ಚುಂಬನದ ಸಮಯದಲ್ಲಿ ಕಣ್ಣು ಮುಚ್ಚಿ ಕೊಳ್ಳುವುದೇಕೆ?

ಕಣ್ಣುಗಳು ತನ್ನಿಂತಾನೇ ಮುಚ್ಚಿಕೊಳ್ಳುತ್ತವೆ ಯಾಕೆ?

ಯಾವುದೇ ವಸ್ತುವನ್ನು ತೀರಾ ಹತ್ತಿರಕ್ಕೆ ತಂದರೆ ನೋಡಲು ಕಷ್ಟವಾಗುತ್ತದೆ. ಚುಂಬನದ ಸಮಯದಲ್ಲಿ ಪ್ರೇಮಿ ಅತಿ ನಿಕಟವಾಗಿರುವ ಕಾರಣಕ್ಕೇ ಕಣ್ಣುಗಳು ತನ್ನಿಂತಾನೇ ಮುಚ್ಚಿಕೊಳ್ಳುತ್ತವೆ ಎಂದು ಭಾವಿಸಲಾಗಿತ್ತು. ಆದರೆ ವಾಸ್ತವ ಬೇರೆಯೇ ಇದೆ.

ಇಲ್ಲಿ ಮೆದುಳು ಅಸಮರ್ಥವಾಗಿ ಬಿಡುತ್ತದೆ!

ನಮ್ಮ ಮೆದುಳು ಒಂದೇ ಸಮಯದಲ್ಲಿ ಹಲವು ಕೆಲಸಗಳನ್ನು ಮಾಡಲು ಅಸಮರ್ಥವಾಗಿದೆ. ಸಾಮಾನ್ಯವಾಗಿ ಒಂದೇ ಹೊತ್ತಿನಲ್ಲಿ ನಾವು ಎರಡಕ್ಕಿಂತ ಹೆಚ್ಚು ಕೆಲಸಗಳನ್ನು ಮಾಡುತ್ತೇವಾದರೂ ಇವುಗಳಲ್ಲಿ ಅರ್ಧದಷ್ಟನ್ನು ಮೆದುಳುಬಳ್ಳಿ ನಡೆಸುತ್ತದೆ. ಉದಾಹರಣೆಗೆ ನಡೆಯುತ್ತಾ ಸಂಗೀತ ಆಲಿಸುವುದು.

ಇಲ್ಲಿ ಮೆದುಳು ಅಸಮರ್ಥವಾಗಿ ಬಿಡುತ್ತದೆ!

ಇಲ್ಲಿ ನಡೆಯುವ ಕೆಲಸದ ಎಲ್ಲಾ ಸೂಚನೆಗಳನ್ನು ಮೆದುಳುಬಳ್ಳಿ ನಿರ್ವಹಿಸಿದರೆ ಕೇಳುವ ಕೆಲಸವನ್ನು ಮೆದುಳು ನಿರ್ವಹಿಸುತ್ತದೆ. ಇದೇ ಪರಿಯಲ್ಲಿ ಚುಂಬನದ ಅವಧಿಯಲ್ಲಿ ನೋಡುವ ಮತ್ತು ತುಟಿಗಳ ಸಂವೇದನೆಯನ್ನು ಅನುಭವಿಸುವ ಎರಡೂ ಕೆಲಸಗಳನ್ನು ಮೆದುಳು ಏಕಕಾಲದಲ್ಲಿ ನಿರ್ವಹಿಸಲು ಸಾಧ್ಯವಾಗದ ಕಾರಣ ಈ ಸಮಯದಲ್ಲಿ ಕಣ್ಣನ್ನು ತನ್ನಿಂತಾನೇ ಮುಚ್ಚುವಂತೆ ಮಾಡುತ್ತದೆ. ತನ್ಮೂಲಕ ತುಟಿಗಳ ಸಂವೇದನೆ ಹಾಗೂ ಸುರಕ್ಷತೆ ಮತ್ತು ಭರವಸೆಯ ಭಾವನೆಯನ್ನು ಪಡೆದಂತಾಗುತ್ತದೆ.

ಮನಃಶಾಸ್ತ್ರಜ್ಞರ ಪ್ರಕಾರ

ಈ ವಿಷಯದಲ್ಲಿ ಹಲವು ಸಂಶೋಧನೆಗಳನ್ನು ನಡೆಸಿದ ಖ್ಯಾತ ಮನಃಶಾಸ್ತ್ರಜ್ಞರಾದ ಪಾಲಿ ಡಾಲ್ಟನ್ ಹಾಗೂ ಸಾಂಡ್ರಾ ಮರ್ಫಿಯವರ ಪ್ರಕಾರ ಮೆದುಳು ಏಕಕಾಲದಲ್ಲಿ ದ್ರಶ್ಯ ಮತ್ತು ಸ್ಪರ್ಶದ ಸಂವೇದನೆಗಳನ್ನು ಪೂರ್ಣಪ್ರಮಾಣದಲ್ಲಿ ಗುರುತಿಸಲು ಸಾಧ್ಯವಿಲ್ಲ. ಅಂದರೆ ಭಾವ ಪರವಶತೆಯ ಸಮಯದಲ್ಲಿ ಕಣ್ಣು ತೆರೆದಿದ್ದರೆ ಪರವಶತೆ ಪೂರ್ಣಪ್ರಮಾಣದಲ್ಲಿ ಸಿಗಲು ಸಾಧ್ಯವಾಗುವುದಿಲ್ಲ.

ಮನಃಶಾಸ್ತ್ರಜ್ಞ ಪ್ರಕಾರ

ಆಗ ಮೆದುಳು ಕಣ್ಣುಗಳನ್ನು ಮುಚ್ಚಿ ಈ ಭಾವಪರವಶತೆಯನ್ನು ಪೂರ್ಣವಾಗಿ ಗ್ರಹಿಸಲು ಸೂಚನೆಗಳನ್ನು ನೀಡುತ್ತದೆ. ಇದೇ ಕಾರಣದಿಂದ ಕಣ್ಣುಗಳು ತನ್ನಿಂತಾನೇ ಮುಚ್ಚಿಕೊಳ್ಳುತ್ತವೆ.

ಮನಃಶಾಸ್ತ್ರಜ್ಞ ಪ್ರಕಾರ

"ಈ ಅವಧಿಯಲ್ಲಿ ಕಣ್ಣುಗಳನ್ನು ಮುಚ್ಚಿಕೊಳ್ಳುವ ಮೂಲಕ ಕಣ್ಣುಗಳ ಮೂಲಕ ಲಭ್ಯವಾಗದ ಮಾಹಿತಿಯನ್ನು ವಿಶ್ಲೇಷಿಸಲು ಮೆದುಳಿಗೆ ಅಗತ್ಯವಿಲ್ಲದೇ ತನ್ನ ಪೂರ್ಣಪ್ರಮಾಣದ ಗಮನವನ್ನು ಹರಿಸಲು ಸಾಧ್ಯವಾಗುತ್ತದೆ" ಎಂದು ಮನಃಶಾಸ್ತ್ರಜ್ಞರು ಅಭಿಪ್ರಾಯ ಪಡುತ್ತಾರೆ.

ಗಮನ ಪಂದೇ ಕಡೆ ಕೇಂದ್ರಿ ಕೃತವಾಗಿರುತ್ತದೆ

ಕಣ್ಣು ಮುಚ್ಚಿ ಚುಂಬನದ ಆಹ್ಲಾದತೆಯನ್ನು ಅನುಭವಿಸುವಾಗ ತನ್ನ ಪ್ರೇಮಿಯ ಗಮನವನ್ನು ಬೇರೆಡೆಗೆ ಹರಿಯುವುದರಿಂದಲೂ ತಡೆದಂತಾಗುತ್ತದೆ. ಅಲ್ಲದೇ ದಂಪತಿಗಳ ನಡುವಣ ಮಿಲನದ ಪೂರ್ವಹಂತದ ಕ್ರಿಯೆಯಾಗಿರುವ ಚುಂಬನ ಈ ಪಥವನ್ನು ಸರಿಯಾದ ದಾರಿಯತ್ತ ಸಾಗಿಸಲು ನೆರವಾಗುತ್ತದೆ.

ಸಂತೋಷಕರ ದಾಂಪತ್ಯಕ್ಕೆ ನಾಂದಿ

ಅಂದರೆ ಈ ಹೊತ್ತಿನಲ್ಲಿ ಮೆದುಳು ಬೇರೆ ಆಕರ್ಷಣೆಗಳತ್ತ ವಾಲದೇ ಕೇವಲ ಸಂಗಾತಿಯ ಆಪ್ತತೆ, ನಿಕಟತೆಯನ್ನು ಬಯಸಲು, ಈ ಮೂಲಕ ಆತ್ಮೀಯತೆಯ ಬೆಸುಗೆ ಸಾಧಿಸಲು ಸಾಧ್ಯವಾಗುತ್ತದೆ. ಈ ಬೆಸುಗೆ ಶಾಶ್ವತ, ಸುಂದರ, ಸಂತೋಷಕರ ದಾಂಪತ್ಯಕ್ಕೆ ನಾಂದಿಯಾಗಿದೆ.

ಇನ್ನು ಬೇರೇನನ್ನೂ ಯೋಚಿಸದೇ ಕಣ್ಣುಗಳನ್ನು ಮುಚ್ಚಿಕೊಳ್ಳಿ

ಆದ್ದರಿಂದ ನಿಮ್ಮ ಸಂಗಾತಿಯೊಂದಿಗೆ ಚುಂಬಿಸುವಾಗ ಬೇರೇನನ್ನೂ ಯೋಚಿಸದೇ ಕಣ್ಣುಗಳನ್ನು ಮುಚ್ಚಿಕೊಂಡು ಶೇಕಡಾ ನೂರರಷ್ಟು ಅನುಭವಿಸಿ, ಸುಖಿಗಳಾಗಿರಿ.