ಹುಷಾರ್.. ಈ ಗುಣಗಳಿರುವ ನಿಮ್ಮ ಸ್ನೇಹಿತನಿಗೆ ಸಾಲ ಕೊಡಬೇಡಿ! ನೀವು ಸರ್ವನಾಶ

ಸಾಲ ನೀಡುವ ಮುನ್ನ ಎಚ್ಚರ! ನಿಮ್ಮ ಆಪ್ತ ಮಿತ್ರನಲ್ಲೂ ಇರಬಹುದು ಈ ಕೆಟ್ಟ ಗುಣ. ಯಾವ ಸ್ನೇಹಿತರಿಗೆ ಸಾಲ ಕೊಡಬಾರದು? ನಾವು ಈ ಲೇಖನದಲ್ಲಿ ನೀವು ಕಷ್ಟಪಟ್ಟು ಗಳಿಸಿದ ಹಣವನ್ನು (Money) ಯಾರಿಗೆ ಸಾಲವಾಗಿ ನೀಡಬಾರದು ಎಂಬುದನ್ನು ತಿಳಿಸಲಾಗಿದೆ. ಚಾಣಕ್ಯನ (Chanakya Niti) ಪ್ರಕಾರ, ಅವರು ನಿಮಗೆ ಎಷ್ಟು ಆಪ್ತರಾಗಿದ್ದರೂ ಸಹ, ಅವರೊಂದಿಗೆ ಹಣಕಾಸಿನ ವ್ಯವಹಾರ ಮಾಡುವುದನ್ನು ನೀವು ಇಟ್ಟುಕೊಳ್ಳಬಾರದು. ಚಾಣಕ್ಯನ ಮಾತು ನೆನಪಿಟ್ಟುಕೊಳ್ಳಿ. ಈ ರೀತಿಯ ಮಿತ್ರನಿಗೆ ಹಣ ಕೊಟ್ಟರೆ ನಾಶ ಖಚಿತ.

ಆಚಾರ್ಯ ಚಾಣಕ್ಯನು ತಮ್ಮ ಕಾಲದ ಅತ್ಯಂತ ಜ್ಞಾನಿ ಮತ್ತು ಬುದ್ಧಿವಂತ ವ್ಯಕ್ತಿ ಎಂದು ಹೆಸರುವಾಸಿ. ಮಾನವಕುಲದ ಒಳಿತಿಗಾಗಿ ಅವರು ತಮ್ಮ ಜೀವಿತಾವಧಿಯಲ್ಲಿ ಅನೇಕ ನಿಯಮಗಳನ್ನು ರೂಪಿಸಿದನು. ಈ ನಿಯಮಗಳು ಇಂದಿಗೂ ಜನರಿಗೆ ಸರಿಯಾದ ಮಾರ್ಗವನ್ನು ತೋರಿಸಲು ಮತ್ತು ತೊಂದರೆಗಳಿಂದ ದೂರವಿರಲು ಸಹಾಯ ಮಾಡುತ್ತವೆ. ಚಾಣಕ್ಯನು ತಮ್ಮ ನೀತಿಗಳಲ್ಲಿ ಕೆಲವು ಜನರ ಬಗ್ಗೆ ಉಲ್ಲೇಖಿಸಿದ್ದಾರೆ.

ಚಾಣಕ್ಯನ ಪ್ರಕಾರ ನಿಮಗೆ ಎಷ್ಟು ಆಪ್ತರಾಗಿದ್ದರೂ (close friends), ಅವರಿಗೆ ಹಣವನ್ನು ಸಾಲವಾಗಿ ನೀಡುವುದನ್ನು ನೀವು ಯಾವುದೇ ಕಾರಣಕ್ಕೂ ತಪ್ಪಿಸಬೇಕು. ಹಣಕಾಸಿನ ವಿಷಯ ಬಂದಾಗ, ಇಂತಹ ಜನರ ವಿಷಯದಲ್ಲಿ ಯಾವಾಗಲೂ ಜಾಗರೂಕರಾಗಿರಬೇಕು ಎಂದು ಚಾಣಕ್ಯ ಹೇಳುತ್ತಾನೆ. ಇವರಿಗೆ ಸಾಲ ನೀಡುವಾಗ ನೀವು ಎಚ್ಚರ ವಹಿಸದಿದ್ದರೆ, ನಷ್ಟವನ್ನು ಎದುರಿಸಬೇಕಾಗಬಹುದು. ಚಾಣಕ್ಯರ ಪ್ರಕಾರ, ಈ ಕೆಳಗಿನ ಐದು ರೀತಿಯ ಜನರಿಗೆ ಹಣವನ್ನು ಸಾಲವಾಗಿ (Loan to Friends) ನೀಡಬಾರದು.

ಎಂದಿಗೂ ತೃಪ್ತರಾಗದ ಜನರು

ಚಾಣಕ್ಯನ ಪ್ರಕಾರ, ಎಂದಿಗೂ ತೃಪ್ತರಾಗದ ಜನರಿಗೆ (Always Dissatisfied) ನೀವು ಹಣವನ್ನು ಸಾಲವಾಗಿ ನೀಡಬಾರದು. ಅಂತಹ ಜನರಿಗೆ ನೀವು ಎಷ್ಟೇ ಹಣ ನೀಡಿದರೂ ಅಥವಾ ಅವರ ಅತ್ತ್ಯುತ್ತಮ ಕೆಲಸಗಳನ್ನು ಮಾಡಿದರೂ ಸಹ, ಅವರು ತೃಪ್ತರಾಗುವುದಿಲ್ಲ. ಆದ್ದರಿಂದ, ಇವರಿಗೆ ಸಾಲ ನೀಡುವುದನ್ನು ತಪ್ಪಿಸುವುದು ಉತ್ತಮ. ಇಂತಹ ಜನರಿಗೆ ಸಾಲ ಕೊಟ್ಟರೆ, ಆ ಹಣ ವಾಪಸ್ ಬರುವ ಸಾಧ್ಯತೆ ಕಡಿಮೆ.

ತಪ್ಪು ಅಥವಾ ಕೆಟ್ಟ ಕೆಲಸ ಮಾಡುವವರು

ಯಾರ ಚಾರಿತ್ರ್ಯದ ಮೇಲೆ ಕಳಂಕವಿದೆಯೋ, ಅಥವಾ ಕಾನೂನುಬಾಹಿರ ಕೆಲಸಗಳಲ್ಲಿ ತೊಡಗಿಕೊಂಡಿರುತ್ತಾರೋ, ಅಂತಹವರಿಂದ ಸಾಲದ ಬೇಡಿಕೆ ಬಂದರೆ, ಅವರಿಗೆ ಹಣವನ್ನು ಸಾಲವಾಗಿ ನೀಡಬಾರದು ಎಂದು ಚಾಣಕ್ಯ ಹೇಳುತ್ತಾನೆ. ಇಂತಹ ಜನರು ನಿಮ್ಮನ್ನು ಯಾವುದೇ ಸಮಯದಲ್ಲಿ ಮೋಸ ಮಾಡಬಹುದು. ಇಂತಹ ವ್ಯಕ್ತಿಗಳು ಹಣವನ್ನು ದುರುಪಯೋಗಪಡಿಸಿಕೊಳ್ಳುವುದು ಖಚಿತ. ಈ ರೀತಿಯ ಜನರು ನಿಮ್ಮ ಹಣವನ್ನು ಮರಳಿ ನೀಡುವ ಬಗ್ಗೆ ಯೋಚಿಸುವುದೂ ಇಲ್ಲ.

ದುಶ್ಚಟಗಳಿಗೆ ದಾಸರಾದವರು

ಮಾದಕ ವ್ಯಸನಿಗಳಿಗೆ (Addicted to Intoxication) ಸಾಲ ನೀಡಬೇಡಿ. ಯಾವಾಗಲೂ ಮಾದಕ ವ್ಯಸನದಲ್ಲಿ ಮುಳುಗಿರುವವರಿಗೆ ಅಥವಾ ಕೆಟ್ಟ ಅಭ್ಯಾಸಗಳನ್ನು ಹೊಂದಿರುವವರಿಗೆ ಸಾಲ ನೀಡಬಾರದು ಎಂದು ಚಾಣಕ್ಯ ನೀತಿಯಲ್ಲಿ ಹೇಳಲಾಗಿದೆ. ಅಂತಹವರಿಗೆ ನೀವು ಸಾಲ ನೀಡಿದಾಗ, ಅವರು ನಿಮ್ಮ ಹಣವನ್ನು ಕಳೆದುಕೊಳ್ಳುತ್ತಾರೆ. ನಿಮ್ಮ ಹಣವು ಹಿಂತಿರುಗಿ ಬರುವುದಿಲ್ಲ. ನಿಮ್ಮ ಸಂಪತ್ತು ಹಾಳಾಗಬಹುದು.

ಅತಿಯಾಗಿ ಹಣ ಪೋಲು ಮಾಡುವವರು

ಅನಗತ್ಯ ಖರ್ಚಿನ ಅಭ್ಯಾಸ ಹೊಂದಿರುವವರಿಗೆ (Extravagant Spenders) ಸಾಲ ನೀಡಬೇಡಿ. ಚಾಣಕ್ಯನ ಪ್ರಕಾರ, ಅನಗತ್ಯವಾಗಿ ಖರ್ಚು ಮಾಡುವ ಅಭ್ಯಾಸ ಹೊಂದಿರುವವರ ಬಳಿ ಎಂದಿಗೂ ಹಣ ನಿಲ್ಲುವುದಿಲ್ಲ. ನೀವು ಅಂತಹವರಿಗೆ ಸಾಲ ನೀಡಿದರೆ, ಅವರು ನಿಮ್ಮ ಹಣವನ್ನು ವ್ಯರ್ಥ ಕೆಲಸಗಳಲ್ಲಿ ಖರ್ಚು ಮಾಡುತ್ತಾರೆ. ಅಂತಹ ಜನರೊಂದಿಗೆ ಹಣಕಾಸಿನ ವ್ಯವಹಾರ ಮಾಡುವುದು ನಿಮ್ಮ ಹಣದ ಪಾಲಿಗೆ ವಿನಾಶಕಾರಿ.

ಮೂರ್ಖ ವ್ಯಕ್ತಿ

ಮೂರ್ಖರಿಗೆ (Foolish Person) ಹಣವನ್ನು ಸಾಲವಾಗಿ ನೀಡಬೇಡಿ. ಚಾಣಕ್ಯ ನೀತಿಯ ಪ್ರಕಾರ, ನೀವು ಎಂದಿಗೂ ಮೂರ್ಖ ವ್ಯಕ್ತಿಗೆ ಹಣವನ್ನು ಸಾಲವಾಗಿ ನೀಡಬಾರದು. ಅಂತಹ ಜನರು ಬೇಜವಾಬ್ದಾರರಾಗಿರುತ್ತಾರೆ. ನೀವು ಅವರಿಗೆ ಹಣವನ್ನು ನೀಡಿದಾಗ, ಅವರಿಗೆ ಅದರ ಮೌಲ್ಯ ಅರ್ಥವಾಗುವುದಿಲ್ಲ. ಅನೇಕ ಬಾರಿ, ಅವರು ನಿಮ್ಮ ಕಷ್ಟಪಟ್ಟು ಗಳಿಸಿದ ಹಣವನ್ನು ನೀರಿನಂತೆ ವ್ಯರ್ಥ ಮಾಡುತ್ತಾರೆ. ನಂತರ ನಿಮಗೆ ನಷ್ಟ ಉಂಟು ಮಾಡಬಹುದು.

ಒಟ್ಟಾರೆಯಾಗಿ, ಹಣಕಾಸಿನ ವಿಚಾರದಲ್ಲಿ, ಭಾವನಾತ್ಮಕ ಸಂಬಂಧಗಳಿಗಿಂತ ಜ್ಞಾನ ಮತ್ತು ವಿವೇಚನೆ ಹೆಚ್ಚು ಮುಖ್ಯ. ನಿಮ್ಮ ಸಂಬಂಧಗಳು ಎಷ್ಟೇ ಹತ್ತಿರವಾಗಿದ್ದರೂ, ಆರ್ಥಿಕ ಸಮಸ್ಯೆಗಳಿಂದ ನಿಮ್ಮನ್ನು ಮತ್ತು ನಿಮ್ಮ ಸಂಪತ್ತನ್ನು ರಕ್ಷಿಸಿಕೊಳ್ಳಲು ಕೆಲವು ನಿರ್ದಿಷ್ಟ ಗುಣಲಕ್ಷಣಗಳನ್ನು ಹೊಂದಿರುವ ವ್ಯಕ್ತಿಗಳಿಗೆ ಸಾಲ ನೀಡುವುದನ್ನು ತಪ್ಪಿಸುವುದು ಜಾಣತನದ ನಡೆ.