ವಿದೇಶದಲ್ಲಿ ನೌಕರಿ ಮಾಡುವ ಇಚ್ಛೆಯೆ? ಜ್ಯೋತಿಷ್ಯದ ಈ ನಿಯಮಗಳನ್ನು ಪಾಲಿಸಿ..

ದುರ್ಗಾ ಸಪ್ತಶತಿ ಅಧ್ಯಾಯ ಪಠಣದಿಂದ ಇಷ್ಟಾರ್ಥ ಸಿದ್ಧಿ

ದುರ್ಗಾ ಸಪ್ತಶತಿ ಅಧ್ಯಾಯದ ಪಠಣದಿಂದ ವಿದೇಶದಲ್ಲಿ ನೌಕರಿ ಪಡೆಯುವುದು, ಉತ್ತಮ ಭವಿಷ್ಯ ರೂಪಿಸಿಕೊಳ್ಳುವುದು ಸುಲಭವಾಗುತ್ತದೆ ಎಂಬ ನಂಬಿಕೆ ಬಹಳ ಹಿಂದಿನ ಕಾಲದಿಂದಲೂ ಬೆಳೆದು ಬಂದಿದೆ. ದುರ್ಗಾ ಸಪ್ತಶತಿಯ ಹನ್ನೊಂದನೆ ಹಾಗೂ ಮೊದಲನೆಯ ಅಧ್ಯಾಯಗಳ ನಿಯಮಿತ ಪಠಣದಿಂದ ವಿದೇಶಕ್ಕೆ ಹೋಗುವ ದಾರಿ ಸುಗಮವಾಗಿ ನಿಮ್ಮೆಲ್ಲ ಇಷ್ಟಾರ್ಥಗಳು ಸಿದ್ಧಿಸುತ್ತವೆ ಎಂಬ ನಂಬಿಕೆ ಬಲವಾಗಿದೆ. ದುರ್ಗಾ ಸಪ್ತಶತಿ ಅಧ್ಯಾಯ ಪಠಣದಿಂದ ಜೀವನದಲ್ಲಿ ರಾಹು ಗ್ರಹದ ನಕಾರಾತ್ಮಕ ಹಾಗೂ ಕೆಟ್ಟ ಪರಿಣಾಮಗಳ ನಿವಾರಣೆಯಾಗಿ ಉತ್ತಮ ಗ್ರಹಗತಿ ಆರಂಭವಾಗಲು ದಾರಿಯಾಗುತ್ತದೆ. ದುರ್ಗಾ ಸಪ್ತಶತಿಯನ್ನು ಪಠಣ ಮಾಡಿದಾಗಲೆಲ್ಲ ಕಾಸ್ಮಿಕ್ ಕಂಪನಗಳು ಅವಿರ್ಭವಿಸುವುದರಿಂದ ವಿದೇಶ ಪ್ರಯಾಣ ಮತ್ತಷ್ಟು ಸುಲಭವಾಗುತ್ತದೆ ಎಂಬ ಸಿದ್ಧಾಂತ ಇದರ ಹಿಂದಿದೆ. ಪ್ರತಿನಿತ್ಯ 1800 ಬಾರಿ ಈ ಮಂತ್ರ ಪಠಣದಿಂದ ಅತ್ಯುತ್ತಮ ಸಕಾರಾತ್ಮಕ ಪರಿಣಾಮಗಳನ್ನು ಕಾಣಬಹುದಾಗಿದೆ.

ರಾಹು ಸ್ತೋತ್ರದ ಪಠಣದಿಂದ ಅನಕೂಲಗಳು ಹಲವಾರು

ವಿದೇಶದಲ್ಲಿ ಕೆಲಸ ಸಂಪಾದಿಸಲು ರಾಹು ಸ್ತೋತ್ರದ ಪಠಣ ಮಾಡುವುದು ಅತ್ಯಂತ ಉತ್ತಮ ಎಂದು ಜ್ಯೋತಿಷ್ಯ ಶಾಸ್ತ್ರದಲ್ಲಿ ತಿಳಿಸಲಾಗಿದೆ. ನಿಯಮಿತವಾಗಿ ರಾಹು ಸ್ತೋತ್ರ ಪಠಣ ಮಾಡುತ್ತಿದ್ದಲ್ಲಿ ರಾಹುವಿನ ಕೆಟ್ಟ ಪರಿಣಾಮಗಳು ಉತ್ತಮ ಪರಿಣಾಮಗಳಾಗಿ ಬದಲಾಗುತ್ತವೆ. ಇದರಿಂದ ಸಾಗರದಾಚೆಯ ದೇಶದಲ್ಲಿ ನೌಕರಿ ಹಿಡಿಯುವುದು ಹಾಗೂ ಅಲ್ಲಿಯೇ ಜೀವನ ಕಂಡುಕೊಳ್ಳುವುದು ಸುಲಭವಾಗುತ್ತದೆ.

8 ಮುಖದ ರುದ್ರಾಕ್ಷಿ ಧರಿಸಿದರೆ ಅದೃಷ್ಟ ಪ್ರಾಪ್ತಿ

ಯಾರಿಗೆ ಗ್ರಹಗತಿಯಲ್ಲಿ ರಾಹುವಿನ ವಕ್ರ ದೃಷ್ಟಿ ಇರುತ್ತದೆಯೋ ಅಂಥವರು 8 ಮುಖದ ರುದ್ರಾಕ್ಷಿ ಧಾರಣೆ ಮಾಡಿದಲ್ಲಿ ರಾಹುವಿನ ಕೆಟ್ಟ ದೃಷ್ಟಿಯಿಂದಾಗ ಬಹುದಾದ ನಕಾರಾತ್ಮಕ ಪರಿಣಾಮಗಳನ್ನು ತಡೆಯಲು ಸಾಧ್ಯ ಎಂದು ಜ್ಯೋತಿಷ್ಯ ಶಾಸ್ತ್ರದ ಗ್ರಂಥಗಳಲ್ಲಿ ವಿವರಿಸಲಾಗಿದೆ. 8 ಮುಖದ ರುದ್ರಾಕ್ಷಿ ಧರಿಸುವುದರಿಂದ ಜೀವನದಲ್ಲಿ ನೆಮ್ಮದಿ, ಸಂತೋಷ, ಸಮೃದ್ಧಿ ಹಾಗೂ ಸಂಬಂಧಗಳಲ್ಲಿನ ಬಾಂಧವ್ಯ ವೃದ್ಧಿಸಿ ಒಟ್ಟಾರೆ ಜೀವನ ಸುಖಮಯವಾಗುತ್ತದೆ. ಅಲ್ಲದೆ ಇದು ರಾಹುವಿನ ಕಾರಣದಿಂದ ವಿದೇಶದಲ್ಲಿ ನೌಕರಿ ಸಿಗುವುದಕ್ಕೆ ಅಡ್ಡಿಯಾಗುವ ಕಾರಣಗಳನ್ನು ಸಂಪೂರ್ಣವಾಗಿ ನಿವಾರಿಸಿ ಬೇಗನೆ ವಿದೇಶದಲ್ಲಿ ಸೆಟ್ಲ ಆಗಲು ಸಹಾಯ ಮಾಡುತ್ತದೆ.

ಗೋಮೇದಕ ರತ್ನದ ಹರಳು ಧರಿಸಿ

ಪಚ್ಚೆಕಲ್ಲು ಅಥವಾ ರತ್ನದ ಹರಳು ಧರಿಸುವಿಕೆಯಿಂದ ರಾಹುವಿನ ಎಲ್ಲ ಉತ್ತಮ ಅಂಶಗಳನ್ನು ನಿಮ್ಮತ್ತ ಸೆಳೆಯಬಹುದು ಎಂದು ಜ್ಯೋತಿಷ್ಯಶಾಸ್ತ್ರದಲ್ಲಿ ಹೇಳಲಾಗಿದೆ. ಗೋಮೇದಕ ರತ್ನದ ಹರಳಿನ ಧಾರಣೆಯಿಂದ ವಿದೇಶದಲ್ಲಿ ನೌಕರಿಯನ್ನು ಪಡೆಯುವ ಹಾಗೂ ಅಲ್ಲಿಯೆ ನೆಲೆಸುವ ನಿಮ್ಮ ಪ್ರಯತ್ನಗಳು ಬಹು ಬೇಗನೆ ಕೈಗೂಡುತ್ತವೆ. ಆದರೆ ನಿಮ್ಮ ಜಾತಕಕ್ಕೆ ಅನುಗುಣವಾಗಿ ಎಷ್ಟು ಗಾತ್ರದ ಹರಳು ಧರಿಸುವುದು ಸೂಕ್ತ ಎಂಬುದನ್ನು ಜ್ಯೋತಿಷ್ಯ ಪರಿಣಿತರಿಂದ ಕೇಳಿ ಸಲಹೆ ಪಡೆದುಕೊಂಡೇ ಮುಂದುವರಿಯುವುದು ಸೂಕ್ತ.

ಶನಿವಾರ ಉಪವಾಸ ವ್ರತ ಮಾಡುವುದು ಲಾಭಕರ

ವಿದೇಶದಲ್ಲಿ ನೌಕರಿ ಪಡೆಯುವಿಕೆಗೆ ನೆರವಾಗುವಂಥ ಜ್ಯೋತಿಷ್ಯ ಶಾಸ್ತ್ರದ ಮತ್ತೊಂದು ವಿಧಾನವೆಂದರೆ ಶನಿವಾರದ ದಿನ ಉಪವಾಸ ವ್ರತ ಕೈಗೊಳ್ಳು ವುದಾಗಿದೆ. ಬೇರೆ ಗ್ರಹವಾದ ರಾಹುವಿನ ಉತ್ತಮ ಪರಿಣಾಮಗಳನ್ನು ಪಡೆಯಲು ಶನಿವಾರದ ಉಪವಾಸ ವ್ರತ ಉತ್ತಮವಾಗಿದೆ. ವಿದೇಶದ ಎಲ್ಲ ವ್ಯವಹಾರಗಳನ್ನು ರಾಹು ಗ್ರಹನೇ ನೋಡಿಕೊಳ್ಳುವುದರಿಂದ ಮೊದಲಿಗೆ ಆತನನ್ನು ಸಂಪ್ರೀತಿ ಪಡಿಸಿದಲ್ಲಿ ವಿದೇಶ ಪ್ರಯಾಣ, ವಿದೇಶದಲ್ಲಿ ನೌಕರಿ, ಅಲ್ಲಿಯೇ ಸೆಟ್ಲ ಆಗುವುದು ಹೀಗೆ ಬಯಸಿದ ಎಲ್ಲ ಕೆಲಸಗಳಿಗೆ ವೇಗ ದೊರಕುವುದು.

ಕಷ್ಟದಲ್ಲಿರುವವರಿಗೆ, ಬಡವರಿಗೆ ನೆರವಿನ ಹಸ್ತ ಚಾಚಿ

ಬಡವರು ಹಾಗೂ ಕಷ್ಟದಲ್ಲಿರುವವರಿಗೆ ಸಹಾಯ ಹಸ್ತ ಚಾಚಿದರೆ ರಾಹುವಿನ ಎಲ್ಲ ಕೆಟ್ಟ ದೃಷ್ಟಿಯಿಂದ ಪಾರಾಗಬಹುದಾಗಿದೆ. ಬಡವರಿಗೆ ಅವರ ದೈನಂದಿನ ಜೀವನಕ್ಕೆ ಬೇಕಾದ ಬಟ್ಟೆ ಬರೆ, ಆಹಾರ ಹಾಗೂ ಇನ್ನಿತರ ವಸ್ತುಗಳನ್ನು ದಾನ ಮಾಡಿದಲ್ಲಿ ರಾಹು ಸಂತೃಪ್ತನಾಗುತ್ತಾನೆ. ಹಾಗೆಯೇ ಯಾವುದೇ ಕಷ್ಟದಲ್ಲಿರುವವರಿಗೆ ಸಹಾಯ ಮಾಡುವುದರಿಂದ ಸಹ ರಾಹುವನ್ನು ಒಲಿಸಿಕೊಳ್ಳಬಹುದು.

ಕಾಲಭೈರವ ಅಷ್ಟಕ ಸ್ತೋತ್ರ ಪಠಣದಿಂದ ಹಲವಾರು ಪ್ರಯೋಜನಗಳು

ನಿಮ್ಮ ಗ್ರಹಗತಿಯಲ್ಲಿರುವ ರಾಹುವಿನ ವಕ್ರದೃಷ್ಟಿಯ ಎಲ್ಲ ಕೆಟ್ಟ ಪರಿಣಾಮಗಳನ್ನು ದೂರ ಮಾಡಲು ನೀವು ಬಯಸುವಿರಾದರೆ ಈ ವಿಧಾನವನ್ನು ಖಂಡಿತವಾಗಿಯೂ ಅನುಸರಿಸಬೇಕು. ಕಾಲಭೈರವ ಅಷ್ಟಕ ಸ್ತೋತ್ರದ ನಿತ್ಯ ಪಠಣದಿಂದ ರಾಹು ಮಹಾದಶಾ ಕಾಲದ ಎಲ್ಲ ಕೆಟ್ಟ ಪರಿಣಾಮಗಳನ್ನು ದೂರ ಮಾಡಬಹುದಾಗಿದೆ. ಇದರ ನಿಯಮಿತ ಪಠಣದಿಂದ ನಿಮ್ಮ ವ್ಯಕ್ತಿತ್ವಕ್ಕೆ ಅಂಟಿರುವ ಎಲ್ಲ ನಕಾರಾತ್ಮಕ ಅಂಶಗಳು ನಿವಾರಣೆಯಾಗಿ ತೇಜಸ್ಸು ಮೂಡುತ್ತದೆ. ಇದರಿಂದ ಸಹಜವಾಗಿಯೇ ವಿದೇಶದಲ್ಲಿ ಕೆಲಸ ಗಳಿಸುವ ಹಾಗೂ ಶಾಶ್ವತವಾಗಿ ಅಲ್ಲಿಯೇ ನೆಲೆಸುವ ಸಾಧ್ಯತೆಗಳು ಹೆಚ್ಚಾಗುತ್ತವೆ.