ಈ ವಿಷಯಗಳು ಸ್ತ್ರೀಯರಿಗೆ ಇಷ್ಟ, ಪುರುಷರಿಗೆ ಕಷ್ಟ

ಧಾರವಾಹಿ ವೀಕ್ಷಣೆ:

ಅಪ್ಪ-ಮಗನಿಗೆ ಸ್ಪೋರ್ಟ್ಸ್, ನ್ಯೂಸ್ ನೋಡಲು ಇಷ್ಟವಾದರೆ ಅಮ್ಮ ಬಂದು ಧಾರವಾಹಿ ಹಾಕಿ ಎಂದು ಹೇಳುತ್ತಾಳೆ. ಆಗ ಹಾಕಿಕೊಡದಿದ್ದರೆ ಆ ವಿಷಯಕ್ಕೆ ಮಾತು ಬೆಳೆಯುವುದು. ಅದೇ ಪುರುಷರಿಗೆ ಧಾರವಾಹಿ ಹಾಕಿ ಕೊಟ್ಟು ನೋಡು ಅಂದರೆ ಅಲ್ಲೇ ನಿದ್ದೆ ಮಾಡಿ ಬಿಡುತ್ತಾರೆ.

ಪುರುಷರು ಧಾರವಾಹಿ ನೋಡುವುದಿಲ್ಲವೆಂದಲ್ಲ ನೋಡುತ್ತಾರೆ, ಆದರೆ ಅವರ ಸಂಖ್ಯೆ ತುಂಬಾ ಕಡಿಮೆ, ಅಲ್ಲದೆ ತುಂಬ ಜನಪ್ರಿಯವಾದ ಧಾರವಾಹಿಗಳನ್ನಷ್ಟೇ ನೋಡುತ್ತಾರೆ.

ರೊಮ್ಯಾಂಟಿಕ್ ಕಾದಂಬರಿಯನ್ನು ಓದುವುದು:

ರೊಮ್ಯಾಂಟಿಕ್ ಕಾಂದಬರಿಗಳನ್ನು ಓದಲು, ರೊಮ್ಯಾಂಟಿಕ್ ಹಾಡುಗಳನ್ನು ಕೇಳಲು ಸ್ತ್ರೀಯರು ಇಷ್ಟಪಟ್ಟರೆ ಅದಕ್ಕೆ ವಿರುದ್ಧವಾಗಿ ಪುರುಷರು ಥ್ರಿಲ್ಲರ್ ಕಾದಂಬರಿಗಳನ್ನು ಓದಲು, ತುಂಬಾ ಫೈಟಿಂಗ್ ಇರುವ ಸಿನಿಮಾ ನೋಡಲು, ಕಿವಿ ಒಡೆದು ಹೋಗುವಂತೆ ಜೋರಾಗಿ ಹಾಡು ಹಾಕಿ ಕೇಳಲು ಇಷ್ಟಪಡುತ್ತಾರೆ.

ಗಾಸಿಪ್:

ನಾಲ್ಕು ಜನ ಜನ ಸ್ತ್ರೀಯರು ಜೊತೆ ಸೇರಿದರೆ ಸಾಕು, ಮತ್ತೊಬ್ಬರ ಬಗ್ಗೆ ಗಾಸಿಪ್ ಹೇಳುತ್ತಾ ಕಾಲ ಕಳೆಯುತ್ತಾರೆ. ಈ ರೀತಿತ ಹೇಳಿದರೆ ಮಹಿಳೆಯರಿಗೆ ಕೋಪ ಬರುತ್ತದೆ, ಆದರೆ ಈ ಗುಣಗಳನ್ನು ಹಳ್ಳಿ ಹೆಣ್ಣು ಮಕ್ಕಳಿಂದ ಹಿಡಿದು ಹೈಫೈ ಮಹಿಳೆಯರಲ್ಲೂ ಕೂಡ ಕಾಣಬಹುದು.

ಹುಡುಗಿಯರು ರಾತ್ರಿ ಹೊರಹೋಗುವುದು:

ಪಾರ್ಟಿ ಅಂತ ಮಹಿಳೆಯರು ರಾತ್ರಿ ಹೊತ್ತು ಹೊರಗಡೆ ಹೋದರೆ ಆ ಗುಣ ಪುರುಷರಿಗೆ ಇಷ್ಟವಾಗುವುದಿಲ್ಲ. ಪ್ರತಿಯೊಬ್ಬ ಗಂಡಸು ಮನೆ ಹೆಣ್ಣ ಮಗಳು ರಾತ್ರಿಯಾಗುವ ಮುಂಚೆ ಮನೆ ಸೇರಬೇಕೆಂದು ಬಯಸುತ್ತಾನೆ.

ಹೊಗಳುವಿಕೆ:

ಸ್ತ್ರೀಯರು ಹೊಗಳಿಕೆಯನ್ನು ತುಂಬಾ ಇಷ್ಟಪಡುತ್ತಾರೆ. ಪುರುಷರು ಹೊಗಳುವಾಗ ಅದು ಸುಳ್ಳೆಂದು ಗೊತ್ತಿದ್ದರೂ ಇಷ್ಟಪಡುತ್ತಾರೆ. ಆದರೆ ಪುರುಷರನ್ನು ಸುಳ್ಳು -ಸುಳ್ಳಾಗಿ ಹೊಗಳಿದರೆ ಅವರಿಗೆ ಇಷ್ಟವಾಗುವುದಿಲ್ಲ.