2012ಕ್ಕೆ ಜಗತ್ತು ಅಂತ್ಯ- ಟಾಪ್ 4 ಗಾಸಿಪ್ ಗಳು

2012ಕ್ಕೆ ಜಗತ್ತು ಕೊನೆಗೊಳ್ಳಲಿದೆ, ಜಗತ್ತ್ ಪ್ರಳಯ ಆಗಲಿದೆ ಮುಂತಾದ ಸುದ್ಧಿಗಳು ಕೇಳಿ ಬರ್ತಾ ಇರುತ್ತವೆ. ಆದರೆ ಇದು ಎಷ್ಟರ ಮಟ್ಟಿಗೆ ಸರಿ ಎಂಬ ಮೂಲ ಪ್ರಶ್ನೆ ನಮ್ಮಲ್ಲಿ ಕೊರೆಯುತ್ತಿರುವುದಂತೂ ನಿಜ.

ಕೆಲ ಜೋತಿಷ್ಯರು 2012 ಜಗತ್ತು ಕೊನೆಗೊಳ್ಳಲಿದೆ ಎಂದು ವಿಜ್ಞಾನಿಗಳು ಈ ವಿಷಯವನ್ನು ಅಲ್ಲಗೆಳೆಯುತ್ತಾರೆ. ಅದೇನೆ ಇರಲಿ 2012 ರ ರಲ್ಲಿ ಈ ಕೆಳಗಿನ ಪ್ರಮುಖ ಸುದ್ಧಿಗಳು ಜನರಲ್ಲಿ ಸಂಚಲನ ಮೂಡಿಸಿದಂತೂ ನಿಜ.

1. ಮಯಾನ್ ಕ್ಯಾಲೆಂಡರ್ ಪ್ರಕಾರ 2012ರ ಡಿಸೆಂಬರ್ ಜಗತ್ತಿನ ಅಂತ್ಯ: ಮಯಾನ್ ಕ್ಯಾಲೆಂಡರ್ ನಲ್ಲಿ 2012ರವರೆಗೆ ಮಾತ್ರ ದಿನಾಂಕವಿದೆ. ನಂತರ ದಿನಗಳು ಅದರಲ್ಲಿ ಇಲ್ಲ. ಆದ್ದರಿಂದ 2012ಕ್ಕೆ ಖಂಡಿತವಾಗಿಯೂ ಲೋಕ ಅಂತ್ಯವಾಗುತ್ತದೆ ಎಂಬ ಸುದ್ಧಿಗಳು ಕೇಳಿ ಬರುತ್ತಾ ಇತ್ತು. ಪ್ರಪಂಚದಲ್ಲಿ ಹಳೆಯ ಹಾಗೂ ಹೊಸ ಸಾವಿರಾರು ಕ್ಯಾಲೆಂಡರುಗಳು ಬಳಕೆಯಲ್ಲಿದೆ. ಅದರಲ್ಲಿ ಭೂಮಿಯ ಆಗುಹೋಗುಗಳ ಬಗ್ಗೆ ಹೇಳಿರುವುದಿಲ್ಲ. ಪ್ರತಿವರ್ಷ ಡಿಸೆಂಬರ್ ಕೊನೆಯ ದಿನಾಂಕವಾದ ನಂತರ ಹೊಸ ವರ್ಷ ಬರುವುದಿಲ್ಲವೇ ಅದೇ ರೀತಿ ಇದು ಕೂಡ.

2. ಗ್ರಹ ಅಪ್ಪಳಿಸಲಿದೆ:ನಿಬಿರು ಎಂಬ ಗ್ರಹ ಡಿಸೆಂಬರ್ 2012ರಂದು ಭೂಮಿಗೆ ಬಂದು ಅಪ್ಪಳಿಸಲಿದೆ. ಖಗೋಳ ವಿಜ್ಞಾನಿಯ ಕಣ್ಣಿಗೆ ಈ ಗ್ರಹವು ಕಂಡು ಬಂದಿಲ್ಲ. ಆದ್ದರಿಂದ ನಿಬಿರುವಿನ ಅಸ್ತಿತ್ವ ನಿಜವಲ್ಲ ಮತ್ತು ಭೂಮಿಯು ಈ ಗ್ರಹ ಅಪ್ಪಳಿಸಿ ಸ್ಪೋಟಗೊಳ್ಳಲಿದೆ ಅನ್ನುವುದು ಸತ್ಯಕ್ಕೆ ದೂರವಾದ ಮಾತು.

3. ಭೂಮಿಯ ಪಥ ಬದಲಾಗಲಿದೆ: ಮಿಲ್ಕಿ ವೇ ಗ್ಯಾಲಾಕ್ಸಿಯಲ್ಲಿನ ಇತರೆ ಗ್ರಹಗಳ ಪ್ರಭಾವದಿಂದ ಭೂಮಿಯ ಪಥ ಬದಲಾಗಿ, ಗುರುತ್ವಾಕರ್ಷಣ ಬಲದಲ್ಲಿ ಏರು-ಪೇರಾಗುತ್ತದೆ. ಇದರಿಂದ ಭೂಮಿಯ ಪಥ ಬದಲಾಗಲಿದೆ. ಭೂಮಿ ಸೂರ್ಯನಿಗೆ ತುಂಬಾ ಸಮೀಪವಾಗಿ ಸೂರ್ಯನ ಉಷ್ಣತೆ ಭೂಮಿಗೆ ತಾಗಿ ಜಗತ್ತು ಮುಕ್ತಾಯವಾಗಲಿದೆ ಅನ್ನುವುದು ಅವೈಜ್ಞಾನಿಕ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.

4. ಜ್ಯೋತಿಷಿ ನಾಸ್ಟ್ರೋಡಮಸ್ನ: ನಾಸ್ಟ್ರೋಡಮಸ್ನ ಎಂಬ ಜ್ಯೋತಿಷಿ 2012ಕ್ಕೆ ಜಗತ್ ಪ್ರಳಯವಾಗಲಿದೆ ಎಂದು 16ನೇ ಶತಮಾನದಲ್ಲಿ ಹೇಳಲಾಗಲಿದೆ. ಆದರೆ ಇದು ಆಧಾರ ರಹಿತವಾಗಿದೆ.