ಐಸಿಡಬ್ಲ್ಯೂ 2014: ಸಬ್ಯಸಾಚಿಯವರ ಆಕರ್ಷಕ ವಿನ್ಯಾಸಗಳ ಝಲಕ್

Published: Wednesday, July 16, 2014, 10:19 [IST]

ಐಸಿಡಬ್ಲ್ಯೂ 2014 ಇಂದು ಸಬ್ಯಸಾಚಿಯವರ ಆಕರ್ಷಕ ವಿನ್ಯಾಸಗಳ ಉಡುಗೆಗಳಿಂದ ಪ್ರಾರಂಭಗೊಂಡಿತು. ಭಾರತೀಯ ವಸ್ತ್ರ ವಿನ್ಯಾಸ ಪ್ರದರ್ಶನದ ಪ್ರಥಮ ದಿನವನ್ನು ಬಹಳ ಚೆನ್ನಾಗಿಯೇ ಪ್ರಾರಂಭಿಸಿದ ಸಬ್ಯಸಾಚಿ ಮನಮೋಹಕಗೊಳಿಸುವ ಭಾರತೀಯ ವಸ್ತ್ರ ವಿನ್ಯಾಸಗಳಿಂದ ನೆರೆದವರನ್ನು ಸೆಳೆದರು.

ಭಾರೀ ಎಂಬ್ರಾಯಿಡರಿ ಕೆಲಸಗಳು, ಮಿರುಗುವ ವಿನ್ಯಾಸಗಳು, ಜರಿ ಕೆಲಸ ಹೀಗೆ ವಸ್ತ್ರಗಳ ವಸಂತ ಕಾಲವೇ ಅಲ್ಲಿ ನೆರೆದಿತ್ತು ಎಂದೇ ಹೇಳಬಹುದು. ಕೆಲವೊಂದು ಉಡುಗೆಗಳನ್ನು ಬೆಳ್ಳಿ ಮತ್ತೆ ಕೆಲವನ್ನು ಚಿನ್ನ ಹಾಗೂ ಉಳಿದವುಗಳನ್ನು ಕೆಂಪು ಬಣ್ಣಗಳಲ್ಲಿ ವಿನ್ಯಾಸಗೊಳಿಸಲಾಗಿತ್ತು.

ಇಳಿಜಾರುತ್ತಿರುವ ಕುತ್ತಿಗೆ ವಿನ್ಯಾಸದ ಉಡುಗೆಗಳೂ ಇಲ್ಲಿದ್ದವು. ಸಬ್ಯಸಾಚಿ ಸಂಗ್ರಹಣೆಯಲ್ಲಿ ಮೂಡಿ ಬಂದ ಸೀರೆಗಳನ್ನು ಬನಾರಸ್ ಮತ್ತು ಕತಾದಲ್ಲಿ ತಯಾರಿಸಲಾಗಿದೆ.

ಪುರುಷರಿಗಾಗಿ ಕೆಲವೊಂದು ಪಾರ್ಸಿ ಕೋಟ್‌‌ಗಳು ಬಂದಾಗಲಾಸ್ ಕೂಡ ಸಬ್ಯಸಾಚಿ ಸಂಗ್ರಹಣೆಯಲ್ಲಿದ್ದವು. ರೂಪದರ್ಶಿಯರು ಸಬ್ಯಸಾಚಿಯವರ ವಿನ್ಯಾಸದ ಉಡುಗೆಗಳಿಗೆ ಹೆಜ್ಜೆ ಹಾಕಿರುವುದನ್ನು ಕೆಳಗಿನ ಸ್ಲೈಡ್‌ಗಳಲ್ಲಿ ವೀಕ್ಷಿಸೋಣ.

ಬನಾರಸ್ ಸೀರೆಗಳು

ಬನಾರಸ್ ಸಿಲ್ಕ್ ಸೀರೆಗಳಲ್ಲಿ ಕತಾ ವಿನ್ಯಾಸಗಳನ್ನು ಈ ಬಾರಿ ಸಬ್ಯಸಾಚಿ ರೂಪಿಸಿದ್ದಾರೆ. ಇದರ ರವಿಕೆಗಳನ್ನು ಕೂಡ ಕತಾದಲ್ಲಿ ತಯಾರಿಸಲಾಗಿದೆ ಎಂಬುದು ಇಲ್ಲಿ ನಿಚ್ಚಳವಾಗಿ ಕಂಡುಬಂದಿದೆ.

ಭಾರತೀಯ ಉಡುಗೆಗಳು

ಭಾರತೀಯ ವಿನ್ಯಾಸದಲ್ಲಿ ಮೂಡಿಬಂದಿರುವ ತೋಳ ರವಿಕೆಗಳನ್ನು ರೂಪದರ್ಶಿಯರು ಸೀರೆಗೆ ಧರಿಸಿಕೊಂಡಿರುವದನ್ನು ನಮಗಿಲ್ಲಿ ಕಾಣಬಹುದಾಗಿದೆ. ಪೇಸ್ಟಲ್ ಬಣ್ಣದ ಉಡುಗೆಗಳಿಗೆ ಪ್ಲಂಗಿಂಗ್ ನೆಕ್‌ಲೈನ್ ಅನ್ನು ಹೊಂದಿದ್ದಾವೆ.

ಪಾರ್ಸಿ ಕೋಟ್‌ಗಳು

ಪ್ರಿಂಟ್ ಉಳ್ಳ ಪಾರ್ಸಿ ಕೋಟ್‌ಗಳು ಬಂದಾಗಲ್ಸ್ ಮತ್ತು ಚೂಡಿದಾರ್‌ಗಳು ಮನಸೂರೆಗೊಂಡವು.

ನ್ಯೂಡ್ ಶಿಫಾನ್

ಇಂದಿನ ಪ್ರದರ್ಶನದಲ್ಲಿ ಶಿಫಾನ್ ಸೀರೆಗಳನ್ನು ಕೂಡ ಪ್ರದರ್ಶಿಸಲಾಗಿತ್ತು. ಇದು ಹೊಳೆಯುವ ಟಿಕ್ಲಿಗಳಿಂದ ಕೂಡಿದ್ದು ಪಾರ್ಟಿಗಳಿಗೆ ಸೂಕ್ತವಾಗಿದೆ.

ಬಂದಾಗಲಾ ಸಿಲ್‌ಹೌಟ್

ಎಂಬ್ರಾಯಿಡರಿ ಮಿಶ್ರಣ ಮತ್ತು ಫ್ಯಾಬ್ರಿಕ್‌ಗಳ ಸುಂದರ ವಿನ್ಯಾಸವನ್ನು ಈ ಬಂದಾಗಲಾ ಸಿಲ್‌ಹೌಟ್‌ನಲ್ಲಿ ನಮಗೆ ಕಾಣಬಹುದಾಗಿದೆ.

ಬಂದಾಗಲಾ ರವಿಕೆ ಮತ್ತು ಬಿಳಿ ಸೀರೆ

ಬಿಳಿ ಪ್ಲೇನ್ ಶಿಫಾನ್ ಸೀರೆಯು ದಪ್ಪನೆಯ ಕೆಂಪು ಬಣ್ಣದ ಬಾರ್ಡರ್ ಅನ್ನು ಹೊಂದಿದ್ದು ಪಲ್ಲುವಿನಲ್ಲಿ ತೆಳುವಾದ ಮಿನುಗುವ ಕೆಲಸವನ್ನು ಒಳಗೊಂಡಿದೆ. ಇದರ ರವಿಕೆ ತ್ರಿಫೋರ್ತ್ ಮಾದರಿಯಲ್ಲಿದೆ.