ಹನುಮಾನ್ ನಮ್ಮ ನಡುವೆ ಇದ್ದಾನೆಯೇ? ಇಲ್ಲಿದೆ ಪುರಾವೆಗಳು!

ಚಿರಂತನ ಹನುಮಾನ್

ಆತ್ಮ ಶರೀರದಿಂದ ಶರೀರಕ್ಕೆ ಬದಲಾಗುತ್ತಾ ಇರುತ್ತದೆ ಎಂದು ಕೇಳಿದ್ದೇವೆ. ಆದರೆ ಹಿಂದೂ ಪುರಾಣಗಳಲ್ಲಿ ಕೆಲವು ಆತ್ಮಗಳು ಚಿರಂತನ ಎಂದು ಹೇಳಲಾಗಿದೆ. ಹನುಮಂತನ ನಿರ್ಗಮನದ ಬಗ್ಗೆ ಯಾವುದೇ ಉಲ್ಲೇಖವಿಲ್ಲದಿರುವ ಕಾರಣ ಈತನ ಆತ್ಮವೂ ಚಿರಂತನ ಎಂದು ಗ್ರಹಿಸಬಹುದು.

ಈಗಲೂ ಹನುಮಂತ ನಮ್ಮ ನಡುವೆ ಇದ್ದಾನೆಯೇ?

ಭಗವಂತ ರಾಮನಿಂದಲೇ ಆಶೀರ್ವದಿಸಲ್ಪಟ್ಟ ಹನುಮಂತ ರಾಮನಾಮ ಈ ಜಗತ್ತಿನಲ್ಲಿರುವಷ್ಟೂ ದಿನ ಜೀವಂತವಿರುತ್ತಾನೆ ಎಂಬ ವರ ಪಡೆದಿದ್ದ. ಆ ಪ್ರಕಾರ ರಾಮನಾಮವನ್ನು ಇಂದಿಗೂ ಪ್ರತಿದಿನ ಲಕ್ಷಾಂತರ ಹಿಂದೂಗಳು ಜಪಿಸುತ್ತಾ ಇರುವ ಕಾರಣ ಈ ಮೂಲಕ ಹನುಮಂತ ಜೀವಂತವಿರುತ್ತಾನೆ.

ಹನುಮಂತನ ಹೆಜ್ಜೆಯ ಗುರುತುಗಳಿವೆಯೇ?

ಭಾರತದ ಹಲವು ಸ್ಥಳಗಳಲ್ಲಿ ಹನುಮಂತನ ಪಾದದ ಗುರುತುಗಳು ಸ್ಪಷ್ಟವಾಗಿ ಕಾಣಿಸಿಕೊಂಡಿವೆ. ಇಲ್ಲೆಲ್ಲಾ ಹನುಮಂತ ನಡೆದಾಡಿದ್ದುದನ್ನು ರಾಮಾಯಣದಲ್ಲಿ ವಿವರಿಸಲಾಗಿದೆ.

ಯುಗಯುಗಗಳಲ್ಲಿ ಹನುಮಂತನ ಹೆಸರು

ರಾಮಾಯಣ ನಡೆದದ್ದು ತ್ರೇತಾಯುಗದಲ್ಲಿ. ಮಹಾಭಾರತ ನಡೆದಿದ್ದು ದ್ವಾಪರ ಯುಗದಲ್ಲಿ. ಇಂದು ಕಲಿಯುಗ ನಡೆಯುತ್ತಿದೆ. ಈ ಮೂರೂ ಯುಗಗಳಲ್ಲಿ ಹನುಮಂತನ ಹೆಸರು ಉಲ್ಲೇಖಿಸಲ್ಪಟ್ಟಿದ್ದರೆ ಸಾವಿರಾರು ವರ್ಷಗಳ ಅಂತರವಿರುವ ಈ ಯುಗಗಳಲ್ಲಿ ಇದು ಹೇಗೆ ಸಾಧ್ಯ? ಮಹಾಭಾರತದಲ್ಲಿ ಕಪಿಧ್ವಜದ ಉಲ್ಲೇಖ ನೆನಪಿಸಿಕೊಳ್ಳಿ.

ಕಲಿಯುಗದಲ್ಲಿ ಹನುಮಂತನ ಹೆಸರೆಲ್ಲಿ?

ಈ ಯುಗದಲ್ಲಿಯೂ ಹನುಮಂತನನ್ನು ನೋಡಿದ್ದೇವೆ ಎನ್ನುವವರಿದ್ದಾರೆ. ಹದಿಮೂರನೇ ಶತಮಾನದಲ್ಲಿ ಜೀವಂತರಾಗಿದ್ದ ಸಾಧು ಮಾಧವಾಚಾರ್ಯರು ತನಗೆ ಹನುಮಂತ ದರ್ಶನ ಭಾಗ್ಯ ಕರುಣಿಸಿದ್ದ ಎಂದು ತಿಳಿಸಿದ್ದಾರೆ. ಹದಿನೇಳನೇ ಶತಮಾನದ ಆರಂಭದಲ್ಲಿ ತುಳಸೀದಾಸರಿಗೆ ದರ್ಶನ ನೀಡಿದ ಹನುಮಂತ ಹಿಂದಿಯಲ್ಲಿ ರಾಮಾಯಣ ಬರೆಯುವಂತೆ ಪ್ರೇರೇಪಿಸಿದ್ದ. ಅಷ್ಟೇ ಅಲ್ಲ, ರಾಮದಾಸ ಸ್ವಾಮಿ, ರಾಘವೇಂದ್ರ ಸ್ವಾಮಿ, ಶ್ರೀ ಸತ್ಯ ಸಾಯಿ ಬಾಬಾ ಮೊದಲಾದವರು ತಾವು ಹನುಮಂತನ ದರ್ಶನ ಪಡೆದಿದ್ದೇವೆ ಎಂದು ತಿಳಿಸಿದ್ದಾರೆ.

ಹಾಗಾದರೆ ಹನುಮಂತನ ನಿವಾಸ ಸ್ಥಾನ ಎಲ್ಲಿದೆ?

ಈ ಬಗ್ಗೆ ಸ್ಪಷ್ಟವಾಗಿ ಲಭಿಸಿರುವ ಮಾಹಿತಿಗಳ ಪ್ರಕಾರ ಇಂದಿನ ತಮಿಳುನಾಡಿನ ರಾಮೇಶ್ವರಂ ನಗರದ ಬಳಿ ಇರುವ ಗಂಡ್ಮದನ ಬೆಟ್ಟದಲ್ಲಿ ಹನುಮಂತ ಇಂದಿಗೂ ವಾಸವಾಗಿದ್ದಾನೆ. Image courtesy

ಮಂತ್ರ ಪಠಿಸಿ ಚಿರಂಜೀವಿಯಾಗಿದ್ದಾನೆಯೇ?

ಹನುಮಂತನಿಗೆ ಚಿರಂಜೀವಿಯಾಗಿರುವ ವರ ದೊರಕಿದ್ದು ಇಂದಿಗೂ ಜೀವಂತನಾಗಿದ್ದಾನೆ ಎಂದು ಹೇಳಲಾಗುತ್ತದೆ. ಇದಕ್ಕಾಗಿ ಈತನಿಗೆ ಮಂತ್ರವನ್ನು ವರವಾಗಿ ನೀಡಾಲಾಗಿದ್ದು ಈ ಮಂತ್ರವನ್ನು ಪಠಿಸುವ ಮೂಲಕ ಸಾವನ್ನು ಮುಂದೂಡಬಹುದು ಎನ್ನಲಾಗಿದೆ. ಇನ್ನೊಂದು ಮಾಹಿತಿಯ ಪ್ರಕಾರ ಹನುಮಂತ ಹಿಮಾಲಯದ ತಪ್ಪಲಿನಲ್ಲಿರುವ ಅರಣ್ಯದಲ್ಲಿ ವಾಸವಾಗಿದ್ದಾನಂತೆ..!

ಜೈ ಬಜರಂಗ ಬಲಿ

ತನ್ನ ಭಕ್ತರು ಕಷ್ಟದಲ್ಲಿದ್ದಾಗ ಸದಾ ನೆರವಿಗೆ ಬರುವ ಹನುಮಂತ ನೆರವು ನೀಡಿದರೂ ಯಾರ ಕಣ್ಣಿಗೂ ಕಾಣಿಸಿಕೊಳ್ಳುವುದಿಲ್ಲ.

ಹನುಮಂತನ ದರ್ಶನ ಪಡೆಯಲು ಗುಟ್ಟಿನ ಮಂತ್ರ

ಹನುಮಂತನ ದರ್ಶನ ಪಡೆಯಬಯಸುವವರಿಗಾಗಿ ಒಂದು ಗುಟ್ಟಾದ ಮಂತ್ರವಿದೆ. ಇಂದು ಈ ಗುಟ್ಟಿನ ಮಂತ್ರವನ್ನು ನಿಮಗಾಗಿ ರಟ್ಟು ಮಾಡಲಾಗಿದೆ. ಈ ಮಂತ್ರ ಹೀಗಿದೆ: ಕಾಲ್ತಂತು ಕಾರೆಚರಂತಿ ಈನಾರ್ ಮಾರಿಷ್ಣು, ನಿರ್ಮುಕ್ತೇರ್ ಕಾಲೇತ್ವಂ ಅಮರಿಷ್ಣು

ಈ ಮಂತ್ರ ಪಠಿಸಲು ಇರುವ ಶರತ್ತುಗಳು

ಈ ಮಂತ್ರವನ್ನು ಸುಮ್ಮನೇ ಪಠಿಸಿದರೆ ಸಾಲದು, ಕೆಳಗಿನ ಎರಡು ಶರತ್ತುಗಳನ್ನು ಪೂರ್ಣಗೊಳಿಸಿದರೆ ಮಾತ್ರ ಸಾಧ್ಯ.

ಮೊದಲನೆಯದಾಗಿ: ಮಂತ್ರವನ್ನು ಪಠಿಸುವವನು/ಳು ಹನುಮಂತನನ್ನು ತನ್ನ ಆತ್ಮದಿಂದ ಹನುಮಂತನನ್ನು ಆರಾಧಿಸುವವನಾ/ಳಾಗಿರಬೇಕು.

ಈ ಮಂತ್ರ ಪಠಿಸಲು ಇರುವ ಶರತ್ತುಗಳು

ಎರಡನೆಯದಾಗಿ, ಈ ಮಂತ್ರ ಪಠಿಸುವ 980 ಮೀಟರ್ ನಷ್ಟು ತ್ರಿಜ್ಯದ ಸ್ಥಳದಲ್ಲಿ ಪಠಿಸುವವನ ಮತ್ತು ಮೊದಲನೆಯ ಶರತ್ತನ್ನು ಪಾಲಿಸದ ಬೇರೆ ಯಾವುದೇ ವ್ಯಕ್ತಿ ಇರಕೂಡದು.