ಜೀವನದಲ್ಲಿ ಸಂತೋಷವಾಗಿರಲು ಇಂತಹವರಿಂದ ದೂರವಿರುವುದೇ ಉತ್ತಮ

ಅದೃಷ್ಟದ ಬಗ್ಗೆ ಕೊರಗುವವರಿಂದ ದೂರವಿರಿ:

ಚಾಣಕ್ಯ ನೀತಿಯ ಪ್ರಕಾರ, ಯಾವಾಗಲೂ ತಮ್ಮ ಅದೃಷ್ಟವನ್ನು ಶಪಿಸುತ್ತಾ ಮತ್ತು ದೇವರನ್ನು ಖಂಡಿಸುವ ಜನರು ನಿಮ್ಮಲ್ಲಿ ನಕಾರಾತ್ಮಕತೆಯನ್ನು ಉಂಟುಮಾಡಬಹುದು. ತಮ್ಮ ಪ್ರಯತ್ನವಿಲ್ಲದೇ ಕೇವಲ ದೇವರನ್ನೇ ದೂಷಿಸುತ್ತಾ, ಅದೃಷ್ಟವನ್ನೇ ನಂಬಿ ಕಾದು ಕುಳಿತಿರುವವರು ಎಂದಿಗೂ ಸಂತೋಷವಾಗಿರುವುದಿಲ್ಲ. ಇಂತಹವರು ಯಾವಾಗಲೂ ತನ್ನ ದುಃಖದಲ್ಲಿ ಮುಳುಗಿರುತ್ತಾರೆ, ಇವರಿಗೆ ಎಂದಿಗೂ ತೃಪ್ತಿ ಸಿಗುವುದಿಲ್ಲ. ಆದ್ದರಿಂದ ನಿಮ್ಮ ಸ್ವಂತ ಸಂತೋಷಕ್ಕಾಗಿ ಈ ಜನರಿಂದ ದೂರವಿರುವುದು ಉತ್ತಮ. ಇಲ್ಲವಾದಲ್ಲಿ ಇವರ ಪ್ರಭಾವ ನಿಮ್ಮ ಮೇಲೆಯೂ ಬೀರಬಹುದು.

ಮೂರ್ಖರಿಂದ ದೂರವಿರಿ:

ಚಾಣಕ್ಯ ನೀತಿ ಪ್ರಕಾರ, ಮೂರ್ಖರ ಸಹವಾಸ ಎಂದಿಗೂ ಸರಿಯಲ್ಲ. ನೀವು ಮೂರ್ಖ ಜನರೊಂದಿಗೆ ಹೆಚ್ಚು ಮಾತನಾಡಬಾರದು ಅಥವಾ ಅವರಿಗೆ ಮನವರಿಕೆ ಮಾಡಲು ಪ್ರಯತ್ನಿಸಬಾರದು. ಏಕೆಂದರೆ ಇವರನ್ನು ಎಷ್ಟೇ ಮನವೊಲಿಸಲು ಪ್ರಯತ್ನಿಸಿದರೂ ಅವರು ಯಾರ ಮಾತನ್ನೂ ಕೇಳುವುದಿಲ್ಲ. ಅವರು ಯಾವಾಗಲೈ ತಮ್ಮ ಮಾತುಗಳನ್ನು ಇಷ್ಟಪಡುತ್ತಾರೆ. ನೀವು ಅಂತಹ ಜನರ ಮೇಲೆ ನಿಮ್ಮ ಶಕ್ತಿಯನ್ನು ವ್ಯರ್ಥ ಮಾಡಿದರೆ ಅದು ನಿಮಗೆ ಮಾತ್ರ ಹಾನಿಕಾರಕವಾಗಿದೆ. ಏಕೆಂದರೆ ಇದು ನಿಮ್ಮ ಕೆಲಸ ಮಾಡುವ ಸಾಮರ್ಥ್ಯ ಮತ್ತು ನಿಮ್ಮ ಮಾನಸಿಕ ಸ್ಥಿತಿಯ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ. ಹಾಗಾಗಿ ಅಂತಹವರಿಂದ ದೂರವಿರುವುದು ಉತ್ತಮ.

ಇತರರಿಗೆ ಕೆಟ್ಟದ್ದು ಬಯಸುವವರಿಂದ ದೂರವಿರಿ:

ಅಸೂಯೆ, ದುರುದ್ದೇಶ ಮತ್ತು ಇತರರ ವಿರುದ್ಧ ದ್ವೇಷದ ಭಾವನೆ ಇರುವವ ಮಹಿಳೆಯರಿಂದ ದೂರವಿರಿ. ಅಂತಹ ಮಹಿಳೆ ನಿಮ್ಮ ಜೀವನದಲ್ಲಿ ಮಾತ್ರವಲ್ಲದೆ ಕುಟುಂಬದಲ್ಲಿಯೂ ತೊಂದರೆಗಳನ್ನು ಮತ್ತು ಸಮಸ್ಯೆಗಳನ್ನು ಸೃಷ್ಟಿಸುತ್ತಾರೆ. ದುಷ್ಟ ಮಹಿಳೆಗೆ ಸಹಾಯ ಮಾಡುವುದು ನಮ್ಮ ಅವನತಿಯನ್ನು ನಾವೇ ಸ್ವಾಗತಿಸಿದಂತೆ. ನಿಮ್ಮ ಸಹಾಯದ ತಪ್ಪು ಪ್ರಯೋಜನವನ್ನು ತೆಗೆದುಕೊಳ್ಳುವ ಮೂಲಕ ನಿಮಗೆ ಹಾನಿ ಮಾಡುತ್ತದೆ. ಆದ್ದರಿಂದ, ಚಾಣಕ್ಯ ನೀತಿಯಲ್ಲಿ, ನಕಾರಾತ್ಮಕ ಆಲೋಚನೆಗಳಿರುವ ಮಹಿಳೆಯರಿಂದ ದೂರವಿರುವುದು ಒಳ್ಳೆಯದು.