ಪ್ರೇತವಿವಾಹ ಸಂಪ್ರದಾಯ! ಇಲ್ಲಿ ಸತ್ತ ಮಕ್ಕಳಿಗೂ ಮದುವೆ ಮಾಡಿಸುತ್ತಾರೆ!!

By: Arshad
Subscribe to Boldsky

ಈ ವಿಶ್ವದಲ್ಲಿರುವ ಕೆಲವು ವಿಚಿತ್ರ ಸಂಪ್ರದಾಯಗಳು ನಂಬಲಿಕ್ಕೇ ಕಷ್ಟವಾಗಿವೆ. ಕೆಲವಂತೂ ಮಾನವತೆಯನ್ನೇ ಅಪಹಾಸ್ಯಕ್ಕೆ ಗುರಿಯಾಗಿಸುತ್ತಿವೆ. ನಮ್ಮ ಭಾರತದಲ್ಲಿಯೇ ನಡೆಯುವ ಅಮಾನವೀಯ ಸಂಪ್ರದಾಯಗಳಾದ ಯುವತಿಯನ್ನು ಕಪ್ಪೆ, ನಾಯಿಗೆ ಮದುವೆ ಮಾಡಿಕೊಡುವುದು ಇತ್ಯಾದಿ.

ಹೀಗೆ ಮಾಡಿದರೆ ಊರಿಗೆ ಒಳ್ಳೆಯದಾಗುತ್ತದೆ, ಮಾರಿಯನ್ನು ದೂರ ಮಾಡಲು ಹೀಗೆ ಮಾಡಲೇಬೇಕು ಎಂದೆಲ್ಲಾ ಕಪಟವಾಡುವ ಕಳ್ಳ ಸಾಧು ಬಾಬಾಗಳೂ ನಮ್ಮ ಭಾರತದಲ್ಲಿಯೇ ಬೇಕಾದಷ್ಟಿದ್ದಾರೆ. ಆದರೆ ಊರಿಗೆ ಒಳ್ಳೆಯದು ಮಾಡಲು ಹೋಗಿ ಈ ಮುಗ್ಧ ಯುವತಿಯರು ತಮ್ಮ ಜೀವನವನ್ನೇ ನರಕವಾಗಿಸಬೇಕಾಗುತ್ತದೆ. ಇಂತಹ ಇನ್ನೊಂದು ಬೆಚ್ಚಿ ಬೀಳಿಸುವಂತಹ ಇನ್ನೊಂದು ಸಂಪ್ರದಾಯವೂ ನಮ್ಮ ಭಾರತದಲ್ಲಿಯೇ ಇದೆ. ಅದೇ ಪ್ರೇತಕಲ್ಯಾಣಂ ಅಥವಾ ಭೂತಗಳ ಮದುವೆ. ಈ ವಿವಾಹದಲ್ಲಿ ಪ್ರಾಪ್ತ ವಯಸ್ಸಿಗೂ ಮುನ್ನವೇ ಗತಿಸಿದ ಮಕ್ಕಳ ಆತ್ಮಗಳಿಗೂ ಕಂಕಣಬಲ ಒದಗಿಸಲಾಗುತ್ತದೆ. ಬನ್ನಿ, ಏನಿದು ಕಥೆ? ಮುಂದೆ ಓದಿ.. 

ಜಾತಕವನ್ನೂ ನೋಡಲಾಗುತ್ತದೆ

ಜಾತಕವನ್ನೂ ನೋಡಲಾಗುತ್ತದೆ

ಇತರ ವಿವಾಹಗಳಂತೆಯೇ ಈ ವಿವಾಹದಲ್ಲಿಯೂ ಗಂಡು ಹೆಣ್ಣಿನ ಜಾತಕಗಳನ್ನು ಪರಿಶೀಲಿಸಿ ಎಲ್ಲಾ ಗುಣಗಳು ಹೊಂದುತ್ತವೆಯೇ, ವಿವಾಹವಾಗಲು ಯಾವುದೇ ಅಡ್ಡಿಯಿಲ್ಲವೇ ಎಂಬುದನ್ನು ಪರಿಶೀಲಿಸಲಾಗುತ್ತದೆ. ಒಪ್ಪಿಗೆ ದೊರೆತ ಬಳಿಕ ಗಂಡುಹೆಣ್ಣಿನ ಗೊಂಬೆಗಳನ್ನು ಸಾಂಕೇತಿಕವಾಗಿ ಪ್ರತಿನಿಧಿಸಿ ಮದುವೆಯನ್ನು ನಡೆಸಲಾಗುತ್ತದೆ.

ಭಾರತದಲ್ಲಿ ಹೀಗೂ ಮದುವೆಗಳು ನಡೆಯುತ್ತವೆ! ನಂಬಲೇಬೇಕು!!

ಇತರ ಮದುವೆಗಳಂತೆಯೇ ಇದೂ ನಡೆಯುತ್ತದೆ

ಇತರ ಮದುವೆಗಳಂತೆಯೇ ಇದೂ ನಡೆಯುತ್ತದೆ

ಇಲ್ಲಿ ವಧೂ ವರರು ಜೀವಂತವಾಗಿಲ್ಲ ಎಂಬ ಒಂದೇ ಕಾರಣದ ಹೊರತಾಗಿ ಇತರ ಎಲ್ಲಾ ಸಂಪ್ರದಾಯಗಳು, ಊಟ, ಉಪಚಾರ ಮೊದಲಾದವು ಉಳಿದ ಮದುವೆಗಳಂತೆಯೇ ಇರುತ್ತದೆ. ವಧು ಗೊಂಬೆಯ ಕೊರಳಿಗೆ ಮಂಗಳಸೂತ್ರ ಧರಿಸುವುದು, ವಧೂವರರು ಪರಸ್ಪರ ಹೂವಿನ ಹಾರ ಹಾಕುವುದು ಇತ್ಯಾದಿ, ಕೊನೆಯಲ್ಲಿ ಗಡದ್ದು ಕೇರಳ ಬಾಳೆ ಎಲೆ ಊಟವನ್ನು ಎಲ್ಲರೂ ಸವಿಯುತ್ತಾರೆ.

ಈ ಸಂಪ್ರದಾಯ ಪ್ರಾರಂಭವಾಗಿದ್ದಾದರೂ ಹೇಗೆ?

ಈ ಸಂಪ್ರದಾಯ ಪ್ರಾರಂಭವಾಗಿದ್ದಾದರೂ ಹೇಗೆ?

ಮೂಲಗಳ ಪ್ರಕಾರ ಒಂದು ವೇಳೆ ಗರ್ಭಾಪಾತದ ಮೂಲಕ ಗರ್ಭದಲ್ಲಿರುವ ಮಗು ಜಗತ್ತಿನಲ್ಲಿ ಕಣ್ಣು ಬಿಡುವುದಕ್ಕೂ ಮುನ್ನವೇ ಗತಿಸಿದರೆ ಅಥವಾ ಹದಿನೆಂಟು ತುಂಬುವ ಮುನ್ನವೇ ಮಕ್ಕಳು ಗತಿಸಿದರೆ ಈ ಮಕ್ಕಳಿಗೂ ನ್ಯಾಯಯುತ ಮದುವೆ ಮಾಡಬೇಕಾಗುತ್ತದೆ. ಇಲ್ಲದಿದ್ದರೆ ಕುಟುಂಬಕ್ಕೆ ಅಥವಾ ಈ ಕುಟುಂಬದ ಸದಸ್ಯರಿಗೆ ಹಾಗೂ ಅವರ ಮಕ್ಕಳಿಗೂ ಮುಂದೆ ತೊಂದರೆಯುಂಟಾಗಬಹುದೆಂದು ಜೋತಿಷ್ಯಾಸ್ತ್ರಜ್ಞರು ಈ ಮಕ್ಕಳಿಗೂ ಮದುವೆ ಮಾಡಿಸಲು ಸಲಹೆ ಮಾಡುತ್ತಾರೆ. ಎಂದಿನಿಂದ ಪ್ರಾರಂಭವಾಯಿತು ಎಂಬ ಖಚಿತ ಮಾಹಿತಿ ಇಲ್ಲ.

ಗತಿಸಿದ ಮಕ್ಕಳಿಗೂ ಕಂಕಣಭಾಗ್ಯ!

ಗತಿಸಿದ ಮಕ್ಕಳಿಗೂ ಕಂಕಣಭಾಗ್ಯ!

ಒಮ್ಮೆ ವಿವಾಹದ ದಿನಾಂಕ ನಿಗದಿಯಾದ ಬಳಿಕ ಎರಡೂ ಕುಟುಂಬದ ಹಿರಿಯರು ಜಗತ್ತಿನ ಸುಖದಿಂದ ವಂಚಿತರಾದ ತಮ್ಮ ಮಕ್ಕಳು ಮರಣಾನಂತರವಾದರೂ ಸುಖಕರ ಜೀವನ ನಡೆಸಲಿ ಎಂದು ಹಾರೈಸಿ ಈ ವಿವಾಹವನ್ನು ನಡೆಸಿಕೊಡುತ್ತಾರೆ. ಈ ವಿವಾಹವನ್ನು ಮಾಡಿಕೊಡುವ ಮೂಲಕ ತಮ್ಮ ಗತಿಸಿದ ಮಕ್ಕಳ ಆತ್ಮಕ್ಕೆ ಶಾಂತಿ ದೊರಕುತ್ತದೆ ಎಂದು ಭಾವಿಸಲಾಗಿದೆ.

ಕುಟುಂಬದವರ ನಂಬಿಕೆ

ಕುಟುಂಬದವರ ನಂಬಿಕೆ

ಯಾವುದೇ ಕುಟುಂಬಕ್ಕೆ ಮಕ್ಕಳನ್ನು ಕಳೆದುಕೊಂಡ ದುಃಖ ಇಡಿಯ ಜೀವಮಾನ ಕಾಡುತ್ತದೆ. ಈ ಮೂಲಕವಾದರೂ ಮಕ್ಕಳ ಆತ್ಮಕ್ಕೆ ಶಾಂತಿ ಸಿಕ್ಕಲು ನಾವು ನಮ್ಮ ಪ್ರಯತ್ನ ಮಾಡಿದ್ದೇವೆ ಎಂಬ ಸಾರ್ಥಕ ಭಾವನೆಯಿಂದ ಹಿರಿಯರು ಹಾಗೂ ಕುಟುಂಬ ಸದಸ್ಯರಿಗೆ ನೆಮ್ಮದಿ ದೊರಕುವುದು ನಿಜವಾಗಿರುವ ಕಾರಣ ಈ ಸಂಪ್ರದಾಯವನ್ನು ತಪ್ಪು ಎಂದು ಖಡಾಖಂಡಿತವಾಗಿ ಹೇಳಲು ಸಾಧ್ಯವಿಲ್ಲ.

ಕುಟುಂಬದವರ ನಂಬಿಕೆ

ಕುಟುಂಬದವರ ನಂಬಿಕೆ

ಇದೇ ಕಾರಣಕ್ಕೆ ಈ ಸಂಪ್ರದಾಯ ಇಂದಿಗೂ ಉಳಿದುಕೊಂಡು ಬಂದಿದೆ. ಈ ಬಗ್ಗೆ ನಿಮ್ಮ ಅಭಿಪ್ರಾಯವೇನು? ಕೆಳಗಿನ ಕಮೆಂಟ್ಸ್ ಭಾಗದಲ್ಲಿ ಬರೆಯುವ ಮೂಲಕ ನಮ್ಮೊಂದಿಗೆ ಖಂಡಿತಾ ಹಂಚಿಕೊಳ್ಳಿ.

English summary

When Dead Kids Were Married In A Ghost Wedding!

There are so many rituals that make us question our sanity. With beliefs of women getting married to dogs or frogs, it makes us wonder how these rituals even came into existence! The babas, gurujis and the saints come up with some of the most bizarre solutions for the problems that people face. One such ritual that is still followed even in this century is the 'Pretha Kalyanam', in which a bride and groom who've died as kids are married, since they died before they turned 18 years of age. Check out more details on this bizarre practice, where the dead kids are married before the age of 18...
Please Wait while comments are loading...
Subscribe Newsletter