ವಿವಾಹ ಪಂಚಮಿ 2021: ಶ್ರೀರಾಮ-ಸೀತಾಮಾತೆ ಮದುವೆಯಾದ ಈ ದಿನ ಮದುವೆಯಾಗಲು ಜನರು ಭಯಪಡುವುದೇಕೆ?

ವಿವಾಹ ಪಂಚಮಿ

ವಿವಾಹ ಪಂಚಮಿಯಂದು ಮದುವೆಯಾದರೆ ಒಳ್ಳೆಯದು, ಆದರೂ ಈ ದಿನ ಮದುವೆಯಾಗಲು ಜನ ಹಿಂದೇಟು ಹಾಕುತ್ತಾರೆ, ಪಂಚಾಂಗ ನೋಡದೆ ಕೆಲವರು ಈ ದಿನ ಮದುವೆಯಾಗುತ್ತಾರೆ, ಆದರೆ ಕೆಲವರು ಈ ದಿನ ಬೇಡವೆಂದು ಹೇಳುತ್ತಾರೆ, ಅದಕ್ಕೆ ಕಾರಣ ಈ ದಿನ ಮದುವೆಯಾದರೆ ಬದುಕಿನಲ್ಲಿ ಹಲವಾರು ಸಲಾಲುಗಳು ಬರುತ್ತದೆ ಎಂಬುವುದು ಜನರ ನಂಬಿಕೆ. ಭಗವಂತ ಶ್ರೀರಾಮ ಹಾಗೂ ಸೀತಾಮಾತೆ ಈ ದಿನ ಮದುವೆಯಾದರು, ಆದರೆ ಅವರು ಅವರ ಬದುಕಿನಲ್ಲಿ ಅನೇಕ ಕಷ್ಟಗಳನ್ನು ಎದುರಿಸಬೇಕಾಯಿತು, ಆದ್ದರಿಂದ ಈ ದಿನ ಬೇಡ ಎಂದು ಹೆಳುತ್ತಾರೆ.

ವನವಾಸ ಮುಗಿಸಿ ಹಿಂತಿರುಗಿದರೂ ಸೀತಾಮಾತೆಗೆ ತಪ್ಪಲಿಲ್ಲ ಕಷ್ಟ

14 ವರ್ಷಗಳ ವನವಾಸದಲ್ಲಿ ರಾವಣನಿಂದ ಅಪಹರಿಸಲ್ಪಟ್ಟ ಸೀತೆಯನ್ನು ರಕ್ಷಿಸಲು ರಾವಣ-ರಾಮನ ನಡುವೆ ದೊಡ್ಡ ಯುದ್ಧವೇ ನಡೆಯಿತು. ಶ್ರಿರಾಮ ಸೀತಾಮಾತೆಯನ್ನು ಸುರಕ್ಷಿತವಾಗಿ ಮರಳಿ ಪಡೆದನು, ಆದರೂ ಸೀತಾಮಾತೆಯ ಕಷ್ಟ ತಪ್ಪಲಿಲ್ಲ, ವನವಾಸದಿಂದ ಹಿಂತಿರುಗಿದ ಮೇಲೆ ಜನರ ಕೊಂಕು ಮಾತುಗಳು ಕೇಳಬೇಕಾಯಿತು, ಅಗ್ನಿ ಪರೀಕ್ಷೆ ಎದುರಿಸಿ ತನ್ನ ಪಾತಿವ್ರತ್ಯ ಸಾಬೀತು ಪಡಿಸಬೇಕಾಯಿತು.

ಭಗವಂತರಾದ ಶ್ರೀರಾಮ-ಸೀತಾ ಮಾತೆಗೇ ಅಷ್ಟೆಲ್ಲಾ ಕಷ್ಟಗಳು ಎದುರಾಗಿರುವಾಗ ಹುಲು ಮನುಜರು ನಾವು... ಆದ್ದರಿಂದ ಈ ದಿನ ಮದುವೆ ಬೇಡ, ಮದುವೆಯಾದರೆ ವೈವಾಹಿಕ ಜೀವನದಲ್ಲಿ ಹಲವು ಸವಾಲುಗಳು ಎದುರಾಗುತ್ತವೆ ಎಂದು ಕೆಲವರು ನಂಬುತ್ತಾರೆ.

ಶ್ರೀವಿಷ್ಣುವಿನ ಅವತಾರ ರಾಮ

ಶ್ರೀರಾಮ ಶ್ರೀವಿಷ್ಣುವಿನ ಅವತಾರಗಳಲ್ಲಿ ಒಂದು. ಭಗವಾನ್‌ ಶ್ರೀವಿಷ್ಣುವಿನ ಏಳನೇ ಅವತಾರವೇ ಶ್ರೀರಾಮ. ಶ್ರೀವಿಷ್ಣುವಿನ ಪ್ರತಿಯೊಂದು ಅವತಾರಕ್ಕೂ ಒಂದೊಂದು ಉದ್ದೇಶವಿದೆ, ಅದರಂತೆ ಶ್ರೀರಾಮ ಅವತಾರದ ಹಿಂದೆಯೂ ಒಂದು ಉದ್ದೇಶವಿತ್ತು, ಅದರಂತೆಯೇ ಎಲ್ಲವೂ ನಡೆದವು.

ಶ್ರೀರಾಮ ಅಯೋಧ್ಯೆಯಲ್ಲಿ ಜನಿಸಿದ, ನಮ್ಮ ರಾಷ್ಟ್ರ ರಾಜಧಾನಿ ದೆಹಲಿಯಿಂದ ಅಯೋಧ್ಯೆ 55ಕಿ.ಮೀ ದೂರದಲ್ಲಿದೆ. ಉತ್ತರಬಾರತದ ಫೈಜಾಬಾದ್ ಜಿಲ್ಲೆಯಲ್ಲಿ ಅಯೋಧ್ಯೆ ಇದ್ದು ಅಲ್ಲಿ ರಾಮ ಮಂದಿರ ನಿರ್ಮಾಣವಾಗುತ್ತಿದೆ. ಭಾರತೀಯರ ಪ್ರಮುಖ ಪವಿತ್ರ ಸ್ಥಳಗಳಲ್ಲಿ ಅಯೋಧ್ಯೆಯೂ ಒಂದು.

ಶ್ರೀರಾಮ ಪೂಜಿಸಿದರೆ ಬದುಕಿನಲ್ಲಿರುವ ಬರುವ ಸವಾಲುಗಳನ್ನು ಎದುರಿಸುವ ಶಕ್ತಿಯನ್ನು ಅವನು ನಮಗೆ ಕೊಡುತ್ತಾನೆ. ಜೈ ಶ್ರೀರಾಮ್....