲ್ಲೊಬ್ಬರ ಮಹಿಳೆಯ ಒಸಡುಗಳು ಸ್ಟ್ರಾಬೆರಿ ರೂಪಕ್ಕೆ ತಿರುಗಿದ ಬಳಿಕ ಆಕೆ ಇದನ್ನು ವೈದ್ಯರ ಬಳಿಗೆ ತೋರಿಸಲು ಹೋಗಿದ್ದಾರೆ. ಪ್ರತಿರೋಧಕ ವ್ಯವಸ್ಥೆಯು ರಕ್ತನಾಳಗಳ ಮೇಲೆ ದಾಳಿ ಮಾಡುವುದು ಮತ್ತು ಅದು ಒಸಡುಗಳು ಸ್ಟ್ರಾಬೆರಿಯಂತೆ ಕಾಣುವಂತೆ ಮಾಡಿದೆ. ಈ ಪರಿಸ್ಥಿತಿ ಬಗ್ಗೆ ನೀವು ಮತ್ತಷ್ಟು ತಿಳಿಯಿರಿ.

ವರದಿಗಳ ಪ್ರಕಾರ ಮಹಿಳೆಯ ಒಸಡುಗಳು ಸ್ಟ್ರಾಬೆರಿಯಂತೆ ಆಗಿರುವ ಪರಿಣಾಮದಿಂದಾಗಿ ಹಲ್ಲುಗಳು ಅದರೊಳಗೆ ಸಿಲುಕಿಕೊಂಡಿದೆ. ಮಹಿಳೆಯ ಗುರುತನ್ನು ಇಲ್ಲಿ ಗೌಪ್ಯವಾಗಿ ಇಡಲಾಗಿದೆ. ಆದರೆ ಈ ಸಮಸ್ಯೆಯು ಸುಮಾರು ಆರು ವಾರಗಳ ಮೊದಲು ಕಾಣಿಸಿಕೊಂಡಿದೆ ಎಂದು ಮಹಿಳೆಯರು ವೈದ್ಯರಿಗೆ ತಿಳಿಸಿರುವರು. ತನ್ನ ಪರಿಸ್ಥಿತಿ ಬಗ್ಗೆ ಮತ್ತಷ್ಟು ವಿವರಣೆ ನೀಡಿರುವ ಈ ಮಹಿಳೆಯು, ತನಗೆ ಮೂಗಿನಲ್ಲಿ ರಕ್ತವು ಕಂಡುಬಂದಿದೆ ಮತ್ತು ಮುಖದ ಮೇಲೆ ಮೂಡಿರುವಂತಹ ಬೊಕ್ಕೆಗಳಿಂದಾಗಿ ಅದು ಚರ್ಮವನ್ನು ತಿಂದು ಹಾಕಿದಂತೆ ಕಾಣಿಸುತ್ತಿದೆ. ವೈದ್ಯರು ಮಹಿಳೆಯ ಈ ಪರಿಸ್ಥಿತಿಯನ್ನು "ಸ್ಟ್ರಾಬೆರಿ ಜಿಂಜಿವಿಟಿಸ್''ಎಂದು ಗುರುತಿಸಿದ್ದಾರೆ.

ಈ ಪರಿಸ್ಥಿತಿಯ ವೈದ್ಯಕೀಯ ಹೆಸರು ಗ್ರ್ಯಾನುಲೋಮಾಟೋಸಿಸ್ ವಿತ್ ಪಾಲಿಯಾಂಗೈಟಿಸ್ ಎನ್ನುವುದಾಗಿದೆ. ಇದು ತುಂಬಾ ಅಪರೂಪದ ಕಾಯಿಲೆಯಾಗಿದ್ದು, ಇಲ್ಲಿ ಪ್ರತಿರೋಧಕ ವ್ಯವಸ್ಥೆಯು ರಕ್ತನಾಳಗಳ ಮೇಲೆ ದಾಳಿ ಮಾಡುವುದು. ವೈದ್ಯರು ಪ್ರತಿರೋಧಕ ವ್ಯವಸ್ಥೆ ಮತ್ತು ಉರಿಯೂತಕ್ಕೆ ಔಷಧಿಯನ್ನು ನೀಡಿದ್ದಾರೆ. ಆದರೆ ಈ ರೋಗವು ಒಂದು ರಹಸ್ಯವಾಗಿಯೇ ಉಳಿದುಕೊಂಡಿದೆ. ಯಾಕೆಂದರೆ ಮಹಿಳೆಯು ಮರಳಿ ಚಿಕಿತ್ಸೆಗೆ ಬರಲೇ ಇಲ್ಲ. ಈ ಪರಿಸ್ಥಿತಿ ಬಗ್ಗೆ ನಿಮ್ಮ ಅನಿಸಿಕೆ ಏನು? ನಿಮ್ಮ ಅಭಿಪ್ರಾಯ ಕಮೆಂಟ್ ಬಾಕ್ಸ್ ಗೆ ಹಾಕಿ.