ಕೂ ಆ್ಯಪ್ : ಟ್ವಿಟರ್‌ಗೆ ಸಡ್ಡು ಹೊಡೆದಿರುವ ಇದರ ಬಗ್ಗೆ ತಿಳಿಯಬೇಕಾದ ಸಂಗತಿಗಳಿವು

ಕನ್ನಡಿಗರೇ ನಿರ್ಮಿಸಿದ ಆ್ಯಪ್

ಇದೊಂದು ಪಕ್ಕಾ ಸ್ವದೇಶಿ ಆ್ಯಪ್ ಮಾತ್ರವಲ್ಲ, ಇದನ್ನು ನಿರ್ಮಿಸಿದವರು ನಮ್ಮ ಕನ್ನಡದವರೇ ಎಂಬ ಹೆಮ್ಮೆ ಕೂಡ ಇದೆ. ಇದರ ಕೋ ಪೌಂಡರ್‌ ಮತ್ತು ಸಿಇಒ ಅಪ್ರಮೇಯ ರಾಧಾಕೃಷ್ಣ.

ಟ್ವಿಟರ್‌ಗಿಂತ ತುಂಬಾನೇ ಭಿನ್ನ ಹಾಗೂ ಹೆಚ್ಚು ಆಕರ್ಷಕ

ಟ್ವಿಟರ್‌ನಲ್ಲಿ 2 ನಿಮಿಷಗಳ ವೀಡಿಯೋ ಮಾತ್ರ ಅಪ್‌ಲೋಡ್‌ ಮಾಡಬಹುದು, ಆದರೆ ಕೂ ಆ್ಯಪ್‌ನಲ್ಲಿ 10 ನಿಮಿಷದವರೆಗಿನ ವೀಡಿಯೋ ಅಪ್‌ಲೋಡ್‌ ಮಾಡಬಹುದು. ಅಲ್ಲದೆ ಇತರ ಸಾಮಾಜಿಕ ಮಾಧ್ಯಮಗಳಲ್ಲಿ ಇಂಗ್ಲಿಷ್‌ ಪ್ರಾಬಲ್ಯ ಅಧಿಕವಿದ್ದರೆ ಇಲ್ಲಿ ಕನ್ನಡವನ್ನು ಬಳಸುವಂತೆ ಅನುಕೂಲಕರವಾಗಿದೆ.

ಮೋದಿ ಸರ್ಕಾರ ಚೀನಾ ಆ್ಯಪ್‌ಗಳನ್ನು ಬ್ಯಾನ್‌ ಮಾಡಿದ ಸಂದರ್ಭದಲ್ಲಿ ಈ ಸ್ವದೇಶಿ ಆ್ಯಪ್ ತುಂಬಾನೇ ಸದ್ದು ಮಾಡಿದ್ದು ಬಿಡುಗಡೆಯಾದ ಮೂರು ತಿಂಗಳ ಒಳಗೆ ಮೂರು ಲಕ್ಷಕ್ಕೂ ಅಧಿಕ ಕನ್ನಡಿಗರು ಬಳಸಲಾರಂಭಿಸಿದರು. ಇದೀಗ ಇದರ ಬಳಕೆದಾರರ ಸಂಖ್ಯೆ ಹೆಚ್ಚಾಗುತ್ತದೆ.

ಇತರ ಭಾಷೆಯವರು ಬಳಸುತ್ತಿದ್ದಾರೆ

ಇನ್ನು ಈ ಆ್ಯಪ್ ಅನ್ನು ಇತರ ಭಾಷೆಯವರು ಕೂಡ ಬಳಸಲಾರಂಭಿಸಿದ್ದಾರೆ. ಕೇಂದ್ರ ರೈಲ್ವೆ ಸಚಿವ ಪಿಯುಷ್‌ ಗೋಯಲ್‌ ನಾನು ಕೂಡ ಕೂ ಆ್ಯಪ್ ಬಳಸುತ್ತಿರುವುದಾಗಿ ಹೇಳಿದ್ದಾರೆ.

ಮಂತ್ರಿಗಳು-ದೊಡ್ಡ ಸೆಲೆಬ್ರಿಟಿಗಳು ಈ ಆ್ಯಪ್ ಬಳಸುತ್ತಿದ್ದಾರೆ

ಐಟಿ ಮಿನಿಸ್ಟರ್‌ ರವಿ ಶಂಕರ್ ಪ್ರಸಾದ್‌,ಸಂಸದ ತೇಜಸ್ವಿ ಸೂರ್ಯ, ಶೋಭಾ ಕರಂದ್ಲಾಜೆ, ಕರ್ನಾಟಕ ಮುಖ್ಯಮಂತ್ರಿ ಬಿ.ಎಸ್‌ ಯಡಿಯೂರಪ್ಪ, ಇಶಾ ಫೌಂಡೇಷನ್‌ನ ಜಗ್ಗಿ ವಾಸುದೇವ್, ಮಾಜಿ ಕ್ರಿಕೆಟಿಗ ಅನಿಲ್‌ ಕುಂಬ್ಳೆ, ಜಾವಗಲ್‌ ಶ್ರೀನಾಥ್‌ ಹೀಗೆ ಅನೇಕ ಈ ಆ್ಯಪ್ ಬಳಸಲಾರಂಭಿಸಿದ್ದಾರೆ. ಇದೀಗ ವಿದೇಶಿಯರು ಭಾರತದತ್ತ ತಿರುಗಿ ನೋಡುವಂತೆ ಮಾಡಿದೆ. ಆತ್ಮ ನಿರ್ಭರ್ ಎಂದರೆ ಇದೇ ಅಲ್ಲವೇ.. ಇಲ್ಲಿ ಯಾವುದೇ ಪಕ್ಷದ ಪರ ಹೇಳುತ್ತಿಲ್ಲ... ನಮ್ಮ ಭಾರತೀಯ ವಸ್ತುಗಳು ವಿಶ್ವ ಮಟ್ಟದಲ್ಲಿ ಗುರುತಿಸಬೇಕು, ಯುವ ಜನಾಂಗ ಈ ನಿಟ್ಟಿನಲ್ಲಿ ಸಾಗುತ್ತಿರುವುದು ಸ್ವಾಗತಾರ್ಹ.