ಕುಡಿಯೋರಿಗೆ ಮಾತ್ರ! ದೇಶದ ಐದು ಫೇಮಸ್ ವೈನ್

Insync

oi-Reena

By Hema S

Updated: Wednesday, September 12, 2012, 16:48 [IST]

ವೈನ್ ಮಿತಿಯಲ್ಲಿ ಕುಡಿದರೆ ಆರೋಗ್ಯಕ್ಕೆ ಒಳ್ಳೆಯದು. ಕೆಲವೊಂದು ಬ್ರಾಂಡ್ ನ ವೈನ್ ಅನ್ನು ವಿದೇಶದಿಂದ ತರಿಸಿ ಇಲ್ಲಿ ಮಾರಾಟ ಮಾಡಲಾಗುತ್ತದೆ. ಆದರೆ ಮತ್ತೆ ಕೆಲವು ಬ್ರಾಂಡ್ ನ ವೈನ್ ಅನ್ನು ಭಾರತದಲ್ಲಿಯೇ ತಯಾರಿಸಲಾಗಿದೆ. ಅವುಗಳು ಒಳ್ಳೆಯ ಗುಣಮಟ್ಟವನ್ನು ಹೊಂದಿವೆ. ಆ ವೈನ್ ಗಳು ಯಾವುವು ಎಂದು ತಿಳಿಯಲು ಮುಂದೆ ಓದಿ.

1. ಇಂಡಸ್ ಸುವಿಗ್ನಾನ್ ಬ್ಲಾಂಕ್ 2010 (Indus Sauvignon Blanc 2010): ಬಿಳಿ ವೈನ್ ಕ್ಕಿಂತ ಕೆಂಪು ವೈನ್ ಅನ್ನು ಭಾರತದಲ್ಲಿ ಹೆಚ್ಚಾಗಿ ತಯಾರಿಸಲಾಗುತ್ತದೆ. ಭಾರತದಲ್ಲಿ ತಯಾರಿಸುವ ಬಿಳಿ ವೈನ್ ಗಳಲ್ಲಿ ಇಂಡಸ್ ಸುವಿಗ್ನಾನ್ ಬ್ಲಾಂಕ್ 2010 ವೈನ್ ಗುಣಮಟ್ಟದ ವೈನ್ ಆಗಿದೆ. ಈ ವೈನ್ ಅನ್ನು ಮುಂಬಯಿ ಸಮೀಪದಲ್ಲಿ ತಯಾರಿಸಲಾಗುತ್ತದೆ.

2. ಮರ್ಕ್ಯೂರಿ ಶೆನಿನ್ ಬ್ಲಾಂಕ್ (Mercury Chenin Blanc): ಈ ಭಾರತೀಯ ವೈನ್ ಅನ್ನು 3 ವರ್ಷಗಳ ತಯಾರಿಸಲು ಪ್ರಾರಂಭಿಸಿದರೂ ಅಲ್ಪ ಅವಧಿಯಲ್ಲಿ ಅಧಿಕ ಜನಪ್ರಿಯತೆಯನ್ನು ಗಳಿಸಿದೆ. ಇದನ್ನು ಊಟದ ನಂತರ ಕುಡಿದರೆ ಒಳ್ಳೆಯದು.

3. ಸುಲಾ ರಿಸ್ಲೆಂಗ್ (Sula Riesling): ಭಾರತದಲ್ಲಿ ತಯಾಸುತ್ತಿರುವ ಏಕೈಕ ರಿಸ್ಲೆಂಗ್ ಇದಾಗಿದೆ. ಇದನ್ನು ಜರ್ಮನಿಯಲ್ಲಿ ಬೆಳೆಯುವ ರಿಸ್ಲೆಂಗ್ ಎಂಬ ದ್ರಾಕ್ಷಿಯಿಂದ ಇದನ್ನು ತಯಾರಿಸಲಾಗುವುದು. ಇದರ ವಾಸನೆ ಪೆಟ್ರೋಲ್ ರೀತಿ ಇದ್ದರೂ ಇದರ ರುಚಿ ವೈನ್ ಪ್ರಿಯರಿಗೆ ಪ್ರಿಯವಾಗಿದೆ.

4. ಸುಲಾ ರಸಾ ಶಿರಾಜ್ (Sula Rasa Shiraz): ಭಾರತದ ಈ ವೈನ್ 2010ರಲ್ಲಿ ಅತ್ಯೂತ್ತಮ ವೈನ್ ಎಂಬ ಹೆಗ್ಗಳಿಕೆಯನ್ನು ಗಳಿಸಿದೆ. ಭಾರತದ ಇತರ ವೈನ್ ಗಳಿಗಿಂತ ಮೊದಲು ಇದನ್ನು ತಯಾರಿಸಲಾಯಿತು. ಇದು ಖಾರ ವೈನ್ ಆಗಿದೆ.

5. ಗ್ರೋವರ್ಸ್ ಲೆ ರಿಸರ್ವ್ ( Grover's La Reserve): ಈ ವೈನ್ ಅನ್ನು ಬೆಂಗಳೂರಿನಲ್ಲಿ ತಯಾರಿಸಲಾಗುತ್ತದೆ. ಇದು ಚಾಕಲೇಟ್ ಮಿಶ್ರಿತ ಕಾಫಿ ರುಚಿಯಲ್ಲಿರುವುರದರಿಂದ ವೈನ್ ಮೆಚ್ಚಿನ ವೈನ್ ಗಳಲ್ಲಿ ಇದು ಕೂಡ ಒಂದಾಗಿದೆ.