ಎದೆಹಾಲಿನ ಆಭರಣ! ಸರಿಯಾಗಿ ಕೇಳಿದಿರಿ, ಈ ಆಭರಣಗಳ ಒಳಗೆ ಎದೆಹಾಲಿದೆ!

ಭಿನ್ನವಾಗಿ ಯೋಚಿಸುವವರಿಗೆ ಯಶಸ್ಸು ಕಟ್ಟಿಟ್ಟ ಬುತ್ತಿ

ಪ್ರೀತಿ ಎಂಬ ಈ ಮೂವತ್ತು ವರ್ಷದ ಆಭರಣ ವಿನ್ಯಾಸಗಾರ್ತಿಗೆ ಮೊದಲ ಬಾರಿ ಈ ಕಲ್ಪನೆ ಮೂಡಿತ್ತು. ತಮ್ಮ ಕಲ್ಪನೆಯನ್ನು ಸಾಕಾರಗೊಳಿಸಲು ಇವರು ತಕ್ಷಣವೇ ಕಾರ್ಯಪ್ರವೃತ್ತರಾಗಿ ಹಲವು ವಿನ್ಯಾಸಗಳನ್ನು ಬಿಡುಗಡೆಗೊಳಿಸಿದ್ದಾರೆ. ಇದರಿಂದ ಎದೆಹಾಲನ್ನು ಮಗುವಿಗೆ ಊಡಿಸುವ ಅನುಭವದ ಭಾವಾತ್ಮಕ ರೂಪವನ್ನು ದಂಪತಿಗಳು ಸದಾ ಪಡೆಯುವಂತಾಗುತ್ತದೆ ಎಂದು ಇವರು ತಿಳಿಸುತ್ತಾರೆ.

ಇವರಿಗೆ ಈ ಕಲ್ಪನೆ ಮೂಡಿದ್ದು ಸಾಮಾಜಿಕ ತಾಣದಿಂದ

ಫೇಸ್ ಬುಕ್‌ನಲ್ಲಿ ಗ್ರಾಹಕರೊಬ್ಬರು ಎದೆಹಾಲಿನಿಂದ ಆಭರಣವನ್ನು ತಯಾರಿಸಲು ಸಾಧ್ಯವಿಲ್ಲವೇ ಎಂದು ಯಾರೋ ಪ್ರಶ್ನಿಸಿದ್ದರು. ಹೇಗಿದ್ದರೂ ನಾನು ಪಾಲಿಮರ್ ಜೇಡಿಯಿಂದ ಆಭರಣಗಳನ್ನು ತಯಾರಿಸುತ್ತಲೇ ಇದ್ದೇನೆ. ನಾಲ್ಕೈದು ವರ್ಷದಿಂದ ಇನ್ನೂ ಕೆಲವಾರು ಬಗೆಯ ಜೇಡಿಗಳ ಮೇಲೆ ಕಾರ್ಯ ನಿರ್ವಹಿಸುತ್ತಿದ್ದೇನೆ. ಈ ಹೊಸ ಪ್ರಯೋಗವನ್ನೇಕೆ ಮಾಡಬಾರದು ಎಂದೆನ್ನಿಸಿತು.

ಈ ಕಲೆಯನ್ನೂ ಆಕೆ ಅಂತರ್ಜಾಲದಿಂದಲೇ ಕಲಿತರು

ಆದರೆ ಈ ಕಲೆಯನ್ನು ಸಾಕಾರಗೊಳಿಸುವುದು ಅಷ್ಟು ಸುಲಭವಲ್ಲ. ಹಾಗಾಗಿ ಈ ಕಲೆಯ ಬಗ್ಗೆ ಹೆಚ್ಚಿನ ಮಾಹಿತಿ ಪಡೆಯಲು ಇವರು ಮತ್ತೊಮ್ಮೆ ಅಂತರ್ಜಾಲದ ಮೊರೆ ಹೊಕ್ಕರು. ಈ ಕಾರ್ಯ ತುಂಬಾ ಸೂಕ್ಷ್ಮವಾಗಿದ್ದು ಹಾಲು ಕೆಟ್ಟುಹೋಗುವ ಮುನ್ನವೇ ಇದನ್ನು ಕಲಾವಂತಿಕೆಯಿಂದ ಜೇಡಿಯೊಳಗೆ ಅಳವಡಿಸುವುದು ಅಗತ್ಯವಾಗಿರುತ್ತದೆ.

ಪ್ರತಿ ಭಾರಿಯೂ ಯಶಸ್ಸು ಸಿಗುವುದಿಲ್ಲ

ಅಂತರ್ಜಾಲದಲ್ಲಿ ಹಲವು ವಿಧಾನಗಳು ಲಭ್ಯವಿದ್ದರೂ ಎಲ್ಲವೂ ಕಾರ್ಯಸಾಧುವಲ್ಲ. ಏಕೆಂದರೆ ಹಾಲು ಶೀಘ್ರವಾಗಿ ಹಾಳಾಗುತ್ತದೆ ಹಾಗೂ ಇದು ಹಾಳಾಗುವ ಮುನ್ನವೇ ಜೇಡಿಯಲ್ಲಿ ಅಳವಡಿಸಿಬಿಡಬೇಕು. ಆದರೆ ಇದರ ಪೂರ್ಣ ಪ್ರಮಾಣದ ಫಲಿತಾಂಶವನ್ನು ಪಡೆಯಬೇಕಾದರೆ ಒಂದು ತಿಂಗಳಿಗೂ ಹೆಚ್ಚು ಕಾಲ ಕಾಯಬೇಕಾಗುತ್ತದೆ.

ಈಕೆಯನ್ನು ಫೇಸ್ ಬುಕ್ ಮೂಲಕ ಸಂಪರ್ಕಿಸಬಹುದು!

ಈ ಆಭರಣಗಳನ್ನು ಇಷ್ಟಪಟ್ಟು ಖರೀದಿಸಬಯಸುವ ಗ್ರಾಹಕರು ಇವರನ್ನು ಫೇಸ್ ಬುಕ್ ಮೂಲಕ ಸಂಪರ್ಕಿಸಬಹುದು. ಮೊದಲು ಗ್ರಾಹಕರು ತಮ್ಮ ಸ್ವಂತ ಹಾಲನ್ನು ಇವರಿಗೆ ಕಳುಹಿಸಬೇಕಾಗುತ್ತದೆ. ಇದನ್ನು ಹೇಗೆ ಕಳುಹಿಸಿಕೊಡಬೇಕೆಂದು ಪ್ರೀತಿ ತಿಳಿಸುತ್ತಾರೆ. ಸಧ್ಯಕ್ಕೆ ಇವರಿಗೆ ದೇಶದ ವಿವಿಧ ರಾಜ್ಯಗಳಿಂದ ಮನವಿಗಳು ಬರುತ್ತಿವೆ. ಹಲವರು ಈ ಹಾಲು ಹಾಳಾಗದೇ ಇರುವ ಬಗ್ಗೆ ಕಾಳಜಿಯನ್ನೂ ಪ್ರಕಟಿಸಿದ್ದರೆ. ಆದರೆ ಗ್ರಾಹಕರ ಎಲ್ಲಾ ಪ್ರಶ್ನೆಗಳಿಗೆ ಪ್ರೀತಿಯವರ ಬಳಿ ಉತ್ತರವಿದೆ.

ಇದರ ರಹಸ್ಯಗಳೇನು

ಇವರ ವಿವರಣೆಯ ಪ್ರಕಾರ ಈ ಹಾಲನ್ನು ಅವರು ಪಡೆದ ಬಳಿಕ ಈ ಹಾಲಿಗೆ ಕೆಲವು ಸಂರಕ್ಷಕಗಳನ್ನು ಸೇರಿಸಲಾಗುತ್ತದೆ. ಇದರಿಂದ ಹಾಲು ಹೆಚ್ಚು ಕಾಲ ಕೆಡದೇ ಉಳಿಯುತ್ತದೆ. ಆದರೆ ಈಗ ಈ ಹಾಲನ್ನು ಮಗುವಿಗೆ ಕುಡಿಸಲು ಸಾಧ್ಯವಿಲ್ಲ. ಈ ಹಾಲನ್ನು ಫ್ರಿಜ್ಜಿನಲ್ಲಿರಿಸಿ ಮಂಜುಗಟ್ಟಿಸಲಾಗುತ್ತದೆ. ಹೀಗೆ ಇದನ್ನು ಆರು ತಿಂಗಳವರೆಗೂ ಸುರಕ್ಷಿತವಾಗಿರಿಸಬಹುದು. ಬಳಿಕ ಇದನ್ನು ಕರಗುತ್ತಿದ್ದಂತೆಯೇ ಪಾರದರ್ಶಕ ಜೇಡಿಯಲ್ಲಿ ಅಳವಡಿಸಿ ಎಲ್ಲಾ ಕಡೆಯಿಂದ ಆವರಿಸುವಂತೆ ಮಾಡಿ ಗಟ್ಟಿಯಾಗಿಸಲಾಗುತ್ತದೆ. ಅಂತಿಮವಾಗಿ ಇದಕ್ಕೆ ಕಲಾತ್ಮಕ ರೂಪ ನೀಡಿ ಆಭರಣವಾಗಿಸಲಾಗುತ್ತದೆ. ಈ ಬಗ್ಗೆ ನಿಮ್ಮ ಅಭಿಪ್ರಾಯಗಳನ್ನು ನಮಗೆ ಖಂಡಿತಾ ತಿಳಿಸಿ. ಇದಕ್ಕಾಗಿ ಕೆಳಗಿನ ಕಮೆಂಟ್ಸ್ ಭಾಗವನ್ನು ಬಳಸಿ...

Image Courtesy