ಬೆಂಗಳೂರಿನ ರಸ್ತೆ ಬದಿಯ ಫುಡ್‌ನ ವೈಶಿಷ್ಟ್ಯ ಗೊತ್ತಿದೆಯೇ?

ಗೋಬಿ ಮಂಚೂರಿಯನ್:

ಬಾಯಿಯಲ್ಲಿ ನೀರೂರಿಸುವ ಗೋಬಿ ಮಂಚೂರಿಯನ್ ಅನ್ನು ಹೋಟೆಲ್‪ನಲ್ಲಿ ತಿನ್ನಿವುದಕ್ಕಿಂತ ರಸ್ತೆ ಬದಿಯಲ್ಲಿ ತಿನ್ನುವ ಸಂಖ್ಯೆಯೇ ಜಾಸ್ತಿ. ಗೋಬಿ ಬೆಂಗಳೂರಿನ ರಸ್ತೆ ಬದಿಯಲ್ಲಿ ಪ್ರಖ್ಯಾತವಾಗಿರುವ ತಿಂಡಿ ತಿನಿಸಾಗಿದೆ. ಇದು ಆರೋಗ್ಯಭರಿತ ಮಾತ್ರವಲ್ಲದೆ ನಾಲಗೆಗೆ ಸೂಪರ್ ರುಚಿಯನ್ನು ನೀಡುತ್ತದೆ.

ಪಾನಿ ಪುರಿ:

ಗೋಲ್‌ಗಪ್ಪಾ ಎಂದು ಕರೆಯಲಾದ ಈ ರಸ್ತೆ ಬದಿಯ ಆಹಾರ ನಿಮ್ಮ ನಾಲಗೆಗೆ ಖಂಡಿತ ಮುದವನ್ನು ನೀಡುತ್ತದೆ.

ಇಡ್ಲಿ:

ನೀವು ಮನೆಯಲ್ಲಿ ಬ್ರೇಕ್‌ಫಾಸ್ಟ್ ತಪ್ಪಿಸಿದ್ದರೆ ನಿಮಗೆ ಮೃದುವಾದ ಇಡ್ಲಿ ಹಾಗೂ ಕಡಲೆ ಚಟ್ನಿಯನ್ನು ರಸ್ತೆ ಬದಿಯಲ್ಲಿ ಸವಿಯಬಹುದು.

ಮಸಾಲಾ ಪುರಿ:

ಮಸಾಲಾ ಪುರಿ ಕೂಡ ಒಂದು ಉತ್ತಮ ರಸ್ತೆ ಬದಿಯ ಆಹಾರವಾಗಿದ್ದು ದೊಡ್ಡವರು ಮಕ್ಕಳೆನ್ನದೆ ಪ್ರತಿಯೊಬ್ಬರೂ ಸವಿಯುತ್ತಾರೆ.

ಬೇಲ್ ಪುರಿ:

ಮಸಾಲಾ ಪುರಿಯಂತೆ ಬೇಲ್ ಪುರಿ ಕೂಡ ಚಾಟ್ ಐಟಂ ಆಗಿದ್ದು ಸಂಜೆಯ ಸೊಗಸನ್ನು ಹೆಚ್ಚಿಸುತ್ತದೆ.

ಸಮೋಸಾ:

ತಂಪು ಮಳೆಗೆ ಬಿಸಿ ಬಿಸಿ ಸಮೋಸಾ ಹಾಗೂ ಟೀ ಕಾಂಬಿನೇಶನ್ ಸ್ವರ್ಗಕ್ಕೆ ಮೂರೇ ಗೇಣು ಎಂಬಂತೆ ಮಾಡುತ್ತದೆ. ಈ ಭಾರತೀಯ ಜನಪ್ರಿಯ ಸ್ನ್ಯಾಕ್ಸ್ ಐಟಂ ನಿಮ್ಮ ತನುಮನದ ಬಯಕೆಯನ್ನು ಈಡೇರಿಸುತ್ತದೆ.

ಜೋಳ:

ಕೆಂಡದಲ್ಲಿ ಬಿಸಿ ಮಾಡಿ ಉಪ್ಪು ಮೆಣಸಿನ ಹುಡಿ ಸವರಿದ ಮೆಕ್ಕೆ ಜೋಳದ ಘಮಲು ಬೆಂಗಳೂರಿನ ರಸ್ತೆ ಬದಿಯಲ್ಲಿ ಎಲ್ಲೆಂದರಲ್ಲಿ ಕಾಣಬಹುದು. ಬಾಯಲ್ಲಿ ನೀರೂರುವಂತೆ ಮಾಡುವ ಈ ತಿಂಡಿ ನಿಜಕ್ಕೂ ವರ್ಣಿಸಲು ಅಸಾಧ್ಯವಾದುದು.

ಕಡಲೆಕಾಳು:

ಕಡಲೆಕಾಳು ಕೂಡ ಬೆಂಗಳೂರಿನ ಜನರು ಇಷ್ಟಪಡುವ ರಸ್ತೆಬದಿಯ ಆಹಾರವಾಗಿದೆ. ರಸ್ತೆ ಬದಿಯಲ್ಲಿ ಬೇಯಿಸಲಾಗುತ್ತಿರುವ ಕಡಲೆಕಾಳು ಮಕ್ಕಳು, ದೊಡ್ಡವರು ಇಷ್ಟಪಟ್ಟು ಕೊಂಡುಕೊಳ್ಳುತ್ತಾರೆ.

ಶುಗರ್ ಕ್ಯಾಂಡಿ:

ರಸ್ತೆಬದಿಯ ಆಹಾರದಲ್ಲಿ ಶುಗರ್ ಕ್ಯಾಂಡಿ ಕೂಡ ತನ್ನ ಸ್ಥಾನವನ್ನು ಪಡೆದುಕೊಂಡಿದೆ. ಬೇರೆ ಬೇರೆ ಆಕಾರ ಮತ್ತು ಬಣ್ಣದಲ್ಲಿ ಲಭ್ಯವಾಗುವ ಇದು ನಿಮ್ಮ ನಾಲಗೆಯ ರುಚಿಯನ್ನು ತಣಿಸುತ್ತದೆ.

ಮೊಮೋಸ್:

ಬೆಂಗಳೂರಿನ ಜನರು ಇಷ್ಟಪಡುವ ಒಂದು ಟೇಸ್ಟೀ ಫುಡ್ ಇದಾಗಿದೆ. ಸ್ಟೀಮ್ ಹಾಗೂ ಫ್ರೈ ಎರಡೂ ರೀತಿಯಲ್ಲಿ ದೊರೆಯುವ ಮೊಮೋಸ್ ಕಡಿಮೆ ಬೆಲೆಯಲ್ಲಿ ದೊರೆಯುತ್ತದೆ. ಇದು ಕೂಡ ನಿಮ್ಮ ನಾಲಗೆಯ ರುಚಿಯನ್ನು ತಣಿಸುವಂತೆ ಮಾಡುತ್ತದೆ.